Ixttamno,
"Debate svikarun kel'li mhoji zap GT disallear 10 July 2009 tarkher asa"
oxem hanvem Tomazinhobabak kolloilem, zalear to vicharta: <<Hich zap
Borges baban adim kiteak dili na kai? Ghuspagonddholl korche khatir?>>
Hi zap atam divpak sabar karonnan asum-ietat: (1) Hanvem ti ek
'trumpcard' mhunn rakhun dovorli; toxem kelem zalear kitem chukta? Mhozo
khoincho puravo kedna manddcho tem tharavpacho hokk mhaka asa mu? Punn
toxem zaunk na mat. (2) Mhojeo kaim chitti GTn uzvaddaunk nant; hanv
somzolom hi-i tantlich ek asot mhunn. Te bhair Tomazinhobab GT potracher
sumanachea sumanak 'column' boroita; tor tache nodrentlean ti chitt koxi
chukunk xokta? He khatir vaspus-oi korunk na. Punn jen'na hanvem
pollelem ki mhojeach 'reminders'ant "mhojem 'offer' uzvaddak ailear omke
dis zaleat" oxem hanvem vachlem, tedna 'tube-light' pettli ani hanv
'Central Library-nt gelom. Central Library-nt vochop Tomazinho babak
sompem, karonn tachi kocheri Ponnjent asa; punn mhaka unninch 4 voram
provasak khorchunchim poddttat. (3) Tomazinho baban jedna mhaka omkech
khoinche tarkher mhoji zap ailoli tem sang mhunn forsar kelo tednanch
hanvem ti tarikh taka dili. Punn sot usram bhair ailear ghuspagondoll
kiteak zata? Sot kedna-i voir ailem mhunn eka promannik mon'xak kosloch
forok poddona. Punn fottingachem vegllem. Virodhea kodde khoinche purave
asat tem adinch koll'llear, apli 'debating skill' vaprun koxi kux
martolom hachi 'planning' korunk sompem zata ani avchit anik ek puravo
bhair sorlear to ghuspota, gondllota, tachi fojet zata. Tomazinho
babachi toxi zaina zalear puro. Punn Goanet hachevele purave puro nasle
kai? To tedna Goanet vachinaslo? Toxem zal'lem aslear legun tachea
amigamni taka sanglam astolench mu? Tache pattlavdar tori tenko diun
chitti boroitale. Tantlea kaim zonnam kodde hanvem vinonti kel'li
Tomazinho babak ti 'debate' ghoddun haddpant mozot korat mhunn. Tannim
Tomazinho babak sangonk na kai? Ani sanglolem zalear, torui gopp ravlo?
<<“GKA was established in 1988” ani “GKA was established in 1989” oxim
vidhanam hanvem khoim ani kednam keleant?>> Tomazinhobab kedna kedna
apunnuch ghuspota. Dekhun to sarkench kitem sangunk sodta tem kollona.
Hanga to kitem sangunk sodta kai? (a) Hanvem hanche modlo ekui
'statement' kednanch khoinch korunk na, (b) Hanvem hatuntlo (omkoch) ek
kela, punn dusro korunk na, (c) Hanvem he donui 'statement' keleat
khore, punn donui ekach borobor korunk nant. To hantlem khoinchem
mhonnunk sodta tem spoxtt sanglear mhaka sompem poddttolem; hanv magir
to negar veta to 'statement' vo donui 'statement' kedna ani khoim khoim
keleat tachi govay diunk toyar asam. Tor hem spoxtt korunk tache kodde
mhoji nomr vinonti.
Fuddem vochun to mhojem ek vak'ya vegllem kaddtta ani tache uprant ji
'inference' asa ti lottki mhunn bhasounk sodta. Punn ti 'inference' tea
soglea paragraph-acher adharloli asa, ekach vakyacher nhoi mhunn konnui
iskolacho bhurgo legun sangtolo. Taka tem somzunk na zalear porthun
sangtam. DKA zolmant yeunche adlea rattavollimni vanttekar, zolmant
ailea uprant 16 vorsam Sekretar ani ek voros (hanga, Dezembr 2004 meren,
sov mhoine mhonnlearui upkarta) Convener aslolo tea karnnan hanvem taka
avoi-kodde komparar kela. 'Emblem'-achi mahiti taka asunkuch zai
mhonnpak itlo puravo puro poddona? 2010 porian Sekretar kiteak asunk
zai? Kai 2005-2010 hea kallant to 'emblem' toyar zal'lo mhunn to sangunk
sodina mu? Spoxtt korunk vinonti.
