GT ‘DEBATE’ SODDUNN KONN POLLON GHELO? HANV VO BORGES BAB? Tomazinho Cardozo
Borges babacho 22 May, 2010 hea disa ailolo zabab vachlo. Tea zabab-an amchea Borges bab-an akhem Ramayan sanglem punn gorjechem kitem zai tacher mat visor ghatli. Hanvem borges baba lagim sadho ani soroll zabab vincharlolo. To oso asa, “Tannem tor mhoji DEBATE korpachem avhan svikarun DEBATE korunk apunn raji asam mhunnon zabab dila zalear to tacho zabab khoinche tarkechea GT potrar aila to mhaka matxem Borges bab-an sangchem”.
Hacher tannem zabuch keli na mhunnchem tannem apunn DEBATE-k raji asa mhunn sanglem na. Hacho orth kitem zalo? ‘DEBATE’ soddun poll kaddop nhoi zalear anik kitem?
GT potran aplo zabab porgott kelo na mhunnonk Borges bab sodhta oxem mhaka dista. GT potran tor zabab porgott kelo na zalear mhaka svotha kiteak kolloilem na? Hanvem taka mhojo Phone No. poriant dilolo ani to mhojem ‘postal address’-ui zannam hantun dubav na. ‘DEBATE’ korpak daddhos na zatoch poll kaddpache osle upai sodhun kaddche poddttach.
Borges bab ataim ti “DEBATE” soddun polllon vochpachi toyari korta. 22 May tarkechea zababan to akhrek mhunntta, “ Aiz te 'debate'-ik orth urunk na karonn Tomazinho baban ek sot manun ghetlam: DKA-chi stapnnuk 1988 vorsa zal'li, mhonnje "DKA was established in 1988, not in 1989." Hem sot tache kodden kobul korun ghevpak mhaka tin voir vorsam laglim.”
Hi Borges babachi anik ek fott zaun asa. Vhoir Borges bab-an sanglam tem hanvem khoim ani ken’na mandhun ghetlam tem matxem Borges bab-an mhaka sangchem. Ho Borges bab kiteak mhunn fottir fotti marta tench mhaka kollona. Hea vixoya vixim jem kitem hanvem boroilam tem oxem asa:-
“Emblem’-acher niyall korum-ia. Sorgest Pri. Freddy hannem soi kelolea puraveacher don mhotvacheam goxttinchi mahiti asa: (1) 1988 hea vorsant zaloli DKA-che boskechi mahiti ani (2) 1989 vorsa DKA-k ‘oficially and solemnly’ inaugurate korpachi mahiti. Mhunnchem ‘Sthap: 1988’ vo ‘Sthap:1989’ ho vixoyacho mud’do asa. Hem voros 1988 zaunk zai aslem? Tem 1989 kiteak zalem? He proxn ho Borges bab mhaka kiteak korta kai? DKA-k avoi bapui na? Soglle ‘records’ DKA lagim astole! Vinchar munga tanche lagim? “Khorzota khoim ani khorpita khoim” oslich got zalea hea amchea Borges babachi.”
Ho mhojo zabab spoxtt asa. Hantun DKA 1988 vorsa vo 1989 vorsa sthapli mhunn hanvem khoim mandhun ghetlam ga Borges bab?
“DEBATE” korpachi daddhos na mhunn mhojer bogllanttam ghalun poll kaddunk sodhinakai.
Fottichem zoit kednanch zanvchena. Tomazinho Cardozo Candolim, Goy.
