Amchya Joebabachi konneim kitli-i kovtuk keli zalyar ti lhanuch astoli karonn zo to vavr korta to khoryamnich kitlo vhodd tem sangpak mhoje lagim utram nant. Aplo fottu to konnakui dakhovnk sodhinam nam mhonnllyar taka koslich publicity naka vhelyan to aplo vell ghalun amkam veg-vegllyo khobro dhaddtta. Tache Goyche fottu pollovn amchem mon xant zata. Goykarank xit-koddechi ruch mhonnttoch to aple duddu moddun Goychya veg-vegllya khanavollicher jevonn gheta ani tache fottu kaddtta ani tech borobor Goyam bhair aslolyanche jiber lall haddta. Anik konnui potrkar zalolo zalyar khoinchyai hottelant vochun fukott jevtolo aslo ani sangtolo aslo apunn tumchya hottelachi jahirat kortam punn Joe Bab oslem kainch chintinam. Konknnichya mogak lagon tannim CD, VCD, DVD-i vikttyo ghevn ghorant ras ghatlya ani tyo pollovpak taka babddyak vell nam, oxem to khud aplya borovpant sangta. Atam hya mahan monxak amim kitem mhonnpacho? Sodhyak itlench boroitam vell mell'llo zalyar ek dis porxim Goyant vochon Joe Babak soddun kaddun tachi mulakhot jerul ghetolom. Joe Bab tum Goyam bhair ravtolya Goykarancho dhir-adhar, tumcho ho vavr osoch chalu dovrunk tuka Dhonia Bapa lagchyan bori bholaiki magtam. Anik ek pavtt chodd Dev borem korum! -Aurelio Viegas
