Ixttamno, Francisco Floriano Fernandes bab prosn vicharpant boroch fixal asa dista. Tannem mhaka ek lamb prosnavoll dhaddlea. Mhoji taka vinonti: poilim te prosn tukach kor ani tujeo zapo amkam dhaddun di. Xivai, anikui prosn asat tancheo zapo sodun kadd: 1. Konknni rajbhas chollvolli vellar tuzo koslo tori hatbhar laglolo? Tuvem kitem kitem kel'lem? 2. Romi lipint boroiloli Konknni bhas fulchi ani follchi mhunn tuvem kitem tori kelam? Ani atam tum kitem tori korta? 3. Hanvem Romi lipint boroilole Konknni bhaxe add kitem boroilam tacheo ek don dekhi tujean diunk zait? Zalear teo diuncheo mhunn mhoji tuje kodden vinonti. Mhaka tujea dekhincho adav zaum-ieta. 4. Rajbhas andolona vellar tum bhurgo aslo kai dista. Tedna xikxonnant Konknni bhas asli. Zalear, iskolant zaum kolejint, tum Konknni bhas xikla? Hoi zalear, khoinche lipintlean? Na zalear, kiteak xikunk na? 5. 1962 savn Igorjen choloilolea iskolamni Konknni xikoit aileat; ti fokot Devanagari lipintlean mhunn tuka khobor asa? Tedna tuzo avoi-bapui zaum azo-aji kitem kortalim? Tannim, kedna tori, Igorjechea vhoddilank Romintlean Konknni xikounchi mhunn suchovnni kel'li? Oxe toren Devnagrintlean Konknni xikun bhurge fuddem gele ani M.A. panvddear porian Konknni xikunk pavle; tanche modem choddant chodd Katolk bhurge asle. Rajbhas kaido pas zal'lo teach vorsa (1987) poilo M.A. Konknni 'batch' pas zal'lo mhunn tum zanna? 5. Rajbhas mhonnje kitem tem tuka khobor asa? Rajkarbharant mhonnje Rajyachea 'administration'-ant vaportat ti rajbhas; tiatrant, bazarant ani xikxonnant legun ek bhas vaprunk ti rajbhas aspachi goroz na. Sorkarakodden potrvevhar korunk rajbhaxecho vapor zata. Zalear, kitlea zonnank Romintlean Konknni nitt borounk yeta? (Khoxechi gozal mhonnlear tujem Konknni borop heram poros khub borem asa. Porbim!) Tiatr boroinnarank 'professional' Romi Konknni borovpi mhonnlear otitay zaunchi na, kiteak te aplea potta khatir Konknni boroitat. Zalear tanchem borop kitlem borem asa? Don dekhi ditam: (a) Goa Konkani Akademi (GKA)-che eke yevzonne-khal uzvaddaunk ek tiatr ailolo khoim. Tatunt khubuch 'grammatical' ani 'spelling' chuki aslolean tem hatborop sudharche khatir borovpeak porot kelem. Borovpi challvolo ani Poilea Romi Konknni Sommelonache machier ravon tannem 'grammar' sarkem na mhunn aplo tiatr GKA-n 'reject' kelo mhunn sanglem. Mhojea fuddeantle bosker ek nam'necho kovi bosun aslo. Tannem mhonnlem, "Tiatrak ani veakoronn lagta?" Tea cheorchea-sotracho (seminar) yezman mhunn Romi Konknnicho 'pai' aslo. Punn tannem hacher aplem kainch mot diunk na. (b) Dusri dekh: Thoddeach mhoineam uprant, osoch ek tiatr chhapun ailo. Tem pustok gheun ek dis toch 'pai' GKA-che kocherent ailo ani tem kaddun Odheokxachea mezar marun aroddlo, "Hi Konknni?" Tea pustokar tannem sabar utranchea pondak penan bore oddlole. Atam hem pustok chhapun haddpachem soglem kam' borovpeanuch kel'lem. GKA-n fokot onudan divpachem. Tatunt chuki urleo zalear GKAn kitem korchem? Onudanache poixe addaun dovorpache? Toxem kel'lem zalear toch 'pai' "Romi Konknni pustokank bhasailole poixe addaun dovortat" mhunn hueli marpacho. Mhonnje khoinchei votten aploch faido. "Dukor marunkui vhelear roddtta ani posunkui" oxem mhonnttat nhoi? Zori tor professional borovpeank Konknni sarki borounk zomona, zalear her "aam admi" Goykaranchem kitem? Sorkari Odhikareank somzot osle Konknnint te aple orz borounk xokot kai? Na zalear Romi Konknni rajbhas zaun faido kitem? Tench kiteak? Amcheo Ponchayoti asat. Tankam Romi Konknnintlean konnem tori potr dilam? Ani nikal kitem aila? Hanvem toxem kelam. Mhojea orzacher favo toxi karvay legun zalea. Punn zobab mat Inglezintlean! Hacherui tujem lokx ghalun vistaran boroilear adav zaum-ieta.
