www.goa-world. com >> >> GULF-GOANS e-NEWSLETTER (since 1994) >>http://www.yahoogroups.com/group/gulf-goans/ http://www.colaco.net/ >>http://www.live365.com/index.live >>Tumcam Maie-mogacho ieukar. Stay tuned to Gulf Goans e-Newsletter - everyday >>someone, somewhere learns a >>little.....________________________________________________________________________________SON’VARACHIM >> SUNGTTAM: >>XAPAY-XAMÃY – ONNBHOVANCHO SAGOR >>-Jose Salvador Fernandes >>Az xapay-xamãyancho dis. >>Amchim xapay-xamãy savlli divpi rukha porim zaun asat, ani tim khoinchea-i >>vellar aplea natrank jivitant yevkar diunk raji astat. Tim fuddlie pillgiek >>apli mogachi thonddsann diunk sodanch aitim astat. Sonvsarantlo sogllo mog >>ani apleponn tanche bhitor bhorlolem asa. Aplea natram sovem aslolo tancho >>xim’mer naslolo mog don pillgiam modlem mogachem natem zoddta. Bhurgeak >>jednam dukh zata, tednam avoy-bapay poros xapay-xamãyk tachi chodd dukh zata. >>Xapay-xamãy aplea natram vangdda vell sartat tednam tim sonvsarantlim >>soglleam poros khuxal mon’xam koxim distat. >>Eka mogachea natvak vo natik, tachea jivitant xapay ani xamãy ekdomuch >>mhotvachim mon’xam. Ek natu vo nat aplea xapay ani xamãy kodde zo som’bond >>zoddta to taka vo tika her sogllea som’bondam poros mhotvacho, molacho ani >>ugddas urpa sarko asta. Sot’tevont ani promannik xapay-xamãy astat tim >>sodanch aplea natvank tanchem jivit jiyeunk sfurti ditat, ani aplea borea >>kornniam udexim aplea natrank borem jivit jiyeunk dor palvak huskaytat hem >>tache fattlem mukhel karonn asta. >> Il’lo vell kaddun amchea xapay-xamãyancho ugddas kortolo zalear matso >>proyotn korcho poddta, torui tem amchea xapay-xamãyank aplea khatir kelolem >>vhoddlem kitem dista. Aplea moga khatir aplea natramni vell kaddlo hem >>polleun tim aplie zannttie pirayer khub khuxal zatat ani sonvsarant apnnacho >>mog kortolim mon’xam azunui asat oxem chintun tim anikui urben ani >>khuxalkayen jiyetat. Khorem mhollear, sogllea xapay-xamãyanchi ek avodd ani >>anvddo asta…. Tankam tanchea natram koddchean ek mogachi zap zay asta. Dor >>disa ami tankam mogan zap kortanv title-i pavtti tim khuxal zatat, tankam >>apleponn bhogta. >>Amchea jivitant, amchim xapay-xamãy, aplea asnnean (presence) vo nasnnean >>(absence) aplea natu vo natincher ugddas urpa sarko probhav ghaltat. Karonn, >>ghorant kitem-i sot sangpachem aslear amchim xapay-xamãy tem aplea >>natu-natink poilem sangtat. Amchea xapay-xamãyank itlea vorsanchea tanchea >>jivitant jem tannim bhoglam, jem tannim pollelam, aikolam hea soglleavelean >>tim onnbhovan girest zaleant mhonn thavem zata. Ani teach onnbhovacher adarun >>tankam aplim natram jivitant borea gunnanchim ani borie ritichim mon’xam >>zalolim tim anvddetat. Amchea avoy-bapayank ani her vhoddilank-ui hi khobor >>asa. >>Oxem mhonntat, xapay-xamãyancho sopurnn mog ghorant poilo natu vo nat zolmota >>tednam disun yeta. Hea vellar mhaka eke ghoddnniecho ugddas yeta. Apunn eka >>kristanv cheddvachea mogan asa ani apunn tachech lagim logn zatolo mhonn >>jednam hindu putan aplea avoy-bapyak sanglem, tednam tim aplea putacher khub >>ragar zalim. Tannim aplea putak tea cheddva sorxilo pois korunk, tanche modem >>futt ghalunk khub proyotn kele. Punn put kosoch aikonaslo. Xevttim tanchea >>putan tea cheddva lagim kazar zaunk pavl ubarlem. Putachim avoy-bapuy >>putachea ragan tambddim zalim. Itlim ragar zalim, xevttim tannim aplea putak >>ghorantlo bhair ghalo. Putachea kallzak dukh bhogli hantum dubav nam. Put >>kazar zatoch tachea avoy-bapayn tachi matui vaspus korunk nam. Tacher visor >>ghalo. Xevttim, don vorsamni tanchea putak ek dhuv zolmoli. Putan fon korun >>aplea