Hanvem heranchim nanvam gheunk nant mhonnje tancher onit koxi mhunn
zata? Apnnem magun ghetlolem lochandd to tancher lottunk sodta kai? Fr.
Freddy aiz amche modem na, ani to tor survechea ekach vorsak (tem-i
Tomazinho baban DKA-chi sthapnnuk 2008 vorsa zal'li mhunn mandun ghetlem
zalearuch) Odheokx aslo ani magir 2004 vorsa, fokot 5 disam khatir,
Convener. Fr Pratap DKAcho poilo vangddi khoro, punn tannem khoinchench
pod, aiz meren, sambhallunk na. Prabhakarbab Tendulkar tor Tizrer aslo;
'emblem' toyar korun ghevop Tizrerachem kam'? Urlo to Sekretar/Convener
Tomazinho bab, ani toch hatakodde asa nhoi? Tor zap diunk tannem fattim
fuddem kiteak zaunchem? Sodheache zallvonndar tor halinch vangddi
zaleat; tankam koxi khobor astoli? Ani hem mhaka atanchea Odheokxanuch
sanglam! Ani hakach to mhonntta mhojem nennarponn. Zalear zannarponn
kitem tem sangunk mhoji vinonti.
<<Prot’tek sonsthek ap-aplo itihas asa mhunn Borges bab-an zanna zaupak
zai. Ho itihas ‘record’ korun dovorlolo asta. Konnakuch tachi mahiti
zai zalear je lok te sonstheche chalu kallache zallvonddar asa tanche
lagim ghevpachi pod’dot akho sonvsar bhor chalu asa.>> oxem to mhonntta.
Zalear <<Dalgado Konknni Akademi was established in 1988>> ani <<Dalgado
Konkani Akademi was established in 1989 in order to fight the injustice
meted out to Konkani in Roman script>> oxe 'statement' kortana tannem
khoinchea zallvonndaram koddlean mahiti ektthailoli, hem sangun upkar
korcho.
Sotachench zoit zatolem.
Mog asum.
Sebastian Borges
--- On Sat, 29/5/10, tomazinho cardozo wrote:
GT "DEBATE" SODDUN KONN POLLON GHELO? HANV VO BORGES BAB?
27 May, 2010 hea disa kelolea borovpant poilech pavtt amcho Boreges bab
ek soroll zap dita ani ti mhunttlear, “Tomazinho bab porthun ghuspoche
adinch tachem "gorjechem kitem zai tem" poilinch diun uddoitam. Mhoji
zap GT disallear 10 July 2009 tarkher asa.” Dev Borem Korum. Hantun
ghuspopacho prosonguch yena kiteak zap soroll asa. Hich zap Borges baban
adim kiteak dili na kai? Ghuspagonddholl korche khatir? 10 Julay 2009
hea disachem GT potr, Central Library Ponnje vochon vach’chem poddlem
ani tem vachlea uprantuch tacher kitem sangchem asa tem sangtam.
Punn atam aplea borovpant amcho Borges bab ghonddolant gonddholl korun
‘inferences’ kaddta ani tankam aple khoddegantth purave mhunnonk sodhta
kai? Niyall korum-ia. To mhunntta, “Punn Tomazinho baban ek ugddas
ghott motint dovorcho: "GKA was established in 1988" ani "GKA was
established in 1989" him donui vidhanam ekach borobor khorim asunk
xokoch nant; khoinchem tori ek khorem ani dusrem fott. Donui fott mat
asunk xoktat. Him donui vidhanam tachinch aslolean, to kiteim kelear
fotting tharta, hatunt kosloch dubhav asunk xokona.”