------------------------------------------------------------------------ * G * O * A * N * E * T **** C * L * A * S * S * I * F * I * E * D * S * ------------------------------------------------------------------------ GARCA BRANCA VACATION ACCOMMODATION LOUTULIM, SOUTH GOA. For R&R; modern/clean amenities; serene, healthy and wholesome location
Visit http://www.garcabranca.com for details/booking/confirmation. ------------------------------------------------------------------------ Tannim, Gõyant Kiteak Yenvchem? Thaum..thaum..thaum igorjyche ghantin, ratchim 8 horam zalim mhonn ganvchea somudaek kollit kelem. Bhitorlea rumant dog-ui put ani dhuv kompuittor khell khelltalim to bond korun, rozar-tersak toyar zalim. Aicho dis kosloch vaitt-vignam nasun boro dilo mhonn bhurgeanchea avoin, bhurgeam ani aplea ghorkara sangata Dhonia Bapak argam divn, Saibinnicho ters suru kelo. Ters somplea uprant avoi-bapaicho axirvadd gheun dusrea disa sutti aslelean bhurgim portean kompuittor khell khellunk rumant gelim. Bhurgeanim, hanga-thoim patllovunn ghatleleo vostu zagear dovortanam tinnem apnalea ghorkarak vicharlem. Dusrea pranthache lokan, tangelim ghorchim kizilam ghevn tannim Gõyantuch yeunk zai? Tujem somzunk nam hanv. Suttavem korun sang. Tigelo ghov Lapitt oltoriveleo menvatti palloitanam mhonnlem. Gõyant pollun ailele teg tornatteank Gõyche pulisen dhorleat mhonn disaleancher batmi chappun ailea. Teg-ui, unchlea ghorantle distat. Eklo Kolkotacho kompuittor injinering korpi 25 vorsancho Shiva Modi nanvancho. Dusro Tamil Nadu-cho Dr. K Blasubramaniam ani tisro Banglorcho Aswanth Vijay nanvancho 16 vorsancho tornatto. Pollun vochunk, jiv divnk ievjonneo tanchea monant asot zalear tannim Gõyantuch kiteak mhonn yeunk zai? Dusra Rajeant vochun thoimsorlea hotelantlea pankeank humkun jiv divnk zainam? The Bikini Killer, haka vollkota tum? Lapittan vicharlem. Vichartam tem kennanch soroll sangonam tum. Kitem tori modim haddukuch zai tuka. Vollkonam. Konn to? Alto Porvorim famad OCoquerio khannavolint, prizanvantlo pollun ailolo Charles Sobhraj-ak, Pulis odhikari Madhukar Zende-n 1986-ant, ottok (arrested) kello. Bikini killer ek repist ani kirmidor aslo. Taka sonvsar vollkottalo Matxe rav. Sogllem isplikar kortam. Bhurgeanchea kompuittoran virus yeta te toren mhojea-i ugddasak ailo mhonntoch to nigut korunk .., ani to thoinsorlo utthun bhitor vheta ani kazu fenniecho peg ghevn mhonntta. Aik mhoje bhaile. 1970 doskeachea kallant, Europ ani Amerikechi tornni pillgi children of flowers vo hippie, monachi xantti mellunk ekmulle zage soddunk sonvsar bhor bhovtanam tea vellar tankam amchem Gõy nodrek gelem ani jem sukh tim soddunk bhovntalim tem sukh tankam amchea xant ani udhar (hospitable) Gõyant ugteponnim melllem. Ani oxe toren tannim dusreank-ui Gõychi soimbik sobitai dakhoili. Ani atam Gõy touristancho ek nizacho sorg zala. Sonvsarachea dusrea zagear chololant toslim bhurxeaponna ani ollxigi kornni tourism-achea nanvan ani montreachea bolsanim hafteachea axirvaddan cholunk lagleat. Hanvem tuka vicharlelem pollun veteleanchi gozal. Tum kitem kai mhonnlear boltench sangta. Vicharlelea prosnank Lapittan zap divnk nam mhonn tinnem ugddas kelo. Hippie-nim tourist-ank marg ugto kela ani Charles Sobhraj-an kirmidor, chor ani yer monxank Gõyem ek lipun ravpacho sugur zago mhonn des bhor zagoilla. Dusrea prathanle pollun ailele teg-ui tornatte aplea ghorchea thaim zogddun Gõy aile. Tanchi famil bhouch girest vo voznadik mhunn pulisek tokrak divn tanche soddik lagli. Goribkayek lagun ailele zalear tancho avoi-bapui tanchi sodd kortolo aslo kai? Toxench dusrea khunnim chor, khunn-chorio korun, Gõy ek surokxik suvat mhonn hangasor pollun yetat. Konn sangtololo amchea Gõyant kosle toreche monis bhorleat mhonn? Goyant khunn-chorio, bholatkar, ghonddagirichi vaddai zaleli pollevn Lapittan aplo odmas uktailo Dekhunnuch ailelea disa potrancher hanga-thoim ghoram foddun disa uzvaddantuch chorio zaleleo vachunk melltat. Ghorant ekmullim ravtelim zantteleancho jiv kaddun purai ghor nagddem korun vhetat. Pulisen dis-rat koddok nodor dovorchi ekdom goroz. Pulis mhonn kitem kortele? Atam amdar-montreanchea jiva kodden konn tori khelltat mhonn nettan khobro bhair sorleat. Thoddeanchea jivachi bhirant asa mhonn tankam koddok surokxea divnchea khatir char pulisencho zobordost paro asta. Choranchem map bhorun vottche dhoder pavot ailam ani khaxea tanninch Gõy soddun pollun vechi poristithi nirman zalea .. Mummy!!! bhitorlean boball korit 7 vorsanchi dhuv bhair aili. Kitem zalem bai? Avoin vicharlem. "Chodd zalem tanchem. Mhaka kompuittor games khellunk dinant tugele fugdde put. Tum tankanch bori korta. Hanv chollim ghor sodun." "Bai khuim vhetelem tum ?" "Mhaka novo kompuittor haddun dinant zalear hanv pollun granny-gher vhetam. Ti tori borexeo kannio sangta mhaka." "Ghorantlim bhurgim pollun vechem kharan atam gomlem nhoi tuka? Soglea prathan ekuch pavs" Lapittan mhonnlem ani kazu fenniecho dusro peg ghenvk nitt bhitor ghelo. Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado ____________________________________________________________________________________ Take the Internet to Go: Yahoo!Go puts the Internet in your pocket: mail, news, photos & more. http://mobile.yahoo.com/go?refer=1GNXIC --------------------------------------------------------------------------- **** http://www.GOANET.org **** --------------------------------------------------------------------------- Follow the online presence of the Museum of Christian Art, Old Goa Contacts: Tel: +91 832 2285299 Email:[EMAIL PROTECTED] http://christianartmuseum.goa-india.org/ ---------------------------------------------------------------------------