'Brestar-Podd'dea Fattlean' (15) - Wilmix Wilson Mazarello “Publicity ani Anti-Publicity” PUBLICITY Tiatrachi “publicity” koxi asta , hem, choddxem, soglech zannam :- 1. NEMALLEANCHER TIATRACHI JAHIRATI GHALOP (Advertisement in Daily Newspapers ), 2. TIATRACHE “POSTER” SOGLEAK LAVOP, 3. IGORZANKODDE ANI TIATR-HALL-ANKODDE HAND-BILL-am VANTTOP, 3. GANV-GANVANI MOTOR BHONVDDAUN “ADVERTISE” KOROP 4. TIATRANCHEA HALL-ani “ANNOUNCE” KOROP 5. ADI..ADI...ADI... Hache-bhair , aiz-kaal, kaim Tiatrancho “advertise” Radio-cher ani T.V cherui zal’lo dista. Hand-Bill-am vanttop ani ganv-ganvani motor bhonvddavop, atam unnem zait gelam. Beginuch tem samkench bondh zaupachem xokio assa. NOVI PUBLICITY Fattleam kaim vorsani , anink ek, vegllech torechi “publicity” zata mhunn hanvem aikolam, punn zaiteam lokank tachi khobor nasta. Ti “publicity” mhunnlear oxi:- Kaim Nirmate(Producer), farik korun kaim munxeank dovortat, tonddan “publicity” korunk. Te munis,magir, ganvchea bazarant, Tiatr Hall-achea “Ticket-Booking-Counter”-akodde, Soreachea “Bar”-ani ani Football-“Game”-i / Boilam-Dhirio, adi.. zatat thuim vosson, Tiatrachi bori khobor posraitat. Tiatrachi bori khobor posravop, mhunnge, lokan aiko-sarkem mottean ulovop. Udharonnank :- “Kal hanv “XYZ” tiatrak gel’lom. Kitem tiatr re? Samkoch “Best”. “Story”-i bori assa, Comedy samkich bori, ani kantaram tor sangoch naka , chodd borim. Aitarak porot assa Moddgonvam Hall-ant. Hanv, anik ek pautt poitanch”. Hi, zaun assa, anik ek torechi Tiatranchi “publicity”. Hanvem aikolam , osle “publicity”-cho porinnamui, chodd boro zata mhunn. Hem oslem ulovop aikon, lok magir, to tiatr pollounk veta khuim. KHORI PUBLICITY Mhojea hispan zalear, sogleaun koddok “publicity” ti hi :- Khoreponninch, to tiatr polloilolo lok, khud aplea tonddan dusreank tea tiatrachi bori khobor sangta ti “publicity”. Lokan tiatr boro mhunnllo zalear to boroch zalo. To tiatr choltolo. Tech porim , lokan tiatr vaitt mhunnllo, zalear to tiatr vaittuch. To tiatr cholonk, borench kotthin. ANTI-PUBLICITY Zoxi tiatrachi ‘publicity” zata, toxich tiatrachi “anti-publicity”-i zata. Koxi kai ?, mhunnttelet tumi. UDHARONN:- 1. Nirmateak vo Digdorspeak vo Boroupeak potrakaram modem konn dusman assot, zalear tiatracho “review” boroitana to Potrakar, tacher raag kaddtta. Tiatr boro aslear passun to, tea Tiatrachi vaitt khobor, Nemalleancher xapun haddtta. Vachteleancher probhav poddtta, anik lok tea tiatrak vossona. 