JIVEXIM MARUM NAIE Adanv-ache poile dog put Cain ani Abel.
Cain-an zomnichem utpon kel'lem kuslelem foll Sorvesporak bhettoilem. Ani Abelan aplea hinddantlim malgoddim menddram. Sorvesporak Abel ani tachi bhettovnni manovli, punn Cain-achi bhett Taka manovnk nam. Dekun Cain ragan bhorlo ani tachem mukhamoll sogllench bodol'lem. Cain-an aplea bhavak, Abel-ak, mhunnllem: Ami bhair xetant vochum-ia.' Ani ekdam xetant pavtoch, Cain-an Abel-ak jivexim marlo. Hi poili krim', ji niddukaiek lagon utpon zali. Uprant Sinai porvotar Devan Moses-ak Dha Mandament dilet. He Mandament amkam ek xikovnn - tancher mun'xeachem sukh tharailelem asa. Zo konn Dha Mandament pallta to khuxeal jivit jieta. Hea Dha Mandamentantlo Panchvo Mandament amkam jivexim marunk advarta. Oxem asonui aiz-kal jivexim marop davea hatacho khell zala. Panchvea Mandamentacho mukhi somzut ami munxeache jinnek favo to man divop, ani Devan mun'xeak aplea sarko rochla mhunn mandun ghevop. Aiz-kal munis mun'xeak ollkhonam. Chodd-xe khun ghoddttat tanchem mull karann dusmankai, kanttallo ani nosai. Dekhunuch Jezu mhunntta: Amchea raga ani krimi modem vhodd sombond asa. Bhagevont Juanv mhunntta: Mosor mhonnchem khun, karann mosorak lagonuch khun ghoddttat. Hakach lagon Bhagevont Juanv-an boroilam: Zo konn aplea bhavak kantallta to ek khuni. Mun'xeak jivexim marop kaidexik kiteak nhoi? Ami gaiek jivexim martanv, kombiek martanv, musank martanv ani ami poslelea zanvarank nidechem injeksanv topun tancho jiv kaddttanv. Tor mun'xeakuch amchean oxem kiteak korunk zainam? Devan fokot mun'xeak aplea sarko rochla. Mun'xeak favo tem mukhia man thorponn asa ani hakach lagon ami zanvarank jivexim martanv tosoch mun'xeak jivo marunk zainam. Amchi jinn povitr. Konnakuch odhikar nam dusreachi jinn vibaddunk; mun'xean aploch jiv-ghath pasun ghevnk zainam, karann jinn ek Devachem dennem. Osleam krimim poros anik ek krim' asa ji aiz-kal vaddot veta ani ti mhunnllear innocent ballkachem gorbpatt (abortion.) Tor gorbpatt-ui ek khun kai? Zorui ek bhurgem aple avoichea kusveantlem bhair sortanch taka jivexim marlear khun, zalear bhurgem avoichea kusveant astannam tacho gorbpatt kelear tovui ek khun. Gorb (fetus) eka mun'xeachea jivitachi survat. Zorui orombachoch ami bhosm kelo zalear anik kitem urlam? Inosent ballkacho jiv kaddop ek dharunn krim'. Vaddlelea mun'xean apnnacho sambhall korunk zata, punn babddea zolman ievchea ballkan Cainch ek korunk zainam. Ek avoi, ji ballkak nov mhoine pasun aplea kusveant posta ani zolmant haddtta tech avoik aplea ballkacho ghat ghevnk koxem puttvota zait? Hantunt ostorich guneavkar nhoi; dadloi ostore itloch guneavkar. Tech porim konnui gorbpatt korunk sangta ani adar dita tovui guneanvkar zata. Jednam ami kazaracho sacrament zoddttanv, tedna padri axirvad ghalta ani hokle-novreak oxem suchoita: Tumi tumchi sonsot vaddoieat ani choddoieat.' Punn oxem korche suater ami amchi sonsot mottvi korit vetanv! Adlea tempar, kazar zatanch ghorant eka bhurgeacho avaz aikonk axetalim, punn atanchea ghov-bailank rokddem bhurgem naka. Ballkachi gorbpatt korop amchea dhormancher add. Kitleo amcheo ostoreo ani cheddvam aplea kusveantlea bhurgeak marun uddoinant ani he krimiche zababdar zainant? Hem ek vhoddlem patok mhunn tim visortat zait! Dezembrache 25ver ami Jezuchea zolmancho dis monoitanv. Hoi, hoch to Ballok Jezu zaka sorginchea Bapan hea sonvsarant pattoilo amkam patkantle soddovnk. To gorvanchea gottean zolmolo, khursar melo ani tisrea disa meleleantlo jivont zalo. Jezun amkam peleacho mog korunk xikoilam ani nhoi kanttallonk, peleacho jiv kaddunk ani kallokachim mun'xeam zavnk. Hea Natalanchea somoiar ami amchea ontoskornan hat ghalum-iea, amchea vaitt korneancho niall korum-iea ani Ballka Jezu porim supurlim ballkam zavn zolmant ietele sonstik evkar divum-iea. Ani amchea ghorcheamni uzvaddachem noketr pettovnk aminch dusreank uzvadd zanv-iea. Amkam padri-madrinchi goroz, tor heo khuimcheo ietoleo jedna ballkak avoichea kusveant nattak kortat