Halinch Anjuna veller eka videxi bhonvddekaracher
bolatkar ani uprant tacho khun kelo he babtint
goeant hea disamni boroch bovall zalolo aikonk melltta
ani atam hi kes khud mukhel montri Digambar Kamat
aplea khas iotna vorvim soddovpache toearent raji
zalolo dista punn he babtint taka kitlem legit ies
mellttolem hache vhoir ek proxn Goenche porzek upzola.
Hem prokronnant misoll aslole monis Goenkar asun hea
monxank Amdar\Montreancho tenko asa oxem amkam gupit
khobram vhelean kollun ailam punn khoro opradhi konn
tem amcheamni adim fuddench sangonk zainam.
Thodde zann mhonnttat ki hi ghoddnnuk ghoddttana
zaitea zannamni pollelea punn bhiranten ekttoi monis
govai divnk fuddem ienam.Ani fuddem ailo legit zalear
amchea susegad jivit jievpi Goenkarak he lofdde
kiteak zai?
Zoxem adim cholot ailam toxench cholom dhi,oxem
mhonnpi amche Goenkar.
Aiz kal heo Videxi bhonvddekarancher bolatkar
zavpacheo ghddnneo amchea Goeant boreoch
vaddleat.Thoddim babddim apleak lojent poddche nhoi
khatir sogllem moneamonich sonstat ani Goem porot
nakach mhonn nichev korun aplea desant portotat .Osleo
ghoddnneo zaloleo ami amchea khud kanamni aikol'leo
asat.
Atam Goeant osleo ghoddnneam vixim pois korche khatir
sorkaran kitem tori upai ghevn teo pois korpachi
tozviz korunk zai nam tor Goeank jea bhailea desamni
GOA IS HEAVEN oxem pachartat tem ek dis GOA IS OF
RAPIST oxem zavnk vell naka.
Mukhel Montri saib, hea proxna vhoir tum favo tim
pavlam marun amchea sundor ani riti-mansukechea Goeank
hea marekar noxttantlean pois kortolo oxi opekxa
dovortanv.
AURELIO VIEGAS
Mumboi
Now you can chat without downloading messenger. Go to
http://in.messenger.yahoo.com/webmessengerpromo.php
