AMI KHORENCH SVOTONTR ZALEAT? - Fr. Teo Fernandes OCD Sumar xembor vorsam British sorkaran hukumxayechem Raj Bharot dhesacher choloilea uprant Agostache 15ver, 1947 vorsa zo British sorkaracho bhavtto “Union Jack” aslolo to kalla dhevoun Bharotacho bhavtto vhoir choddoilo ani Bharot dhes svotontr mhunn sonvsarak zajir kelem. Hi khuxechi khobor aikun sogllo Bharatacho lok anondan bhorlo ani Lokmanya Tilak-an mhonnlelim famad utram “Swaraj, mhozo zolmacho hok ani tem mellun ghetolom” korim zalim. Bharotak svotontr mellun ghevpak Bharotache mahan fuddari zoxem porim Mahatma Gandhi, Jawahalal Nehru ani her dusrea fuddareamni zaito mar-far khaun khoxtt bhoglle. British sorkarache bonddkonnint amchea mahan fuddareamchim rogtam vhanvoilim. Ani tanchea rogtancho nikal Bharot dhes gulamponnacho mukt zalo Az amcho Bharot dhes svotontr zalear 61vim vorsam bhortat. British sorkar amcher gulamxai choloitale te gele ani atam ami amchem Bharot Raj choloitanv. Tor ami khorench svotontr zaleat zait? Zi sutka mahan fuddereamni zhoddun ghetleli ti khorench amkam lablea kai? Hea prosnnak don toren zobab amkam melltat ‘Oi’ ani ‘Na’. ‘Oi’ – mhonnchem British sorkara koddlean amkam suttka mel’llea. Ami atam Bharot dhes choloitanv. Dusro zobab ‘Na’ – ami svotontr nant. Bharot dhesak khoreli svotrontai labunk na. Dhesant cholteli poristithi pollelear ami azun gulamponnan asat kai distat. Ek dhanvtti nodor marum-ia Halinch attankvaddeamni bomb-sfott korun kitlech lokancho jiv kaddlo. Deva xivai dusrea mon’xancho jiv kaddpak hea sonvsarant konnakuch hok na. Monis mon’xeacho khun korta zalear hea sonvsarant mon’xak jiyepacho hokuch na gai dista. Atanchea ghoddnukencher nodor marlear monis bhirantichea vattovoronant jiyeta. Kedna apnnacher mornn ietelem ani khoinsor hea chintnamni, monis urlelea sonvsari jivitacho aicho dis poilo dis mhunn, apli jinn dukolta. Korench ami svotontr asanv zait? Dusre vatten polleum – Az -kal jeo kexi (cases) ghoddttat te ekdomuch bhirankull. Potrancher vachttamna vo kanamni aikotana ang xirxita. Avoy -bapui aplea khaxea bhurgeank thodde poixeank bhurgeanche povitr kuddir khellteleank viktat. Thoddeo avoyeo apnnalea kusveant aslelea bhurgeacho jiv kaddtat. Lhan bhurgeancher bolotkar kortat. Iskolachea bankar bosun xikpachim bhurgim vhodd manai bhaxen kam’ kel’lim distat ani tanchem bhurgeaponn chorun vhortat . Khoreaninch him innosent bhurgim svotontr zaleant kai? Dubhau viret na. Tisre vatten amche Bharotant kitloch lok durboll asa. Sorkar tor vhoddlean naro ghalun bob marta “Garibi hatao”. Thoddo lok upaxim jiyetat. Zanche lagim dhan dovlot asa te odik girest zait vetat. Naslolo asa to tosoch cheppun urta. Amchea Bharotant dhormvad (Comunalism) cholta. Dhormanchea navan kitem-i kor. Mar, chor, mon’xancho jiv kadd adi….fokot Devachem nav mat lai. Hi khori svotontrai kai? Chovte vatten kendr serkar (central) vo raj sorkar (state) apleak zai toso choloitat. Porjek fottovop, porjeche tizoreo ritio korop, zai tedna sorkar moddop-ghoddop. Broxttachar korun apnnalim bolsam bhorun motam ghatlele porjek vivas ghat korop adi…. Bharot svotontr dhes zalear ghorib porjek nit mellpa sarkelo sorkar mellunk naka aslo? Amchean mhonnonk zaina amkam svotontraichem foll mell’lam mhunn.. Amche Bharotacho mahan fuddari ani svotontrai zoddun ghetlolo desacho Bapuji Mahatma Gandhi az amchem modem jivo aslolo zalear atanchea luttmarpi fuddareank pollevn vittetolo aslo. Voir voinkuttan ravun svotrontayecho dur-upeg kortat tem polleun roddun mhonntlem astelem. “Hey Ram, mhojea svotontr Bharot dhesan kitem cholta?”. Azun amkam koreli svotontr zhoddun ghevnk zata ani hem zon ekleacher tharlelem asa. Ami amche Bapuji bhaxen panvlam marlearuch hi khori svotontrai mellteli, na zalear ami amcheruch gulamxai choloitele. Tor az thaun vell piddear korinastana khorelem svotontr zoddun gheunk aichea svotontr disa zon ekleancho nichev korunk zai. www.google.com
Olympic medal count: China Gold Silver Bronze Total China 0 0 0 0 en.beijing2008.cn 08-08-08 (Our special thanks to Lino B. Dourado & Gaspar Almeida, www.goa-world.com) - Forwarded by www.goa-world.com