tedna? Oslem noxtt amche velem nivar mhunn magum-iea. --------------------------------------------------- English Translation: THOU SHALL NOT KILL/MURDER Adam's first two sons were Cain and Abel. Cain offered God the first fruit of his toil but a rotten one. And Abel offered God the best sheep from his herd. God liked Abel's offering but he didn't like Cain's. Hence, Cain got furious and his face was filled with anger. Cain said to his brother: Let us go in the fields.' Once they were in the fields, Cain killed Abel. This was the first crime, which took place because of jealousy. Then God gave Moses the Ten Commandments on Mount Sinai. These commandments are a guide to humanity our happiness lies in them. Anyone who follows the Ten Commandments leads a happy life. The Fifth Commandment forbids us to kill or murder. Despite the Commandment, murder has become very common these days. The crux of the Fifth Commandment is to respect fellow person's life and to accept the fact that God has created man of His likeness. Nowadays, one person does not recognize the other. The root cause of murders is enmity, hatred and jealousy. That's why Jesus says: There is a great relationship between anger and murder. Saint John says: Jealousy means murder, because murders take place because of jealousy. This is why St. John has written: Anyone who hates his brother is a murderer. Why is it not legal to kill a person? We slaughter cows, chicken; we kill flies and we inject a sleeping dose into our pets and kill them. So, why can't we kill human beings like that? God has created only man in His likeness. A human being is blessed with dignity and this is why we can't kill him/her the way we kill animals. Our life is sacred. Nobody has the right to destroy another person's life; a person is forbidden even to take his/her own life, for, life is God's gift. There is one more crime which is worse than murder and which is on the increase by the day and that is abortion.' So, is abortion a crime? If it is a crime to kill a child soon after its birth then it is also a crime to kill a child in a mother's womb. The foetus is the beginning of a human being. If we get rid of the origin itself what else is left? To abort an innocent child is a serious crime. A grown up person can protect himself/herself but a foetus/child is totally helpless. A mother nurtures a child in her womb for nine months, gives birth and brings it into the world. How can the same mother become treacherous? The female as well as the male are equally responsible for this heinous crime. Also, anyone who supports/advises abortion and helps abort a child is as much responsible as the couple. When we unite in the sacrament of Holy Matrimony, the priest blesses the couple and advises: Increase and multiply your family.' Contrary to the advice, we keep shortening our families. In the past, the newly wedded couple yearned to have children as soon as they were married; it's not the case now. Modern couples don't want a child soon. It is against our religion to abort a child. These days, many girls and women are responsible for abortion of foetuses and children. Perhaps they don't realize that it's a big sin to do so! We shall be celebrating the birthday of Jesus on December 25. Yes, he is the Infant Jesus whom God the Father sent into this world to redeem us from our sins. He was born in a manger, He died on the cross and He resurrected from the dead on the third day. Jesus taught us to love one another - not to hate and murder one another and live in the dark. At this festive season let us peep into our conscience, bring to mind our bad deeds and become like the little Infant Jesus and welcome angelic children into this world. Let us shine and help others light the star. We need priests and nuns. From where shall we get them if we abort children in mother's womb? Let us pray to God and ask Him to do away such dreadful acts. Moi-mogan, Domnic Fernandes Anjuna, Goa Mob: 9420979201
