MHOJEM SVOPON (2) Rajki Girgirem:
Hya disamni rajki khobro aykun svopnam poddlim: Koslo goddbodd amchya Goeyant bhitor sorla? Pon'nasvya vorsa amchi svotontray ozunii puray zaunk na? Ami amchyach payeancher ubhim ravunk xikunk na!
Yeke vatten, montri duddu komaytat, gungi vokhdam vikhunk adar ditat, dusre vatten pulismama gungi vokhdam gheun Goyeam bhayr poryant pavtat.
Goyencho vikas khoym pavla? Itle mhoyne thoddinch nanvam aykunk yetat. Goyenche projechi seva na! Serkari khattyamni broxttachar motthya promannan cholta!
Konnoch sampoddna: pulismama, montri, gungi-vokhdam-vikhpi, "serial-killer", bondkhonnint konnyeklyak jivexim marlyat te pulis. Vhodd humannem, vichitr humannem! Dezembrache 19ver, 1961 vorsa, amkam suttka mellya, ti khoym pavlya?
Anyek svopon poddlem tem hem: "SAGRES" mon'var aylam (Novembrache 12 tem 16 poryant, 2010 vorsa), ten'na thoddyamni bohiskar kelo, ponn khup zonnamni tya 150 tornnya portugez som'dir-mhavirank yevkar dilo! Tancho koslo gunyanv aslo? Tanni ani tanchya purvozamni kaynch borem korunk na? Suttke-zuzharyamni kitem borem kelam? Amkam suttka dilya? Ponn surokxa diunk na, atam roddtat kityak? Ithiyas tanni xikcho! Kitem borem aylam, kitem vaytt aylam, tacher lokx dovorchem!
Tanchem aykun mhaka dukh bhogli: eklo suttkezuzhari, zo tankam yevkar diunk sodinaslo, uprant tanche borabor jevunk-piyevunk fudde sorlo! Tankam khup chuki amche modim mell'lyot: yeradari xist nastona cholta, gayo ani padde xharamnim ghustat, sunnim-mazram rostyancher firtat!... Obsuyog matr odik motthya promannan zaynant!... Ho vhodd chomotkar! Konn amkam nivartolo?
Janerache 16ver, 1967 vorsa, amchem mannkulem Goym Mharaxttrant vilin zavpachem suttlem! Xabas Goyenkarank ani sorv fuddaryank, je koxtt kaddun hem zoyt fuddem vhelam! Dr.Jack de Sequeira (Abrilache 20ver , 1915-Outubrache 17ver, 1989)-cho puttlo Kongotte (2007 vorsa), Dona Paula, ani Ponnje (adlya Vidhan Sobheghorant, Dr.Willie De Souza Mukhel Montri aslo ten'na) pavlo, to odik vistarcho! Taka "Father of the Opinion Poll", hem nanv poddlem. Poylech khepim hanvem mhojem mot Goyenchye suttke khatir dilam! Goym buddon vetelem aslem, tem Bharatachya nokaxyant Mharaxttrachya pottant rigtelem aslem! Suttkezhuzari varyar urtele aslet! Firngi Goyeam aylyat, dekhun Goyenchi osmitay amam Goyenkarank mell'li! Hi osmitay vegvegllya ronganchi! Ti amim samballum-ya! Itlyan mhojem svopon somplem!
Mog asum di! Fr.Ivo