BORGES BAB ‘PUBLIC PROSECUTOR’ ZALO?
( May 14, 2010 hea disa GOA Net hacher ailole Borges babachea zabab-ak
poilo “DEBATE’ hache vixim zabab dila. Teach borovpant anik bogllanttam
aslim tacher ilo uzvadd ghaltam)
Borges bab boroita, “ Survatek savn Sekretar aslolea Tomazinho baban
oslem "zait ghoddie" torechem nib divop mhonnlear hanspachench nhoi tor
hansun morpachem! Taka khobor nastana hem emblem toyar zalem kai?”
Survatek savn Tomazinho Sekretar asa mhunn Borges bab sangonk sodhta.
Hem sangun Borges bab anik ek fott marta. Hi chorcha halinchea disamni
suru zaloleak hi tachi dhavi fott asa. Jiveo fotti sangon Tomazinho-cher
bogllanttam ghalpachi apli yevzonn to fuddem vhortoch asa. Hanv Borges
babak anik ek avhan ditam. Hanv survatek savn DKA-cho Secretar asa mhunn
tannem provar korchem na zalear apli chuk zali mhunn mafi magchi.
Tea fuddem Borges bab oxem boroita, “Khoinche-i sonsthechea boskancheo
"minutes" borovpacho vavr Sekretaricho asta, Odheokxacho nhoi! Fuddle
boske vellar teo vachun vangddi man'ya kortat tednanch tancher
Odheokxachi soy yeta. Zalear heo "minutes" Fr. Freddyn boroiloleo mhunn
sangop chukta nhoi?”
Borges babachi anik ek jivi fott. Hi tachi ikravi fott asa. “Zalear heo
minutes Fr. Freddyn boroiloleo mhunn sangop chukta nhoi?” Te minutes
Fr. Freddyn boroilea mhunn hanvem kednanch borounk na nhoi mhunn
sangonkna. Anik ek avhan tuka Borges bab. Hanvem toxem boroilam mhunn
tuje ‘khoddegantth’ purave di na zalear apli chuk zali mhunn mafi mag.
Borges bab tea fuddem boroita, “Tor tedna DKA ostitvant asli zalear
ticho Sekretar konn aslo kai? Tannench "Roman Konkani" ho xobd vaporla,
hem anik sangpachi goroz na”
Borges babachim him utram nivoll asa. Sekretar aslo mhunn tannench te
‘minutes’ boroilea astole mhunn amcho Borges bab sumar korta.
Sekretarunch boroilea mhunn tache lagim puravena. Ani kitle pavtt
Od’dheokx minutes boroina zait? Ani zori tor te Sekretaranuch boroilea
ani asa toxe tacher Fr. Freddy-n soi kelea zalear Borges bab gorje
vinnem sorgest Fr. Freddy-cher arop ghalta. Borges bab-ak hanv sangonk
sodhtam ki Fr. Freddy konn kitem dita tacher soi korunk to bud’du naslo.
Fr. Freddy konn kiteim dita tacher soi kortalo mhunn tacheim nanv
ibaddunk proitn korinakai Borges bab!
Tea fuddem Borges bab mhunntta, “ Te veoktichem nanv konnem-i amkam
sanglear upkar zait! Tedna amkam tea xobdacho "originator" sampoddttolo.”
Amcho Borges bab khobor korta te minutes 1988 vorsa boroilole. Mhunnchem
“Roman Konknni” hea shobdachem “origin” 1988 vorsa zalem mhunn Borges
bab sangpacho proitn korta. Punn Borges bab-ak hanvem puravea soit
sanglam ki 1981 vorsa Fr. Nicolav Pereira hannem teach shobdancho vapor
kela mhunn. Anikui zaite asot. Tanche borpavolliche purave poriant
daddun dileat ani te amchea Borges babak mell’lleat. Zalear “Roman
Konknni” hea shobdanche “origin” 1988 vorsa koxem zalem tor? Amchea
Borges babachi chuk na kiteak taka sogllem urfattench dista.
Borges bab tea fuddem mhunntta, “Hanga hanv ek Inspector vo Nitidar
nhoi. Zaich zalear, ek Public Prosecutor mhunn somoz. Hi kes
vachpeanchea, mhonnje porjechea, neayaloyant asa. Porza nit kortoli.
Hanv vo tum korcho na. Tor tuji zap porjek di, tuji govay tanche somor
dovor; justis tankam korum-di!”
