Ixttamno, Tomazinho bab atam, porthun ek pavtt, tonddi ddibett korunk apoita. To mhonntta, "Eka vixoyacher dogam zannamni kholayen bhasabhas kelea uprant te chorchent konnachem sangnnem sarkem aslem ani konnachem sagnnem sarkem naslem hacher konnem tori nirnnoy diupak zai."
Hanga ek vost motint dhorop samkem gorjechem tharta. Hanvem fokot ekuch prosn kel'lo: DKA kedna ani kiteak sthaploli? Ani to-i zalear Tomazinho babacheach te vixim kel'lea 'statement'-a velean. Haka soroll zobab diunche bodlek Tomazinho baban, vellchea vellar, sabar her vixoy tatunt misoll keleat; ani hanvem tankam, mhojea dixttikonna (viewpoint) pormannem, mhozo protikar (reaction) dila. Atam heach vixoyant tachem fattlea tin vorsanchench choritr thoddkeant polloum-ia. Chodd diunche khatir Ponnje vochun Central Library-cheo faili challunk mhaka vell ani pasiens na! Vixoy samko sado: Dalgado Konknni Akademi (DKA) 1988 vorsa sthapon zali kai 1989nt? Ani Romi Konknni velea oneayacher zhuzunk, kai anik koslea karyam khatir? To aplea lekhant ho mud'do uprasaita titlea-i pavtti hanv taka ho prosn kortam. Punn to mat soroll zap dina, ddibett korum-ia mhonntta, kux marta. Setembr 16, 2008 he tarkhechea GT disallear chhapun ailole aple chittint to mhonntta "this is my first and last response to Borges" ani tech chittint fuddem mhonntta "I shall give him the answer"! Jedna tum 'first and last response" mhonntta tedna to 'answer' thoinch diunk zai aslo nhoi? "Shall give" kiteak? Punn to 'answer' ailoch na. Punn tannem poll kaddli, oxem hanvem kednanch mhonnunk na. Magir Jun 2009 mhoineant teach disallear porthun toch 'statement'. Zap vicharlear "ddibett korum-ia" oso zabab. Hanvem mhonnlem, ddibett jerul korum-ia, poilim hea prosnank tori zap di". Tor ddibettichoch hott'tt dhorlo. Bejar zaun, hanvem ddibett tunch ghoddun hadd, hanv yetam, oxi zap dili zalear hachi zaguch na. Samko 'underground'! Don-tin mhoine hanvem taka Goanet-ar sodlo. Mell'lloch na. Punn tannem poll kaddli, oxem hanvem mhonnunk na. Atam utthtta ani mhonntta GT ddibettintlean hanv pollon gelom! Hanvem Goanet-ache sabar purave dile. Torui mhonntta, GT potracher tuzo zabab kedna aila tem sang. Hanvem tem legun sanglem. Mhonnunk laglo, Central Library-nt vochun topastam ani mhoji zap ditam. Suman'bhor maiz zalem, pot'to na. Mhoji chitt thoim sampoddli kai na, tachi khobor dilich na. Dil'lea utrak porthun fals zalo. Moidanavelo konn pollon veta tem Borges tharaitolo mhunn sangpi monis porot ailoch na. Punn to pollon gelo, oxem hanvem mhonnunk na. Ek prosn soddoun magir dusrea prosnank hat ghalum-ia, oxem hanvem mhonnlem zalear to mhonntta, ho atam poll kaddpachi toyari korta. Punn 'first and last response', 'good night', 'nimnno zabab' mhonntta tedna mat to soddun vochpachi toyari korina! Modim V.IXTTar ailo. Aplea bochava khatir ek dukument fottokopi korun dhaddlo, zache vorvim DKA 1988 vorsa hea sonvsarant asli mhunn sid'dh zata. Torui astana to tem mandun gheunk toyar na! Zo monis apnnench dil'lea likhit puraveantlem sot svikarunk toyar asona, tache kodden tonddi ddibett korun kitem adav? Te xivai, "hanvem toxem khoim mhonnlam?" oxem-i mhonnpachi tachi sonvoy tumi pollelea. Boroilole ddibettint zo monis oslim naddponnam korunk xokta to tonddi ddibettint kitem korcho na? Uloilole ddibettint rikordd urona; mhonnttoch "hanvem toxem mhonnunkuch na" oxem sangpak bhorpur sondi melltta. Rajkarnni lok "I have been misquoted" mhonnttat tem ami polleunk na? Ani tin vorsanchea kallant, ddozonamni panam boroun zal'le, ekach vixoyavele, bhasabaxentlean zor nirnnoy yena, zalear don voranchea kallant sabar vixoyancher tonddi ddibett keli zalear nirnnoy yetolo? Ani hi tonddi ddibett kitlea zonnanchea fuddeant zatoli? Goanet-ache vachpi asat tanche poros chodd? Goanet-che sogle vachpi