================================= News in Kannada Script ’ಆಂಟನಿ ವೆರೋನಿಕಾ ಫೆರ್ನಾಂಡಿಸ್ ಗೊಂಯ್’ಚ್ಯಾ ’ಮಾಡಾಥಾವ್ನ್ ತೆಲಾಖಣಿ ಪರ್ಯಾಂತ್’ ಪುಸ್ತಕಾಕ್ ದೆ|ಫ್ರೆಡ್ರಿಕ್ ಕ್ವಾಡ್ರಸ್ ಪಾಂಗ್ಳಾ ಸ್ಮಾರಕ್ ಆಶಾವಾದಿ ಡಿಜಿಟಲ್ ಪುರಸ್ಕಾರ್ 2021.
ಕುವೆಯ್ಟ್-ಇರಾಕ್ ಝುಜಾಚೆರ್ ಭಗ್ಲ್ಲ್ಯಾ ಅನ್ಭೋಗಾಚ್ಯಾ ಆಧಾರಾನ್ ಲಿಖ್ಲಲ್ಯಾ ಝುಜಾಂ ಲೇಖನಾಂಚೆಂ ಮೂಳ್ ಇಂಗ್ಲಿಶಾಂತ್ ಬರಯಿಲ್ಲೆಂ ಪುಸ್ತಕ್ ’*From Coconut Trees to the Oil Wells*' ಹ್ಯಾ ಪುಸ್ತಕಾಚ್ಯಾ ಕೊಂಕಣಿ ತರ್ಜಣ್ ’ಮಾಡಾ ಥಾವ್ನ್ ತೆಲಾಖಣಿ ಪರ್ಯಾಂತ್’ (ಕೊಂಕಣ್ಗಾರ್ ಪ್ರಕಾಶನ್, ಗೊಂಯ್: 2020) ಪುಸ್ತಕಾಕ್ 2021 ಇಸ್ವೆಚೊ ದೆ|ಫ್ರೆಡ್ರಿಕ್ ಕ್ವಾಡ್ರಸ್ ಸ್ಮಾರಕ್ ’ಆಶಾವಾದಿ ಡಿಜಿಟಲ್ ಪುರಸ್ಕಾರ್’ ಫಾವೊ ಜಾಲಾ. ಹೊ ಪುರಸ್ಕಾರ್ ಮಾನ್ಪತ್ರ್, ಯಾದಿಸ್ತಿಕಾ ಆನಿ 10,000 ರುಪಯ್ ಅಯ್ವಜ್ (ನಗದ್ ತಶೆಂಚ್ ಕೊಂಕಣಿ ಪುಸ್ತಕಾಂ ರುಪಾರ್) ಆಟಾಪ್ತಾ. ಎ. ವೆರೊನಿಕಾ ಫೆರ್ನಾಂಡಿಸ್, ಗೊಂಯ್ಚ್ಯಾ ಕಾಂದೊಲಿಮಾಂತ್ ವಸ್ತಿ ಕರ್ತಾ, ಕುವೆಯ್ಟಾಂತ್ ಕಾಂಯ್ ಪಾಂತೀಸ್ ವರ್ಸಾಂ ವಾವ್ರ್ ಕರುನ್ ಆಸ್ತಾನಾ ಮಂಗ್ಳುರ್ಕಾರ್, ಗೊಂಯ್ಕಾರ್ ವಾ ಹೆರ್ ಪ್ರಾಂತ್ಯಾಚ್ಯಾ ಸಮೇಸ್ತ್ ಕೊಂಕಣಿ ಲೊಕಾಂಚೊ ಪ್ರತಿನಿಧಿ ಜಾವ್ನ್ ಕೊಂಕಣಿ ವಾವ್ರ್ ಕರುನ್ ಆಯ್ಲಾ. ಇಂಗ್ಲಿಶ್ ತಶೆಂಚ್ ಕೊಂಕಣಿಂತ್ ಸರಾಗ್ ಬರ್ಪಾಂ ತೊ ಡಿಜಿಟಲ್ ಮಾಧ್ಯಮಾಂನಿ ತಶೆಂಚ್ ಪ್ರಿಂಟ್ ಮಾಧ್ಯಮಾಂನಿ ಬರವ್ನ್ ಆಯ್ಲಾ. ಕೊಂಕಣಿಂತ್ಲೆಂ ಹೆಂ ಪಯ್ಲೆಂ (ಏಕ್ ಮಾತ್ರ್) ಝುಜಾ ಲೇಖನಾಂಚೆಂ ಪುಸ್ತಕ್ ಜಾವ್ನಾಸಾ. ================================= News in Nagari Script ’आंटनी वेरोनिका फेर्नांडीस गोंय’च्या ’माडाथावन तेलाखणी पर्यांत’ पुसतकाक दे|फ्रेड्रीक क्वाड्रस पांगळा स्मारक आशावादी डिजिटल पुरसकार २०२१. कुवेयट-इराक झुजाचेर भगल्ल्या अनभोगाच्या आधारान लिखलल्या झुजां लेखनांचें मूळ इंगलिशांत बरयिल्लें पुसतक ’*From Coconut Trees to the Oil Wells*' ह्या पुसतकाच्या कोंकणी तर्जण ’माडा थावन तेलाखणी पर्यांत’ (कोंकणगार प्रकाशन, गोंय: २०२०) पुसतकाक २०२१ इस्वेचो दे|फ्रेड्रीक क्वाड्रस स्मारक ’आशावादी डिजिटल पुरसकार’ फावो जाला. हो पुरसकार मानपत्र, यादिसतिका आनी १०,००० रुपय अयवज (नगद तशेंच कोंकणी पुसतकां रुपार) आटाप्ता. ए. वेरोनिका फेर्नांडीस, गोंयच्या कांदोलिमांत वसती कर्ता, कुवेयटांत कांय पांतीस वर्सां वावर करून आसताना मंगळूरकार, गोंयकार वा हेर प्रांत्याच्या समेसत कोंकणी लोकांचो प्रतिनिधी जावन कोंकणी वावर करून आयला. इंगलीश तशेंच कोंकणिंत सराग बर्पां तो डिजिटल माध्यमांनी तशेंच प्रिंट माध्यमांनी बरवन आयला. कोंकणिंतलें हें पयलें (एक मात्र) झुजा लेखनांचें पुसतक जावनासा. ================================= News in Romi Script ’Antony Veronica Fernandes Gõy’chea ’*Maddathaun Telakhonni Poroeant*’ pustokak De|Fredrick Quadros Panglla (Shankerpura) smarok Ashawadi Digital Puroskar 2021. Kuwait-Iraq zhuzacher bhogl'lea onbhogachea adharan likhlolea zhuzam lekhonanchem mull inglixant boroyil'lem pustok ’*From Coconut Trees to the Oil Wells*' hea pustokachea konkonni torozonn ’madda thaun telakhonni poroeant’ (Konkonngar Prokaxon, Gõy: 2020) pustokak 2021 isvecho De|Fredrick Quadros smarok ’*Ashawadi Digital Puroskar *’ favo zala. Ho puroskar manpotr, yadistika ani 10,000 rupoi oyvoz (nogod toxench konkonni pustokam rupar) attapta.