SOREAK LAGON
Eka disa nesson janot, Vortoulo to aitaracho dis. Gharantlo bhair sorlom hanv, Aikonk vetolom mhunn mis. Dekhlo eka cheddeak adrar, Zo boson thuimsor mago bhik. Dublo gorib also khoro, Punn hath paem tache asle thik. Vinchar taka kelo hanvem, He bhaxen kiteak boslai tor? Utt hangacho lag chalik, Kosli-i punn tum sirvis kor. Tondd dakhtem korun tane, Roddonk laglo dukamni. Bob martai mhunn sangtam tukam, Aik moji hi dukest kanni. Rautalom hanv gharant mojea, Sangatan asson maim ani pai. Sodanch amger zatalim zogddim, Soro pion etoch pai. Marun makam marun maink, Kori to galliancho xinvor. Na zaun chullin uzo torui, Akhea vaddeant zai-i dhunvor. Duddu na mhunn pionk soro, Viklem soglem maimchem bhangar. Viklem soglem ghorchem samon, Tea bhair marunK ei angar. Kitlo teomp mhunn sonsun ravot, Maim ti moji duent zali. Na zaun duddu voktank tichea, Kotta babddi moron geli. Pai subeij pionk laglo, Dakovnk baile-chem zalam mhunn dukh. Itlem korun dadoxi zaunk na, Vikunk laglo moje book. Iskol soddun boslom ghara, Pott bhorlem hanga thuim bhovon. Ghor pinzeor dovorlem pain, Ghorui gelem pai to moron. Pain amchea akhea gharacho, Soreak lagon vibadd kelo. Ghor na, dar na, jeunk na khaunk, Bikek atam bhonvcho poddlo. Aikon tachi dukest kanni, Dolleani heam dukam bhoro. Kitlim ghoram vibadd korunk, Zaun asa karann to soro. Pion munxea poddo nakaim, Bebdeaponnan hanga thuim. Ghor tujem vibaddi nakaim, Soddun dhi ti soreachi sonvoim. * * * Encounter hints (and more) of the Goan life in Zanzibar, Poona, Mombasa, Basra, Dubai, and even Nuvem and Colva, Sanvordem and colonial Goa. Learn of experiences that shaped Goans worldwide. Selma Carvalho's *Into the Diaspora Wilderness* now available at Broadways Book Centre, Panjim [Ph +91-9822488564] Ask a friend to buy it, before it gets sold out. Price (in Goa only) Rs 295. http://selmacarvalho.squarespace.com/ * * *