------------------------------------------------------- CONVENTION OF THE GOAN DIASPORA FROM GOA INTO THE WORLD Lisbon, Portugal June 15-17, 2007 Details at: http://www.casadegoa.org -------------------------------------------------------
TIATRISTS FOR KONKANI? ABSOLUTELY NOT ! Undrachea ragan ghorak uzo ghalcho nhoi! Febrerache 25ver 2007, Kuwait xharant Romi Konknni-k tenko diuncho mhunn ek zomat ghoddun haddli. Sodanche porim Bab Veronica Fernandes-an mhaka fon korun amontron'n dilem ani havem don uttram ullounk vinonti keli. Konknnichea moga pasot mhaka nam mhunnuk zalem nam. Sutiecho dis aslolo to familik diuncho soddun hanv Konknni Maim bhaxek tenko diunk te zomatik hajir zalom. Zomatichi survat Bab Veronica Fernandes-an hajir asloleanchi vollok diun, Bab Rosary Ferns-ak xabaski dili. Karann Bab Rosary Ferns-achea fuddarponam khall ti zomath apoiloli. Zorui Kuwait-ant sabar tiatrists asat zalear bhou thoddea tiatristanim te zomatin vantto ghetlolo. Tiatristanchi zomat mhunntoch hanvem mhojea ulloupant tiatristancher xinn kelo. Tiatrists tiatr Konknni pasot korinam, punn potachea zavank kortat hem hanv khatrin ulloilom. Tiatr ek divertiment kosso kortale te tiatrists atam urronk nam. Tea purvillea kallavelea tiatrists moron, sopon gheleat. Tiatr atam dhondo zala ani zaite tiatrists aiz tiatrancher jieta. ulloupi ulloile kitem ani aikopeani aikolem kitem? Khoim ghelolo khoim nam kitem haddlem kaim nam. Hanvem khasgi amontronacher te zomatin vantto ghetlolo, mhaka khoinchech sonstechea vo pongdache torfen te zomatik vantto gheunk amontron'n diunk naslem. "KUWAIT TIATIRISTS SUPPORT ROMI KONKANI" ho mathalo diun Bab Veronica Fernandes-an goanet-ar boroup kelem. http://lists.goanet.org/pipermail/goanet-goanet.org/2007-February/054738.html Tachea boroupant mhojem nanv Kala Mogui ani Kuwait-Goa Tiatristanchi Sonvsthecho ullek korun porgott zalolem havem vachlem. Zalear hanv ulloilolom tem mhaka vachunk mellunk nam. Sonsta taka Dev posta! Zomatichea vellar mhoji vollok Kala Mogui-cho mull vangddi (founder member) mhunn zaloli. Mhojea borobor amchea ixtt Bab Lawrie Miranda ani Bab Lucas Deniz Konknni maim bhaxek tenko diunk te zomatin vantto ghetlolo. Ami amkam famad zaunk zomatin vantto gheunk nam, bhogor Konknni Maim bhaxek tenko diunk. Bab Veronica Fernandes-an porgottlolea boroupant amchim navam Kuwait-Goa Tiatristachi Sonvsthek zoddlim. Tem tachem apsvarthiponn (selfishness)? Tiatrists Peter-Roshan hem ek Konkani palkachi jodi, kantarist tosseanch partists. Peter-Roshan Konknniche virudh kantaram mhunnta ani BJP serkarak tenko dita oxem te zomatin basabas zaloli. Tednam havem Bab Rosary-k vichar kelo. "Peter-Roshan Konknniche virudh kantaram korta hem zan'nam zaun tannem tache nove VCD-r tankam bhorti koxim kelim kai mhunn?" Bab Rosary-n zabab dilo, "to kainch hea babtint noko aslo". Tea vixoi-acher anik bhorich basabas zali. Ani xevttacho nirnoi nam zaun ---- Konknni khorench pottachi bhas mhunn havem khatri keli. Konknni maim bhaxe-k tenko diuncho mhunn teach disa Bab Rosary Ferns-achea fuddarponam khall ek somiti goddun haddli. Hanv ticho vangddi assam , mhunntoch hanv Bab Rosary-k mhozo tenko ditam. Hanv ierui pongdacho somiti vangddi koso vavurtam ani maka vinchun