AMI SVOTONTR ZALE NANT?
From: livio pereira livio1...@yahoo.co.in To: Lino Dourado libado23...@yahoo.com Hi Lino, Koso asa ixtta? Tujem kam ani sangati koxe asat? Mafi magtam karann don pavtti tuvem msg dhadli punn tuka portunk maka godlem nam karann mojem net sarkem cholo naslem. Goyant borpur pavs podta punn Dev soglem borem tem korta. Ek dukhachi khobor mhunttlear politiks chodd mell ani ghottannichem zait gelam. Lino, amkam ek bai zolmolam 20ver Julaiche ani 15ver Agostache taka povitr snan ditoleanv. Recad tuka sogleamcho ani mog asumdhi. Livio From: lino dourado libado23...@yahoo.com To: livio pereira livio1...@yahoo.co.in Mogall Livio, Porbim! Axirvadd ani novea ballkak hea jogan yevkar. Mhojim porbim tuje ghorkann Maggretak di. Tugeli Konknnileant zap vachun, ekdom tujem oprub dislem. Potta khatir Inglez zalear, ixttagott ani bhavponn rakpak Konknni amchi osmitay.Tumchea ghora fattlean svat asa. Agostache 15ver, bayechea snanachea (baptismachea) disa ek zhadd roi. Por vhaddta-vhaddta tea pormonnem zhadd vhaddtolem. Vichun kaddlolea rajkornni Goychea udorgottichea nanvan ganvantlim, dongor ani ranantlim zhaddam katrun nitoll vatovoronnacho nas kortat. Tujea ballkan, svotontr varear udotelea suknneank pollevnk zai. Dekhun, panchvim zhaddanchi goroz asa. Toklelim sevnnim jivak irloso visoi ghevnk zhaddam axetat. Punn durdovean Goychea zhaddanchem nisontton kortoleank suknnim xirap soddtat astelim. Bharotachem svotontr zalear Agostache15ver, 63 vorsam sortat. 1947 vorsant, Bharot svotontrayechem sukh chaktalem teddnam, Goem Purtugezachea hata khal aslem. Mhonnchem, ami Goykar Portugaleche gulamxayechem pirnjreant asle. Salazarachea hukumxayechea hatantle amchem Goem, 49 vorsam adim meklleponn favlem, ani Bharotachi svotontray ami Goykaramni, Dezembr 1961 vorsa, Bharot svotontr zatoch 49 vorsam uprant chakli. Kosli svotontray? Bharot ek raxtr zalem tem? Korench ami svotontr zaleat? Zalear, dhormanchea nanvan zhogddim, vichitr kotte somzonicher adarloleo kornneo, unchlea zati-khatincher veglozar, ajun tech mar, chamar unneponnache nodren pollevop, broxttochar rajneeti, bhuk, durbollkay, bekarponn hem sogllem svotontr Bharotan cholta kiteak? Ani suttkechem Goem? Portugeza koddlean suttka ditole dhongi suttke zuzari atam khoim nidhleat? Goychi suttka korun saman'nya Goykarank lab mell'la vo on-Goykarank Goyant haddun ek jivem infern korun soddlam? Vichun kaddlole rajkornni, Goy, bhailea bilderank vikun nazuk soimbik adlem bangarachem Goem atam zhaddam-rukh ani ekdom nitoll vattovoronn nasun nagdde zalam, ani amche suttke zuzari tea tempavelem chorio, kirmi vo kunn, bolatkar, dhorm kijilam, akantvadd naslolem uskea mekllem Goychem jivit natak zalam tem, portean haddpak konn zababdari gheta? Adim konnem aikololem dengue, malaria, H1N1 virus vo swine flu, chikungunya, AIDS osleo marekar pidda? Heo koxeo ani konnachea guneavan, xanttin aslolea Goyant pavtti zaleo? Hanv mhonnonk sodina Purtugez sorkar boro aslo, punn, ekuch sangonk sodtam Purtugez kaide mat nit divpi asle. Zalear, itlem noxtt ani broxttochar ugtemponnim cholta tem amchea suttke zuzareank disona kai? Anekdam zage zaun choltolea broxttoracher suttkechem ani svotontrachem chabuk marlear koxem? Liviobab, mhaka dista hanv chodd uloilom. Mhojea von, Goychem politikachem tuka bhes borem somzotolem. Upkar korun sokoil aslolea chitrar nodor mar. Suknnim varear thokllim mhonntoch visov ghevnk zhaddancher bostat. Punn Goychem dongurle ani rannam khapun zhanddamcho nas kela. Suke lakddar(?) bosunk, suknnim zhogddunk lagleant tem sokoilem chitr spoxt sangta. Oslem jivit fuddarak Goyche dotorovelea Goykaranchem zait mhunn bhirant asa. Goyant 16 lak loksonkea (population)ani tatuntle fokot 6 lak Goykar. Suttka gavlea ti konnank? Dekhun hanvem vhoir sanglem toxem. Tumchea mogall dhuvechea snan disa ek zhadd roi. Taka khorem svotontr mellunk, tannem zhaddachea mullant zhaddachea savllen khellchem asa. Mog ani rekad tujea sogott ghorcheank. Tumcho Lino B. Dourado http://groups.yahoo.com/group/gulf-goans/message/30969