---------------------------------------------------------------------------
**** http://www.GOANET.org ****
---------------------------------------------------------------------------
NEW BOOK: 'PATRIOTISM IN ACTION: Goans in Indias Defence Services'
With Foreword by Gen SF Rodrigues, PVSM, VSM, ADC (retd)
former Chief of Indian Army Staff
and Governor, Punjab & Administrator, Chandigarh UT
For copies of this book see footer of this message
---------------------------------------------------------------------------
NOVEM VORS, NOVEM AVHAN
*Dr.Ivo da Conceição Souza
Adlem vors gelem, Novem Vors aylem. Az amim don vichar amchya monant haddche:
poile svater, amchya jivitant kitem unnem zalam? Kitem borem amim kelam? Hem
novem vors yeta, tem Devachem dennem. Koxem hanvem tem sarchem? Dusre svater,
amchya Bharatant khorelo vikas zala zayt? Ozunii amchya desant gulam'giri
vosta vo na? Amchya Goyant eka panzreantlim bhayr soron, amim dusrya
panzryant poddunk na mu? Dubhavaviret, iontrik-tontrik mollar khup progoti
zalya: novim yontram, songhodon (kom'puter), durbhas (telefon), somporksadhnam,
"cyber age". Ponn tyach borobor amchyan mhonnum yeta: Bharatant durbollkay khup
komi zayt gelya? Durboll amchya desant kitle asat gay? Jevonn naxil'le kitle
amchya rostyancher loll'tat gay? Kochryachea dobyamni poddlolem jevonn kitle
sodhunk vetat zayt?
Bharatachem Chitr: Khorench mhollyar durbollkay vhodd promanant asa (40
tok'ke). Amchya Bharatacher ani mannkulya Goym-desacher kallim kupam
poddlyant. Somajik, noytik, rajki mollar--krimi-chorio, khun, bholatkar,
broxttachar, onit, maramari, goondagiri, dadagiri. On-Goenkar ispabhayr
bhorleat, Goyenkar nopoyt zayt vetat--mortat, porkya desamni vetat, aplim
ghoram viktat, thoddim bhurgim zolma yetat. Goynchi osmitai sompon veta... Hyo
khol-khol bhasabhas korpacheo gozali!
Ozunii puri svotontray amkam mellunk na... Durbollkay, bekari, bhikxa,
mullavya mon'xall hok'kancher akromon chalu asach! Nit-promannikponn nattak
kelya. Bholatkar vaddlyat. Don payanche undir (chor) choddlyat. Rajki mollar
sogllench girgirem, chorancho khell. Montryam modinch osle chor sampoddlyat.
Bharati/Goynche projek hi loz. Lokxayeche vaddre-thirpatte amim kelyat...
Ontoskorn naxil'le monis unch choddlyat ani amkam pillnnuk ditat. Tankam ami
motam ditat, tankam ami nivddun haddtat. Makddam bhaxen vhoyrthaun apli xempddi
dakhoytat! Ami Goenkar, amchyach Goyam porki...
Goyam Kitem Cholta Zayt? Broxttachar choddla, projechi koslich porva na,
dekhun xharamni ani ganv-ganvamni ghoram kosley toren bandtat. Koslich
manddavoll na. Nitollsann na, veta thoynsor zhompddyo-koyr-mhell. Kim'sam ani
chyar payanchey undir bhorlyat. Pidda-rog nopoyt zaunche boldek vaddot-choddot
veta. Rogtzontu (viruses) vaddot vetat, vokhdam lagonant. Sorkar koddok upay
gheunche boldek beporva korit asa. Amchi bizli apa-lipa khellta. Amche fon
(durbhas) amkam fosoytat. Disbhor, "Sogllyo layni kamant buddlyat", osli
sontam-bhogtanchi ladin aykunk yeta, "hullo-bolo" mhollyar konnoch zap dina...
he ladini khatir amkam poyxe farik korunk poddtat. Oslem khoinchyach desant
cholona. Xi, baba, loz bextti! Oxem axil'lyan, amche modim udorgot koxi asteli?
Pon'nas vorsam uprant ozuniy amkam udok, bizli, roste, nitollsann kheddya
ganvamni mellunk na.
Zor tor ekvisvya xenkddyant ami asat, torii ozuniy amchem jivit tharyar
poddunk na. Eke vatten lojechi durbollkay, dusre vatten ontrall-tarvancher ani
bondukancher itlo poyso...
Kristanvanchem Karya: Kosli govayki amim diunchi?
Jezu ek pavtt zolmak aylo ani itlo porinnam' ak'kya sonvsaravoyr kelo. Ponn
Jezu dusrim amchya kallzamni, amchya ghorabyamni, amchya somazant zolmunk zay.
Dhormbhed ani zatkatbhed poysavun, soglim ektthaym ravun udorgotikhatir
vaurunk zay. Hya somoyar, amim amchem mon uzvaddaunk zay, amchyach
ontoskornachi topasnni korunk zay, amcho apsvarth poys korunk zay. Provadi
koxim amcho tallo ubarunk zay, ponn hem eksurponnan ghoddona, sogllim ektthaym
ravon amim nitikhatir vaurunk zay. Hya vellar, ami Bharati, zaum Hindu, Kristi,
Musulman, Sikh vo odharmi, niti khatir ani mon'xall hok'kam khatir zhuzunk
zay. Zatkat, dhormbhed poisavunk, sogllim ektthaym ravum-ya.
Mog asum di!
Pri.Ivo
---------------------------------------------------------------------------
NEW BOOK: 'PATRIOTISM IN ACTION: Goans in Indias Defence Services'
Copies now available at:
GOA: Literati (2277740), Other India (2263306), Broadway (6647038),
Mandovi (2427904), Noel DSilva & Associates (9823120454 / 9096781714),
Confidant / Golden Heart Emp (2732450), David & Co (2730326),
Vardaan (9527463684) SERV / RETD Def Offrs in Goa: O/o Sainik Co-op Hse
Bldg Sty, Def Col, Porvorim (2417288)
MUMBAI: David & Co (22019010)
PUNE: Manneys (26131683), Popular (25678327)
BENGALURU: Narayan (22865800)
DELHI: Ritana (24617278)
ONLINE (worldwide delivery): http://www.ritanabooks.com,
http://goa1556.goa-india.org
---------------------------------------------------------------------------
