MoI boball kednam somptolo? Ogrlekh mon lavun vachlo. Khorem mhonnlear je Montribab thoddem xikleat te MoI fattlean dhanvun, khup huxar tharleat. Pise te xiklole motdar. Gõy lutt'telea chorank motdaramni portun-portun nivddun haddtat, xikun-ui te nennar mhunn dakhoitat. Xikunk nasloleanchem sodduch, punn xikop asunui somzonant toslea Gõykarank somzupak khub vell lagtolo; tea mhonnosor Gõy kobar zatolem hacho dubhavuch na. Mukhel Montri Digambar B.Sc podvi ghevn thodde oxikxit Montreak ghevn tankam khoinsor zotak lanvchem tem, to bhes borem zannam. Na tor xikxonn montreacho zago to xiklolea montreak ditolo aslo. Punn tannem toxem korunkna. Fattlea mhoyneamni MoI proxn yeunche adim khup montreanchim patkam sobhemazar disunk laglim tednam tannem MoI proxn ubo kelo ani Gõy padd kel'leank ani kortoleank tancheo kornneo thoinch visrun amcho lok MoI kizilak pettlo. Mhonntoch, Inglish zay mhonn boball kela to montri fuddlea eleisanvank tokli voir kaddun ravla. MoI boball kednam somptolo oso tumi vichar manddla to fokot atanche montrimondollak nikllailea uprant zagear yetolo. Oxem mhaka dista. LINO DOURADO,UTODD'DEKAR
