www.goa-world.com Quality. Precision. Professional. Gulf-Goans e-Newsletter http://www.yahoogroups.com/group/gulf-goans/ (since 1994) SON'VARACHIM SUNGTTAM: 'Sobhavik' vo Addechi Lipi? - Jose Salvador Fernandes Konknnichi 'sobhavik lipi' mhonnpi devnagorintlean, 21 vorsam fattim Gõyant Rajbhas Kaido pas korun ghetlo. Devnagori hi Konknnichi 'sobhavik lipi' zalear, aiz tiche udexim sobhavik ritin Konknnichi xime bhaili udorgot zaunk zai asli. Iskolamni, unch madheomik xallamni, kolejimni xiktoleank ani xikpeank aple avoi bhaxechi he 'sobhavik lipi'-ntlean avodd lagonk zai asli. Xalla, kolejimni xikpi bhurgim Inglez bhaxentlim potram-pustokam hatalltat toxim he Konknniche 'sobhavik lipi'-ntlean-ui uzvadda yeupi potram-pustokam tim hatalltana disunk zai aslim. Tim boroitana, SMS kortana, internet-avelean ekameka kodde gozali kortana te 'sobhavik lipi'-cho vapor tanchea tea vevharant yeunk zai aslo. Ekech pavttin sangtolo zalear, devnagoricho vapor aiz Gõyant chaltea vevharant zalolo disona. Rajbhas Kaideantlean tika mozbut korpacho proyotn korun-ui, ti lipi sorv-samanea Gõykaranchea jivitant porki, soddun dil'li, bhairailoli zalea. Aplea vevhara khatir ticho obhiman sodd, konnak tichi goroz legit disona. He lipintlean potr ieta, masikam, nemallim, vorsallim uzvadda ietat, tim-ui konnak vhoddlimxim vachun disonant. He lipintlean thoddem-bhou vachpa sarkem sahit'ya uzvadda ieta zalear, tem-ui vachpachi konnak umollxik na. Zalear, jika 'sobhavik lipi' mhonntat ticho faido kitem? Khuinchech bhaxek 'sobhavik lipi' asona. Toxem polleunk gelear, eke bhaxent kitleo-i lipi asum ietat. Punn tea lipincho te-te bhaxe khatir vapor zaina zalear, tancho faido kitem? Aiz Gõyant, Konknniche Romi lipintlean 13 nemallim uzvadda ietat (devnagorintlean 4 ietat). Tea bhair, Gõychea firgojentlim 82 firgoz-potram romi lipintlean uzvadda yeun, Gõyant Konknnichi 'sobhavik lipi' nhoi mhonnlole Romi lipi azun-ui vevharik lipi mhunn gollta hem thavem zata. Tea bhair, Romik Rajbhas Kaideantli bhair dovorlea astana-i he lipintlean aiz meren khubxim pustokam uzvadda ietat. Ekech pavttin sangchem zalear, Gõyant devnagori poros azun-ui romi lipicho vapor chodd zata. Thodde, aplea hatant aslolim romi lipichim madheomam gheun devnagoricho prochar kortat tachi soglleankuch khobor asa! Devnagori tor Konknnichi 'sobhavik lipi' zalear, sobhavik ritin monant thodde proxn ube zatat -Mongllurant Kon'nod lipintlean Konknni bhas itli fulta-paleta koxi? Thoimsor Konknnicho soglloch vevhar tech lipintlean koso cholta tor? Konknnichi ti 'sobhavik lipi' nastana-i te lipintlean Mungllurkaramni Konknni chim pallam-mullam koxim mozbut kelim tor? Kerollant iskolamni 'sobhavik lipi', mhonnche devnagori thapun Konknni samballpacho yotn kelo. Punn thoimsorli Konknni he 'sobhavik lipi'-chea porkeponnak lagun meli koxi tor? Lipiche nodrentlean aiz Konknni bhaxecho vichar kelear, fuddarak devnagorik dhok'ko bospachi bhirant asa. Konknnik devnagorichi odhikrut (official) saddi nhesoun apunn surokxit asat oxem chintpeank hea dhokeachi bes-bori khobor-ui asa. Dekhun, 'sobhavik lipi' mornna pasun addaun dovorche khatir, tika tannim mullavea xikxonn ghetoleancher thapli. Punn zobordosten thaplole he lipintlean aiz amchim bhurgim xikunk sodinant, ani ti xikounk xikovpi-i khuim tori oddchotat. Kiteak te 'sobhavik lipi'-nt ekach somazachi boli asa. Fattlea satolleant, eka satolleacher hea lipivada vixim 'sobhavik lipi'-chea muniarean ek 'comment' kela - "Romik Rajbhas Kaideant zago ditoch, uprant romi lipi xikxonnant ghalunk romivaleanchi magnni astoli." Oi! Romik nit melltoch ti kaidean xikxonnant ailear devnagori sanddon vetoli hachi te 'sobhavik lipi'-chea muniareank bhirant dista. 20/09/2008 (c) Jose Salvador Fernandes http://www.goa-world.com/ http://sonvarchimsungttam.blogspot.com/ http://groups.yahoo.com/group/gulf-goans/message/20935 Gulf-Goans e-Newsletter (since 1994) http://www.yahoogroups.com/group/gulf-goans/ www.goa-world.com/goa/music/ Bahrain Goans Summer Football Camp - A success http://groups.yahoo.com/group/gulf-goans/message/21119 KONKANI KOVITA http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado Mahableshwar http://www.mahableshwar.com St. Mary's High School - Mt Abu, Rajasthan India http://www.abusms.com Visit Goa's favourite website THE GOAN FORUM http://www.colaco.net http://www.yahoogroups.com/group/goa-goans/ Goa World Goa Mog Goa SuRaj Super Goa (em Português) TGF Writers' Sketchpad www.colaco.net Goa's Pride - http://www.goa-world.com http://in.youtube.com/watch?v=_Avn6_AepNw&feature=related Gulf-Goans e-Newsletter is presented by Ulysses Menezes, www.goa-world.com and moderated by Gaspar Almeida (since 1994) http://www.youtube.com/watch?v=fywTuf-9S0k&feature=email
[Goanet] SON'VARACHIM SUNGTTAM: 'Sobhavik' vo Addechi Lipi?
Goa's Pride www.goa-world.com Sat, 20 Sep 2008 01:51:46 -0700
