Goykaranchea mogan Vavraddeancho Ixtt 78 vorsam Konknniche Sevent
Konknnichea moga pasot amchea Vavraddeancho Ixtt hea satolleachi zababdari gheun mhozo Konknnicho mog chodd vaddot asa. Konknni utram, toxich utranchi pod'dot amkam nove toren disunk laglea. Poilim dor vorsa umed ani urbha Konknni pasot asli ti tisrea vorsa hanv Konknnichea mogan poddtam mhonn amcho onnbhov dakhoita.
Vachpeanchi umed, boroupeanche vichar, jahirati ditoleachem udarponn, Borea monachea mon'xancheo suchovnneo, Gُychea dhormprantantlea padrincho sohokar ani Pilarche sonvsthecho halounk zaina toslo tenko, haka lagun Varvraddeancho Ixtt fuddem panvlam ubharit veta. Dor ek monis koslea-i tori borea vavrak khandd martoch, taka dukhi-khontink fuddo korcho poddta. Zaite pavtti aplea vavracho porinnam aple yevzonne promannem mellona zait punn sadea mon'xachea boreponnak lagun tori Gُychi osmitay porzollta.
Aiz Gُychea vattavoronant, oslea sadea mon'xachi goroz asa. Konn zait to sado monis? Sado monis aplem xikxonn gheun, kola vorvim ani aplea dhorma vorvim apli osmitay rakhta ani ti novsorta. Xikxonn, kola, dhorm ani dhondo fokot aplench polleunk lagta, tea vellar Gُychi osmitay bigddunk pavta. Aiz oslea vattavoronnak fuddo korunk amche mukhar ek avhan ubem asa.
Punn azun-ui zaiteo boreo vostu Gُyant asat. Teo samballunk ani teo samballtana amchea dolleam mukhar mortoli Gُychi osmitay yetoli. Heach pasot amche proytn chalu astole mhonn mhaka khatri asa. Vavraddeacho Ixtt dor Gُykarachem satollem. Tache vorvim Pilarchi Sonvstha Gُykaranchi seva korta. Hem Satollem Inglish korunk amcher zaito dobhav poddta punn Gُychea ani odik korun Konknnichea mogak lagun ami tem 78 vorsam poriant Konknnintlean chalu dovorlam. Kherit toren Konknni ulounk, vachunk ani borounk odik proytn korunk goroz asa. Khuxalkayechi khobor mhonnlear Vavraddeancho Ixtt satollem – kheritponnim aichea vachpeank lagun chalu dovrunk amkam umed ani hurba mellta, Hea satolleak nove vachpi ani nove borovpi utpon'n zatole mhonn axa ballgun amchim panvlam fuddem martanv.
Zaite pavtti amkam oso ek proxn yeta. Vavraddeancho Ixtt konn vachta? Punn amchea onnbhova pormannem, ami chitunk na toslo lok pasun tem vachta. Thoddo lok fokot Varvraddeancho Ixtt vachta. Onek tokhnayechi vost mhonnlear Vavraddeancho Ixtt vachunk suru korta tankam sompeponnim vachpachem bond korina.
Konknni Uloi, Konknni Vach ani Konknni Boroy hantunuch amchem karya sompona. Punn dusreank Konknni ulounk, vachunk ani borounk urba haddunk ani bori dekh zaunk amchem avhan asa. Ani mhaka khatri asa ki ami hantun yesvont zatoleanv. Gُychi osmitay asa toxich nhoi punn novsorun jivi urtoli. Hi Gُyche osmitayen novsornni haddunk amchem karya.
http://www.v-ixtt.com/client/ogrlekh.asp