“Public Prosecutor”? Khorench hanspachem asa! Are hanvem tuka tum ek
‘Inspector’ vo ‘Nitidar’ mhunnonk na. Hanvem toso tuka vinchar kelolo.
Tuka ‘Inspector’ vo ‘Nitidar’ mhunnop ani tum ‘Inspector’ vo ‘Nitidar’
asa kai mhunn vincharop hantun zomin mollbachi ontor asa. Ani tum apunn
‘Public Prosecutor’ mhunn somzonk laglo? Are tujeo hanvem sumar 11 fotti
vachpeache nodrek haddlea teo fotti nhoi punn sotam asat mhunn tuje
lagim provar korunk zaunk na. Tea fottink lagon hanvem tuka don tin
avhanam dileant tancherui tuvem portun zaban diunk naim. Ani “Public
Prosecutor” ? Ha..ha…ha…
Ani atam akhrek DKA-chea ‘Emblem’ ani ‘Forgery’ vixim.
DKA-chem ‘Emblem’ hacher ‘Sthap: 1989’ mhunn asa tem na mhunn hanvem
kednam punn mhunttlam? Asa tem asach. Tem fokot Borges babakuch disona
punn soglleank dista. Zalear ed’do vhodd boball kiteak re Borges bab?
Zo goirsomoz asa to nivoll korche khatir hanvem sorgest Pri. Freddy,
DKA-che poile odheokx, hannem soi kelolo ek puravo daddlo. Tacher asa ti
soi hanvem ‘forgery’ korun kelea mhunn tannem mhojer arop ghatlo.
Borges bab, tuven kedeai vhoddlea tallean ti ‘forgery’ mhunnon bob
marli zalear ti ‘forgery’ zaina. DKA-chea ‘Emblem’-acher sthapnneche
voros 1989 asa mhunn ti ‘forgery’ zaina. Ghoddlolea ghoddneanchem
‘interpretation’ korun eka puraveacher asloli soi ‘forgery’ zaina. Ti
‘forgery’ zatoli zalear tuven tea purvear asa ti soi sorgest Pri.
Freddy-chi nhoi mhunn provar korpak zai. Apunn “khoddegantth’ puravekar
mhunn soglleak fottaxi martai zalear ‘khoddegantth’ sodduch zata zalear
ek ‘oskot’ punn puravo di zache vorvim tea kallaili Pri. Freddy-chi soi
ani hanvem dilea ti soi veg-veglleo asat mhunn. Hem tuka anik ek avhan
asa. To poriant tuvem mhojer ghatlolo ‘forgery’-cho arop ek ‘poki
fottas’ asa mhunttlear lottkem zanvchena.
DKA-chea “Emblem’-acher niyall korum-ia. Sorgest Pri. Freddy hannem soi
kelolea puraveacher don mhotvacheam goxttinchi mahiti asa: (1) 1988 hea
vorsant zaloli DKA-che boskechi mahiti ani (2) 1989 vorsa DKA-k
‘oficially and solemnly’ inaugurate korpachi mahiti. Mhunnchem ‘Sthap:
1988’ vo ‘Sthap:1989’ ho vixoyacho mud’do asa. Hem voros 1988 zaunk zai
aslem? Tem 1989 kiteak zalem? He proxn ho Borges bab mhaka kiteak korta
kai? DKA-k avoi bapui na? Soglle ‘records’ DKA lagim astole! Vinchar
munga tanche lagim? “Khorzota khoim ani khorpita khoim” oslich got zalea
hea amchea Borges babachi.
Sorkar DKA-k anudhan diunk laglo, DKA-cho vavr nettan fuddem vochonk
laglo ani tea khatir Romi lipintli Konknni koxich morpachi na mhunn
sid’dh zalem hem amchea Borges babak koxench pochounk zaina mhunn
sangche bodlek to DKA-chim, vo Romi lipi khatir vavurteleanchim il’lim
il’lim kuntam kaddit asa ani tankam bodnam korpachea vavrant gul’l
zalolo asa.
Tujo Romi lipi Konknni add vavr chaluch dovor Borges bab kiteak
tantuntleanuch nettan vavr korpak amkam sfurti mellta. .
Punn ek fottinchem zoit zaunk mat ami kednanch diunchena.
Tomazinho Cardozo
Candolim, Goy.
