Ixttamno,
Goirsomoz zauncho nhoi mhunn porthun sangtam; mhaka zannkarponnacho kosloch
odhikar na. Hanv kitem boroitam tem mhojem kirkoll MOT; tumkam pottlem zalear
ghevpachem, na zalear soddpachem ani tatunt chuk asa ti dakhoilear mhojer to
upkar thartolo karonn mhaka xikonk mellttolem. Punn Faustbaban ji pod'dot
vaporlea ti mhaka tori vichitr dista. Eka novea utracho Inglix orth koll'llo
mhunn tem utor vaprunk mellttolem mhunn na; tacho onteasvor (ending), gender,
declension / conjugation koll'llea uprantuch tacho vapor korunk zata ani
tednanch korcho. Na zalear gholl zaum-ieta . Eka Inglix utrak sabar orth
asum-ietat; tantuntlo khoincho tea novea utrak lagta ani khoinche lagonant tem
khobor (got'tu) naslear hanxem korun ghevpachi palli yeum-ieta. ("Ttikett
ektthaim korunk gel'lom" mhonnlolea porim). Hachekhatir ek upay asa;
Mongllurkaranche, oslim utram aspavtole, lekh GULAB vo GOAN REVIEW bi
Goykaranchea masikamni uzvaddaun tea utranche orth (zaum Inglix, zaum
Goyche, zaum donui) konsamni dium-ietat. Avoddle zalear Goykar borovpeank te
vaprunk sompem zatolem. Torui ek oddchonn urtach; kitle-i tras ghetle zalear
kaim utranche uchchar dakhounk zaunchem na. Ani ek dhvoninixtth (phonetic) lipi
vaporlea xivay haka poryay na. Itlem sangun, atam Faustbaban mukhar haddlolea
utrancher mhojem mhonn'nnem.
hOl ['goal' hea Inglix utrakodde rhyme zata] = field, hem utor Kan'nddi bhaxent
asa. Punn tacho vapor Konknnint halinch savn zata zait; karonn thoinchea
koxamni tem mhaka mellonk na. Ghoddie Monglluri Konknnint tem titlem chaltem
nasot. Punn tacho vapor (onteosvor, gender, declension bi) koso kai? Mhaka
got'tu na!
'gad'de': hem utor 'god'de' oxem Kan'nddint melltta. Punn Konknnint 'gado'
(masculine) hem teach orthachem utor asa. Oslench anik ek heach orthachem utor
Goyant (chodd xem nhoi) cholta: gozon [To goznint gela]. Mongllurant hacho
vapor zata kai? Hea utrak omkoch ek 'restricted' orth asa kai? Zanna zal'leamni
hacher uzvadd ghalcho.
'got': hanga Faustbaban don VEGLLEA utrancho sangodd kela. "Mhaka got't(u) na"
= mhaka khobor na. Got'tu (masculine gender) = knowledge, inkling. Hem utor,
mhaka dista, heach orthachea Kan'nddi "gurtu" hea utra velean ailam. Konknni
jiber "rt" hachen "t't", "rn" hachem "n'n" zavpachi sonvoy amkam khobor asach.
Dusrem utor "got" (feminine, with short i ending) = state, condition. Hem-i
utor, heach orthan Mongllurant vapuddttat. Hacher-ui Faustbaban
Mongllurkaranchem mot ghetlear faideachem thartolem. Hanga amchem "groping in
the dark" mhollear odhik ghuspagondoll korunk xokta.
Mhojea suchovnneancher Faustbaban jerul vichear korcho.
Mog asum.
Sebastian Borges
Message: 4
Date: Thu, 10 Jun 2010 20:08:26 +0530
From: Fausto Da Costa <fau...@vsnl.net>
To: goanet@lists.goanet.org
Subject: [Goanet] Amkam khorench husko kai Konknnicho ?
Message-ID: <00bb01cb08aa$96106330$2101a...@comp1>
Content-Type: text/plain; CHARSET=US-ASCII; format=flowed;
reply-type=original
Ixttamno,
Prof. Borges bab, oxem boroita: "Tor hem mhojer kiteak soddop? Hanv konn
mhunn? Konknnicho vidvan? Khoinchea adharar?"
Mhozo sompork asloleam modem hem kam' sogleam poros bore toren korpachi
kopxi Prof. Borges asa hem mhaka, mhozo Konknni mollailo onnbhov sangta ani
dekhunuch hanvem hem kam' tancher sompoitam mhonn boroil'lem. Tannim 'KOK'
hea sobdacher aplem mot dilam tem hanv Eric bab, J B Moraes bab hanche
mukhar manddttam. Title mhunnosor heam utrancher tumchem mot divpak magtam:
hol'la (xet) hem utor Kan'nadd bhaxentlem ani atam Mongllurant Konknnint
vapuddtat, tech porim xetak te 'gad'de' ho-i sobd vapuddtat. Tujem mot...
Anik ek mhollear - Mongllurkar 'mhaka got na' mhonnttat tacho orth mhaka
khobor na, punn ami 'got' ho sobd veglle toren vapuddtat, udharonnak : 'oxi
tachi got zalea'. Hacher matxe uzvadd ghalxi Prof. bab.
Dev borem korum.
Fausto