avoy-bapayk hi khobor kollit keli. Hi khobor aikun putachim avoy-bapuy >>itlim khuxal zalim, xevttim tannim aplea putak porot aplea ghorant ghetlo ani aplie nati vangdda hansun-khellun tika bhorpur mog diunk laglim. Xapay-xamãyanchea sopurnn mogachi hi ek dekh asa. >>Amchim xapay-xamãy mhollear amchea ghorabeanchem vhodd bhanddar ani mogachie >>poromporechi buniad ghalpi mon’xam. Amchim xapay-xamãy mhollear kannio sangpi >>xrextt mon’xam, daizachim rakhonddaram. Amchim xapay-xamãy mhollear amchea >>ghorabeachi buniad. Tancho zo mog asta to vegllech torecho asta. Aplie >>khuxalkayentlean ani dukhantlean, aplea kherit mogantlean tim aplo ak’kho >>ghorabo aplea kallzak lagim dovortat. >>Amchim xapay-xamãy amkam aplea natvank asat toxim mandun ghetat hacher >>konnem-i kednam vichar kela? Amchi hal-chal polleun tim amchio moskorio >>korinant. Amchea avoy-bapayn, bhav-bhoinnamni ani vangddiamni amkam amchea >>jivitant borea khatir ragan kitem-i mhonnlam zait, punn amchim xapay-xamãy >>amche sovem sodanch zata titlim mogall ani somjikayechim zaleant, hem ami >>soglleamni chodd nhoy zalear thodde pavtti tori onnbhovlam astolem. >>Amchea xapay-xamãyancho itihas fulanchea paklleamni ugddas korunk zainam, >>punn to itihas tanchea bhurgeanchea ani natvanchea hanspant ani roddpant asa. >>Kiteak tanchem jivit tanchea bhurgeam ani natram bhitor riglolem asa. Tancho >>itihas amchea jivitant fuddar zata hi kolponam kitli mhotvachi ani molachi! >> >>Amchim xapay-xamãy mhollear amkam bhurgeank Devachem kherit dennem. >>Xapay-xamãy aplea natrank jem kitem mogan kortat ani ditat tem titleach mogan >>anik konnachean korunk zainam. >>Amchim xapay-xamãy amchea jivitachi dor ek hal-chal aplie nhoy, punn amchie >>nodrentlean polletat. Dekunuch tannim aplea natrancher ximpddaylolo mogacho >>ximpodd natranchea jivitacher porinnam’ korun tanche modlem natem odik mozbut >>korta. >>Az-kal aplea jivitant koslem-i margdorxon vo budh zay zalear, natram aplea >>xapay-xamãy kodde poilim vicharun polletat, kiteak tankam jivitacho chodd >>onnbhov ani tannim sonvsar khoreponnan pollelolo asta. Ghorabeantlim chodd >>onnbhov aslolim mon’xam mhonntoch, ghorabo ekttaim dovorpachi-i zababdari >>tankam diloli asta. >>Xapay-xamãy ani natram him sonvsarantlim boreantlim borim ixttam astat oxem >>mhonntat. Natram aplea jivitantle ghutt ani prosn aplea xapay-xamãyank >>visvasant gheun sangtat, ani tim xapay-xamãy tankam jivit koxem hatallpachi >>tem mhotvachem ani molachem margdorxon ditat. Xapay-xamãy jednam zannttie >>pirayer pavtat tednam tim aplea natram koddchean mog, apleponn, bhavnik tenko >>sodtat ani apnnak tie-tie poristhitint somzunchim mhonn anvddetat. >>Natram zoxim vaddtat, toxim tankam aplea jivitant zaitim xikovpi melltat, >>punn xapay-xamãy oslo xikovpi tankam khoinch mellcho nam. Kiteak xapay-xamãy >>kodde bhangarachi zannvay bhorloli asta. Sogllinch xapay-xamãy xiklolim >>asonant, punn tanche kodde iskolant kednanch xikoynant toslea onnbhovanchi >>girestkay asta. Aplea natrank polletoch xapay-xamãychea mukhamollar khubxea >>molacho hanso khell’lolo dista. Kiteak aplea natram bhitor tim eke toren >>apnnakuch polletat. >>Amchim xapay-xamãy kensan dhovim, punn monan ani kallzan bhangarachim. >>Xevttim, amchea xapay-xamãychio bhavnam oxea utramni ugtaum yetat – “amchim >>bhurgim amche khatir mogachim; punn amchim natram zolmotat tednam tim amkam >>amchea bhurgeam porosui odik mogachim distat.” >> >> >>- Jose Salvador Fernandes >>www.goa-world.com >>Son'var Julia 26vi, 2014 >>(gaspar almeida) THOUGHT FOR THE DAY: Every individual has a place to fill in >>the world, and is important in some respect, whether he chooses to be so or >>not.