kadlolo asa. Hanv tankam-iem tenko ditam, hanv Bab Rosary-k tenko ditam, zalear sang hanga veglochar khoim assa? Ami soggott Kuwait-ak pozdem jivit jietat? Hem hanv sabar pautti vachtam. Anink hanv zaitea kodden dusreache tondantlean aikotam. Ek pozddo dusrea pozdeak rokdoch volkotta hi kednach fott zaunchi nam! Zea pongddak mhozo aspav asa te ponggod khub fud'dem asa. Bab Rosary-chi Konknni Maim bhaxe pasot ghoddlole somitik aiz tin mhoine odik zale. Tea somitichi kainch khobor nam! Konknnik tenko boroupant ani uttranim nhoi, korneanim diunk zai! Ani dusreacher fator ubarche adim chintunk zai apun kitlo sap vo nitoll ? Konknnicho prosn sutavo kortolo konn? Goem tiatrists cholvol korta tem hanv potrancher vachtalom. Prince Jacob tednam sangtalo, "fuddlea elisanvank 40 tiatrists umedvar astole" mhunn. Zalear aiz ekui disti podonam kiteak? Tiatrists aplem pott koxem cholltolem tem bhess borem zanant. Sod'deak tiatrist SGF (Save Goa Front) pokxak tenko ditat! Chukon passun SGF aple sogglea zageancher nivdun aile zalear tancho ankddo fokot 17 zata.... ani 17 amdar gheun sorkar ghoddtole? Ani SGF poksak konn dusrea poks tenko ditolo? Adim prachit kallar tiatr zainasle atam vorosui bhor zatat. Adim Padri politik kitem tem noko asle. Atam tevui politik tancho ek bhag mhunn manddun gheta. Tiatristank Konknnichem poddlolem assa zalear Modganv Gomant Vidhya Vosreant (Hall) dispotti tiatr mandlole dista. Kednam tori tea vosreant tiatristanim Konknni pasot melavo kela? Maka konacheach pottar paim dovorpacho nam. Tiatrists Konknnichea navan tiatr korta zalear tiatristanim Konknni pasot kitem kelam? Soggott mhunnta Konknni jivi asa fokot tiatristank lagon. Aiz hem soth manddunk khub avgodd lagta. Konknnichea navan duddu korta to tiatrist nhoi. Tiatrists tiatrantlean sondex ditale te tiatrists atam nam. Ami amdarank bottam dakoita, umedvar ghora bosson nivdun ienam. Tankaim nakanth xinkko kadcheo poddta. Ani amdar zale mhunntoch zem kitem tankam sobta tench te korta. Zoxe tiatrists vorsache barai mhoine tiatr korta. Gulfachim ani Europachim sopnam sopneta. Kiteak? Tiatr tanchem pott, tancho dispoto-giraiz, Konknni nhoi! Hanga lhan ek istor hanv ugddas kortam. Ek put apun aple maicho khub mog korta mhunn sangtalo. Tednam aikotolean taka vicharlem: "Maim khoim asa?" Ani putan fattim-fuddem polle nastana zap dili "Ajilant"! Xabas! Ojeap zaupachem kainch nam. Aiz Konknnichi hich goth zalea. Khaxea tichea putanim ani dhuvanim tika ajilant ghalun sounsarache axek lobdolea. Hanv mhojem mostok kiteak dadaitam? Tum ani hanv..... Konknni, Konknni, Konknni........ Punn boroupam amchim Inglezint? Tiatracheo jahirateo Inglezint? Ani tiatrists..... Konknni, Konknni, Konknni ? Domingos Araujo Kala Mogui - Kuwait"Kala Mogui - Kuwait" [EMAIL PROTECTED] ------------------------------------------------------- Goanet recommends, and is proud to be associated with, 'Domnic's Goa' - A nostalgic romp through a bygone era. This book is the perfect gift for any Goan, or anyone wanting to understand Goa. Distributed locally by Broadway, near Caculo Island, Panjim & internationally by OtherIndiaBookStore.Com. For trade enquiries contact [EMAIL PROTECTED] -------------------------------------------------------
