........................................................................ Goa Heritage Action Group releases PARMAL, the journal of the GHAG, on Apr 25, 2009 at 5.30 at Gallery Gitanjali, Fontainhas. Price Rs 200 in Goa.
........................................................................ GULF-GOANS e-NEWSLETTER (since 1994) Son’varachim Sungttam: Soro Nastana Kazar Sobona - Jose Salvador Fernandes Abrilache 23ver Gõyant Lok Sobhechea don motdarsongham khatir vinchnnukeo zaleo. Hea vinchnnukank motdaramni vhoddlemxem mhotv kiteak diunk na tem tea mhotvachea motdarankuch khobor. Vinchnnukechea nimitan Vinchnnuk Ayogan khubxim bondonam ghalim. He-ui khepek toslim bondonam Gõyant vinchnnukechea kallant lagu kelim. Tantuntlem ek bondon, vinchnnukechea adlea ani tisrea disa porian soro vaprunk vo piyeunk zaina. Tea khatir bar’ram bond dovrpacho adex dilo. He pavtti vinchnnukank lagon soreacher bondi ghali tacho porinnam’ hea disamni aslolea kazarancher zalo! Itlo khor porinnam’ zalo, tantuntlean ‘Goa Catholic Minority Front’ nanvacho zomo zomolo. Vinchnnukechea kallant Gõyant soreacher bondi ghali dekun ‘Goa Catholic Minority Front’-an nixedh kelo. Mhalgoddea mukhel vinchnnuk odhikarean vinchnnukechea kallant tharailolim kazaram ‘cancel’ korat vo fuddem vhorat oxem sanglem tem eke toren Gõy ani Gõykarancho okman oxem tea ‘Front’-ak dista. Kazaram vo her karyavollim nimitan soro vaprop hi ‘amchi’ sabar vorsanchi porompora oxem tea ‘Front’-achea odhikareanchem mhonn’nnem asa. Hi voili khobor monachea porddeacher ‘flash’ zali, tednachean monant ek-ekuch vichar gollunk laglo. - ‘Goa Catholic Minority Front’ ho fokot sorea purtoch asa? Hache bhair hea ‘Front’-ache anik kosle hetu asat, kheritponnim ‘Catholic Minority’-intle soro piyenant tanche khatir? - Soreak ani ‘Goa Catholic Minority’-chea kazarank koslo sombond asa? Soro nastana kazaram sobonant vo purnn zainant? - Amchi ‘porompora’ jednam ami mhonntanv, tednam ami poromporeche gulam’ zavop vo porompora ami hatallunk xikunk zai? - Kazarank soro soddun anik kitem-i dil’lem zalear fuddem vochun vhokol-novrea modem futt poddpachi bhirant asa kai? - Kazarank soro vaprunk mellona mhunn ‘Goa Catholic Minority Front’-an rokddoch nixedh marlo. Desant khuim-khuim Kristanvancher onit zata tednam nixedh marunk hea ‘Front’-an kitle pavtti tondd ugoddlam? - Soreachi porompora samballunk husko dakoilolea ‘Goa Catholic Minority Front’ anik khuincheo porompora samballun dovorpacho thokos gheta? - ‘Goa Catholic Minority Front’-ak vixim Gõychea kitlea kristanvank khobor asa, ani tantuntlea kitlea kristanvancho tankam tenko asa? Hea proxnancheo zapo azun-ui sodtam. Asat konna kodde oi? 25//4/2009 (c) Jose Salvador Fernandes www.goa-world.com Links: http://blog.taragana.com/n/liquor-ban-during-polls-hits-catholic-weddings-in-goa-38339/ http://news.bbc.co.uk/2/hi/south_asia/3201361.stm Goa World Goa Mog Goa SuRaj Super Goa (em Português) TGF Writers' Sketchpad www.colaco.net www.goa-world. .com/goa/ music/ - The Online Music Station for KONKANI Mahableshwar http://www.mahables hwar.com St. Mary's School - Mt Abu, Rajasthan India http://www.abusms. com EXPRESSIONS - THE FLOWER SHOP http://www.goa-world.com/expressions/ http://www.w3.org/2006/10/SSML/papers/paper.pdf GOA MAG ONLINE http://www.goamag.net http://www.renewalsetc.com/renewals.htm