thoim hajir astole? Ani nirnnoy konn ditolo? Purai disachea sommelonak je monis bhaddeache protinidhi haddunk xoktat teach mon'xank don voranche ddibetti khatir bhaddeachi "audience" haddunk kustar poddttolem? Te bhair, atam ddibetticho ho khorch ukhlunk Q80 Hoiba petrodinar gheun dedd payar ubo zala; mhunnttoch TAGchea fundak legun hat launchi goroz na. Ek 'stadium' bhorunk kotthinn poddchem na. Tachi fattbhuim polleyat. Jea ghorant ddibetti vellar aplem mhonn'nnem dhorona tedna virodheacher 'paperweight' xevttun marpachi sonvoy asa, tea ghoracho yezman mhunn nanv zoddlolo monis to. Tacho tir chuktoloch mhunn konn khatri ditolo? Oslea kodden meter zavop mhollear jiv riskar ghalop, oxench zalem ki na? Osle poristhitint tonddi ddibettik raji zaunk hanv toklen suttunk na! Mhunnttoch, ti ddibett hangach korum-ia. Boroun urtoli. Zai tedna likhit puravo divpachi sondi mellttoli; hanvem toxem khoim mhonnlam, oxem sangpak titli xi sondi mellchi na ani toxem mhonnlem zalear konn fott sangta tem vachpeank rokhddench kollttolem. Dekhun ekek vixoy/prosn gheum-ia ani suttavo zai porian tacherich bhasabhas korum-ia, alaite vixoy misoll korinastana. Magiruch dusro vixoy/prosn hatant gheum-ia. Fuddem haddlolea vixoyacher dogainchem sohomot (agreement) zalem zalear, to thoinch soddop ani fuddlea prosnar vochop. Hem tuka man'volem zalear, rokhddech vavrak lagum-ia, Tomazinho bab. Survatek, aiz porian kholayen bhasabhas chol'lea tea vixoyacher tori amchem sohomot zalam zalear polleum-ia. Mhojea kispan, sogle purave kontak dhorun zo nirnnoy aila to oso: (a) DKA 1988 vorsa zolmant aili, 1989nt nhoi; ani (b) ti sthapli Romi Konknnichi sorvoi vottamni udorgot korunk, ani nhoi Romi Konknnivelea oneayancher zhuzpak. Ho nirnnoy tuka man'ya asa? Fokot 'hoi' kai 'na' itlench sang. Magir, hache velean vachpeank kollttolem amche modlea konnak sotachi fikir asa poi tem. Sotachench zoit zatolem. Mog asum. Sebastian Borges On 09 Jun 2010 tomazinho cardozo <tomazinho....@gmail.com> wrote: 09/06/10 BORGES BAB-AK NIMNNO ZABAB Khoinchoch vixoy chorchek haddlea uprant ti chorcha akhrek somponk zai. Eka vixoyacher dogam zannamni kholayen bhasabhas kelea uprant te chorchent konnachem sangnnem sarkem aslem ani konnachem sagnnem sarkem naslem hacher konnem tori nirnnoy diupak zai. Ani oxem ghoddpak osleo chorcha eka-meka somor zaupak zai tantun konnache mud?de sarke asle ani konnache mud?de sarke nasle tacherui nirnnoy zaunpak zai. Ji ?DEBATE? mhoje ani Borges bab-a modhem chol?lea tantun tem ghoddona. Zo poriant tem ghoddona to poriant tech tech mud?de portun yeta ani zonn eklo aplench khorem mhunnonk fattim sorona. Orthacho onorth korun apunnuch jikle mhunn kaim zann pemprem vazoita. Hea khatir Borges bab-ak hanv anik zabab diunchona. Punn amcho Borges bab rokddoch mhunnttolo ki hanv poll kaddunk sodtam mhunn. Tea khatir Borges bab-ak spoxtt sangtam. Romi lipik Devnagori lipi borobor ?Goa Official Language Act?-an ek sarkem sthan mellonk zai ho amcho ?demand? dorun Konknni sombondit anik kosleay vixoyancher tuje koddem uktti ?face to face? ?DEBATE? korpak hanv raji asam. Tuven vhoir kaddleai te proxn mhunttlear Romi lipi vaprunt konn duddu zhoddta, konn pochoita ani konn nagoita, konn dukor posta ani konn mhoxi posta, konn jevta tech boxent thukta, onit zata vo na, Kristi xallam xivai Devnagori lipint Konknni heram iskolamni kiteak xikoina, adi hea soglleam vixoyancher hanv Borges bab-a lagim ?DEBATE? korunk khoinchea vellar raji asam. Daddhos asa zalear Borges bab toyar za! V. Ixtt hea potrar boroun hanvem tench sanglam. He soglle proxnn suttave korunk ?DEBATE? gorjechi. Somzotam Borges bab hi ?DEBATE? korunk raji zatolo mhunn. Fottinchem zoit zaunk ami diunchena mhunnchem diunchena. Tomazinho Cardozo Candolim, Goy. Sebastian Borges
