0000000000000000000000000000000000000000000000000000000000000
----- Forwarded Message ----
---------- Forwarded message ----------
From: YUSUF A. SHEIKH <yusuf...@gmail.com>
Date: Mon, Aug 30, 2010 at 8:46 AM
Subject: World Goa Day Celebration in Vasco Konkani write up
To: konkonnd...@gmail.com, rene barreto <goan...@yahoo.co.uk>
World Goa Day Celebration at Vasco by Ashok R. Chodankar,
Editor Konkonn Divo.
SONVSARANTLEA SOMEST GOEMKARANK EKJUTT KORPI
Agost-ache 20 taker sonvsar bhor “World Goa Day’ mhunche “Jagotik Goem Dis”
monoilo. Akh’khya sonvsarant Goemkarancheo sumar 60 sonvstha asat ani tanchem
“alliance” mhunnje sogle songhottit zavn ho dis vhodda umedin monoitat. Hi
sonkolpona manddpi ani he karyavollicho sutradhar zavn asa Goemcho put Bab Rene
Barreto. Tachea sfurten aiz sonvsarant Goemkarank ekzutt korpi sabar sonvstha
goddun aileat. Vasco xarant adle Upa-sobhapoti Xri Simon D’Souza hanchea
yezmanponna khala ho dis sazro korun sonvsarbhor lokak tenko dilo. Xri D’Souzan
Rene-babachi tachea vavrak lagun tokhnnai keli ani sanglem ki Goemkaranim aplim
pallam mullam kednanch visrunk zaina. Konknni bhas amchea sonvskrutik
jivatachem
mhotvachem ang zavn asa ani he bhaxechea palvan ami sonvskrutik karyavolli
ghoddovn haddcheli goroz asa. Oxem kelear Goemkaranche otmik sombondh ghott
zatle ani amkam sonvsarant man mevtolem oxem Simon-baban hea vellar uloita
astona sanglem. “Aiz Konknni bhaxek manyatai mellil’lo dis ani tea bhair aiz
“Sadhbhavna Din” hem soglem apxinch ghoddun ailam” oxem sangun Konknni bhaxek
sonvidhanache 8ve vollerint ghalpak sorgest Rajiv Gandhi hannem zo adhar dilo
tacho Simon-baban ugddas korun dilo.
He karyavollik Goemcho navazte kovi Yusuf A. Sheikh he mukhel soire zavn asle.
Rene baban dolleant bhorpa sarkhem kam korun dakhoilam ani te Goemkaranchea
opurbaiek part thartat oxem tannim sanglem. He computer yugant Rene Barreto ek
“World leader”, mhunnje Sonvsarik pattllicher Goemkarancho fuddari koso sthapit
zala mhunn Yusuf-baban tankam porbim bhettoilim. Amchi osmitai rakhtole zalear
Konknni bhaxechi sath soddpak zaina kityak tor tatunt amcho otmik ekchar
ghoddun
yeta oxe vichar tannim manddle. Yusuf-baban fuddem sanglem ki Goemchea
osmitaiyechi rakhonn korpeank Goemchea serkaran adhar divpak zai. Naka zal’le
prokolp (projects) ubhe zaleat ani te niz Goemkarank badleat. Aiz Goemcho lok
khuxal disona. Oxem ghoddot ravlear Goeam bhair ravpi Goemkarank chinta zatli
ani te hangasor udorgotichea vavrant duddu ghalpak (‘investment’ korpak)
bhietle
ani amche sangata eksongh zavche nant. Goemchea lokak khux dovorpachea
vavracher
serkaran odhik lokx divche oxi serka lagim apunn vinovnni kortam oxem
Yusufbaban
sanglem.
“Senior Citizens’ Forum”-che sorchittnis Xri Anil R. Chodankar, karyavollik
manache soire mhunn hajir asle. Goemkarank aple osmitaiyechi kallji aspak zai
ani obhimanachem jivit jogpak ti sambhallun dovrop bhou gorjechem oxem tannim
hea vellar uloitana sanglem. Adle Murgaon-che nagor sevok Xri John Rodrigues
hei
he karyavollik manache soire zavn hajir asle. Goemkaranchea khuxalkaye voxim
chintop ani tanchea udorgotichea vavrak tenko divop hem amchem kortoyo zavn asa
oxe porim vichar manddle.
Xri Linton Barreto, Mormugao Communidade-che od’dhyokx, je karyavolliche
nimontrok zavn asle, tannim “Proud to be Goan” hem CD velem git sador kelem.
Hem git Spain-ant sthayik zal’le bab Lulu Fortes hannim borovn songitacher
bosoilam. He gitak Emiliano D’Cruz hanchea palvan Goemchea songitachi sath
mevlea.
Xevttak Konkan Kala Vistar Kendrache od’dhyokx Xri Clerencio Furtado, je he
karyavolliche zodd nimontrok zavn asle, tannim sogleanche upkar atthoile.
00000000000000000000000000000000000000000000000000000000000000000000
* * * * * * * * * * * * * * * * * * * * * * * * * * * * * * *
Now available in Toronto, a few copies of *Into The Diaspora Wilderness* by
Selma Carvalho. Contact Bosco D'Mello
bo...@goanet.org (416) 803-7264
http://selmacarvalho.squarespace.com/