Sotachench xoit zatolem. Mog asum. Sebastian Borges On 26 May 2010 Francisco Floriano Fernandes <franciscofloria...@yahoo.com> wrote: Sebastian Borges ho?dadleak vo bailek sarko volkonn nokllom pun tori astana jem to kitem konknni lvoir boroita tem zaitem vachlam ani obheos kela, tea uprantuch hanv hea mojea mudhear pavlam ani oxem borounk fudem sorlam.Ani hacho makam toddo tori zobab tea dadlea/baile kodchean mevtolo mhun patietanv.Toddeach khalla boroilea prosnak zobab ditolo mhun assa dortanv. Bab vo bai tum itlem konknni voir boroita tem koslea hokhan boroita tem hanv kaim noklom tori astana tum konknni raj bhas korunk zai tedna khuim aslo/aslem? Zori konknnicho tuka itlo mog aslo zalear jea vellar ami tornatte koxe godtta te porim fudem sorle ani amchea konknnichea fuddareank tore torecho toddo tori?adhar dilo, zalear tujem anven kuimchoruch?kednach aikonk na, tea vellar tum koslea tujea dhonddean bi guspololo ani konknnichea vavrak ath paim?galunk fatim urlo? Sobondh Goy ani chodd korun Saxttint itli uchabollai zaloli tea 1980 suru zalolea vorsanim, 1986/1987 hea vorsanim,?zalear tum appsuvarti koso konknnichea zuzant eksuro lipun asloi kitem? Naslo tor khuim aslo? Goychi Raj bhas konknni koirunk zaitea kattolk lokanim aplem dhan ani godtta toslo adhar dilolo, toddeamnim poixeamcho, chitraupacho poster, bossimcho?ani,ani sabar vatteamnim zalear tuji ghantt suntloli vo sunttonk nasli ?? Eke tori jahir sobhak konnuch kedna tori he Devnagiri konknnichem nanv kadlolem ? Ani kuimchor kadlolem tem makam sangxi?? Amche 7 tornatte bhav konknni passot martir mele vo tankam bhagak zaun marle tedna tum khuim aslo/aslem? Konknni martiranchi konnech choukoxi korunk nam tachea voir tuven kednach boroilolem anven vachle nam tor tum atam itlo bobat kiteak korta , oxem dista tum ek visvas ghatki Goykar amcheach lokak marunk bheddi aslo oxem anven boroilear upkarta? Konknnichi sogli chollvoll amchea lokan korchi ani soglem zatogoch tumchea osleam bodmass-anim faido gevcho oxem mhonnop hem sarkem? Nimanem toddench boroun kobar korchea adim oxem sangonk dista kim ?tum fokot gorib kristanv rostear evun? chollvoll kelea,mar khal'la, poixe modlea, upas kela tancher niropradhi zaunk sodtta, itlench nhoim Goychea kristanv lokachi kolla,? songit sonskrutai ani urlolem soglem kobar korunk fudem sorla oxem makam dista hem sarkem nhoim? Nam tor tum Romi Konknnicher itlo kiteak boddollai? Tum konacho dusmam Goykarancho vo Romi Konknni vachpi ani borouppeancho? Hem soglem ugtapem korun sangxi zalear upkar zatolo. ? Francisco Fernandes Middlesex - UK. Sebastian Borges
