------------------------------------------------------- CONVENTION OF THE GOAN DIASPORA FROM GOA INTO THE WORLD Lisbon, Portugal June 15-17, 2007 Details at: http://www.goacom.org/casa-de-goa/noticias.html -------------------------------------------------------
Kaka Soor Ground Lhan bhurgim caca vo ollxig kortat tennam tea porank mhonntat xi..xi caca keli. Hatak mellteli kosli-i vost inosent bhurgem aplea tonddan ghalta tenna, tevui-i vellar ami taka xiddkavnni diun mhonntat xi..caca. dont put in your mouth.. adi adi. Ani he toren, lhannuch savn kitem borem ani vaitt asa tem bhurgeanchea monant ghaltanam lohu-lohu korun tim bhurgim zaitem xikun, vaitt ani borem hanchi ontor vhaddtam-vhaddtam zannam zaunk pavttat. Ho mhozo lekh Kaka Soor Ground mathalo diun boroitanam, hanv ek vhodd fanki Brazil-acho futtboll khellgoddeak Ricardo Izecson dos Santos Leita (Kaká, pet name) ani New Zealand (NZ) desi popot-ak okman kelelea vorim dista. Vachpeanim ek chotrai dovorchi- kaka ani Kaká modim. Purtugez okxoranche uzve votten kano (á) vo ani yer okxarank (ç) ghalun khubxim monxank nanvam ditat tem ami zannant. Toxench Kākā (ā) okxaracher addvo dando ghalun sadharonn akharacho (medium sized) popot (parrot) sumar 45cm lamb ani 550 g, voznancho NZ asta. Aichea Aitarachea Kaskutleo-ant, Ontoraxtrik futboll khellkoddi Kaká-chea vixim boroun dislem. Porchea Budhvarak May-che 23ver Italian-AC Milan ani Inglandcho Liverpool futboll pongoddam modim xevottacho khell Athens, Olympic moidanar choltalo to hanvem live TV-ir pollelo. Donui timi boreo kelleo zalear AC Milan tim 2-1 goal-anim European Champions zali. Ani Kaká, aplea pongddachem zoit porgottunk, aplea angar asleli klub-chi jersey kaddli ani dimbher poddun Devak argam ditanam sonvsar bhor TV-ir futboll khell polleteleanim, tachea bhitorlea banyanar I BELONG TO JESUS oxem boroilelem vachlem. Kai boreli dekh amchea futboll khellkoddeank tannem dili nam zait? Moidanar khelltanam Devachea nanvan khellun, ixttagottichem natem zoddun gheunk zai. Punn, kaka Soor moidanar khell somplea uprant, thodde moidannar khelltele khellkoddi khoinchean dhanvtat tem somzonam ani tachea fuddem monis dhanvta to, konnank dorunk dhanvta tem ghomonam. Kaká-chi anik ek tokhnai korpachi kharnni mhonnlear, jedna to goal marta tedna to donui hat voir ubharun hatachim index fingers sorgavelea dixen haloun, apleak khellpachi xoktti ditelea Bapa-chi vakhanni korit moidanar dhanvta. Punn, kaka Soor moidanar goal marlo mhonntoch (soglle nhoi) khellkodi aplo uzvo hat bhair kaddun moidanar zomillea loka islean polloun left-right, left-right korit manual ghaddiechim gear-am ghalta kai distat. Hi ollxig kosli? Gõychea khubxea namneche futboll khellkoddeanim Soor moidananar khellun aplea khellachem jivit orpun borem nanv zhoddun ghetlam. Famad futboll khellkoddi Cajetan Godinho hannem, hea Soor moidannar 25 vorsam odik khellam jivit dilelea nontor, tacho sotkar (honor) Kuwait-Goans Association-an kela. Atam Soor moidannar cholteli porostithi pollelear, futboll khelltele nove tornne pillgek Cajetan-ank gavla toslo obhiman melltolo vo nam? Hea mhojea vicharachi zap khalluch (vell) sangtolo. Thoddi bhov soddpuch ani bharik zhorintlean khobor kaddlea tea pormonnem, xeboreanich futtboll khellpi tornatteam modim (onnbhovi vo veterans khellkoddeank soddun) thodde bhov khellkodeachim nanvam aikunk mellleant. He tornatte, khella moidanar toxench moidana bhair aple kaide-xist ani nem pallpi khoim. Ani hatuntle dog khellkoddi unchlea zagear urtat ani te zaun asat Navelimcho, Cruzeido Rodrigues (Cruz) Navelim Youth Centre hea klubak khellpi ani Utodddecho Kevin Vaz, AVC hankam khellpi. Osle khellkoddi, Kuwait-chea Soor moidanar anikui utponn zaum. Vorsachea vorsa CRC 1994 vorsa sakun Athlete of the Year vichun, favo tea sportsmen-ank obhimannacho zago ditat. Zalear KIFF-an moidanam bhitor ani bhair xist (discipline) samballpi khellkoddeak award dovorlolo tor ghoddie Soor moidanaveli poristithi sudartta asli. KIFF-ache nove urbhevont odhex aikotat kai? Adim Soor moidanar khell pollounk futboll mogianchi ghorddi zatali. Adlo lokacho ankddo atam orddea sokla pavot aila. Ani hachem karan mhonnlear thodde khell pollovpeachea tonddantlean yetlim pozddeo ghalio ani utram, mansugechea monxank futtboll moidana koddsun pois dovorta. Khell mhonnchem, ixttagottiche natem zhoddpacho ek mellavo, punn kaka Soor moidan borelea monxak zuz-achea moidanar pavoita. Khellgoddeak red-card dilem zalear khellkoddean refree-chea angar hat korop. Refree-n foul vo offside dili zalear adhari refree-cher hollo (attack) korop. Marlolo goal noikarlo tor moidanar bhitor ghusop (invade). Zalear, Kaka Soor Ground mhonnpak hanv chukta kai? Survatekuch sanglam. Nennar bhurgeanchea nodrek kitem vaitt-borem haddunk ekdom sompem punn nhoi Soor moidanar ..urlelem tumchea hixeobar tharaitam Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado ____________________________________________________________________________________ Park yourself in front of a world of choices in alternative vehicles. Visit the Yahoo! Auto Green Center. http://autos.yahoo.com/green_center/ ------------------------------------------------------- Goanet recommends, and is proud to be associated with, 'Domnic's Goa' - A nostalgic romp through a bygone era. This book is the perfect gift for any Goan, or anyone wanting to understand Goa. Distributed locally by Broadway, near Caculo Island, Panjim & internationally by OtherIndiaBookStore.Com. For trade enquiries contact [EMAIL PROTECTED] -------------------------------------------------------