2. Kaim lok aplea tonddan Tiatranchi vaitt khobor posraitat. Osli “anti-publicity” kaim “Nirmate” mud’dom , nirddukaien, dusreancher, korunk laitat, zalear kaim lok aple vaitt sonvoiem vorvinch kortat. Ti tumi tanchi nirddukai mhunnat vo kurnnattkai mhunnat. KURL’LEO (CRABS) Zaite pauttim tovui, vaitt sonvoiem vorvim “anti-publicity” kortolo, ek Tiatristuch asta. Ek udharonn ditam, kaim nakeam-cher “anti-publicity” koxi cholta ti :- ZAGO:- Moddgonvam, (Ek Nako ) ASTA:-“Tiatrist Caitan”, ani Pedru. Caitan:- Aj kitu lutt re “Gomant Vidhya Niketan’ Hall-akodde. Pedru :- Konnancho Tiatr ? Caitan :- Te egelo...Konn re to ......To vho....Rogacian de Benaulim. Pedru:- Toxem tor Tiatr boro astolo. Caitan:- Boro ? Fuincho Boro ? “Story”-k orth assa ? Kitu “mistake”-i assai re ? Pedru:- Toxem tor lokank, Comedy “like” zalea asteli. Caitan :- Comedy ? Fuinchi :Comedy ? Te kortai ti Comedy ? Burxim utram ghailea Comedy zata ? Pedru: _ Kitem mhunnttai re ? Caitan :- Aniku ? Pedru:- Toxem tor lokank kantaram “like” zaleam astelim. Caitan :- Kantaram ? Ek punn kantar aikpa sarkem assam ? Xi ! Pedru :- Toxem zalear, itli gorddi zaupak karann kitem tor ? Cautan :- Are, ammge loku, ell’leai. Kiteim dakoilear choupache. Aiem kess- kesso tiatr boroile. Punn amge lokaku , bore tiatr nakai. Tenk hem, burxeponn zaiem. Pedru:- Caitan, tum kiteim sang, punn tea Rogacian-achea tiatrak lok zata mure ? Itlench puro. To jiklo. Tem tujem–mhojem xannemponn loka- fuddeant cholona. Lok apnnank “like” zata to tiatr polloita. Caitan :- Tinga fals zat nhum tem. Ami amge tokli foddn bore bore tiatr borovop. Ani lokan te ponch assai te tiatr chovop. (Tednanch thuim “Salu” pavon sorta , Pedru veta) Salu:- Caitan mure , kess assa ? Kesso fobor uloitaleii ? Caitan :- Kainu, Amge fobor ti . Salu:- He patti Rogaciana Tiatr samko bor ass fuim. Aikil tuem ? Porvam ankodde ass fuim. Hanv choichea voitanch. Caitan :- Choichea Voss! Vosson tuge vogot piddear kort zalear kor. Hanv tuk vosnak mhunn’na. Sangpa mhunnlear, tiatram kainch nam . Aieim choila. Salu;- Kit mhuntt re ? Choupa kaiim nam ? Caitan : - Hanv sangot nhum tuka. Tuk torui vospa zai zalear voss re tum. Punn mak zalear to tiatr poixea naka. Salu:- Voii ? Texem zalear chintich poddlem, voichem vo nam tem. Magir “decide” kortam.(Vossonk korta) Caitan:- Ani choi ! Tum hi fobor, anink konn’nma mhunn’naka anh ? Tege babddea “business” kitea piddear korea ? Hanv tuka mhunn sangot re. Tum amge munis nhum ? Salu:- Nam ! nam ! Bhinak tum . hanv konna mhunnam. Ok Bye! (Salu veta, eta Ladru) Ladru:- Caitan, Tiatram kiteim fobor assa re ? Caitan :-Tiatram ani kesso foboru ? Ek cholot voch, “Gomant Vidya Niketan” Hall-ant. Mhak zalear to Tiatr poixea naka. Part-ui ponch,Comedy-i ponch, ani kantaraim ponch. Ladru:- Voii ? zalear lok kitea zat tor teka ? Caitan :- Are, amge lok ell’leai. Borem dilo tenk naka. Tenk burxeponn zaiem. Ladru:- Kit mhuntt re ? Caitan :-Tum, aiem sangil mhunn konna mhunn’naka anh ? (He porim Tiatrist “Caitan” thuim etat titleai lokank, osli fobor sangon soddta. Ani sanglele pauttim, “Konnank sangonaka anh ?” (CAITAN-A SARKE TIATRIST GOYANT ASSO SOR, OSLI TIATRANCHI “ANTI-PUBLICITY” CHAALU ASTELICH. GOYCHEO KURL’LEO TEO.”CRABS”) ==2nd October 2008== Navelim Youth Centre, Kuwait Presents :::50 Years of Tradition:::
