Oxe Toren Monis Astat? Kavllean, morak porathlem Mor-mama Tujim sundor pankham mhaka di Vir zavn bhonvtam Moran, kavlleak mhontlem, Oddechim pankham lailear Kavllo mor zat’lo?
Undran, hotiak sanglem Hoti-mama Tuje bhaile dant mhaka di Potbhor jevonn chorun khatam Hotian, undrak mhontlem, Mhoje dakhovpache dant Ani khavpache dant veg-veglle. Sunnean, makddak vinoylem Makodd-mama Hea-tea zhaddancher Uddneo marunk xikoi Makddan, sunneank mhontlem, Eka zagear bosun Dhoniank visvaxi ravunk yena? Nustean, kul’lek vicharlem Kul’le-mummy Tuka dha payem asun Tujean ubean dhanvunk zaina Kul’len, nusteak zap dili, Dekhunuch voir sortoleank Sokoll aptichem kam’ mhojem Lino B. Dourado (Utodd'dekar) http://aitaracheokaskuleo.blogspot.com/