---------------------------------------------------------------------------
**** http://www.GOANET.org ****
---------------------------------------------------------------------------
Protect Goa's natural beauty
Support Goa's first Tiger Reserve
Sign the petition at: http://www.goanet.org/petition/petition.php
---------------------------------------------------------------------------
Goribachea nanvan politics
Bharotant kitlo gorib lok asa tancho odmas azun sorkarak mellunk na
mhonn disun ailam. Zaitim vorsam adim sorkar Bharotant fokot 28 ttok'ke
gorib lok asa mhunn somzotalo. Punn 2009 vorsachea Novembrant, sorkari
somitin Bharotant 41 ttok'ke gorib lok asa mhunn dakhoun dilem. Tori
astana, Bharotant hache poros chodd gorib lok asa mhunn zaiteo NGO
songhottnnam khatri ditat.
Halinchea disamni onek chorcha cholta. Zo konn disak xarant 32 rupia ani
ganvant 26 rupia zoddun khorchita to-i goribantlo gorib mhunn sorkaran
kollovnni kelea. Zo konn disak xarant 32 rupia ani ganvant 26 rupia
khorch korta toch Below Poverty Line ( BPL) hantunt poddta mhunn nond
zata. Itleach poixamni jiyeunk zainam dekhun BPL-achi porot topasnni
korchi mhunntat.
Punn oxem sorkaran goribam sovem onit kiteak kelam to proxn amchea
monant yeta. Zori BPL lok unno aslo zalear, sorkari yevzonneo fokot
thoddeach lokak diuncheo poddtoleo. Dusrea toren sorkar goribank khorch
korta to unno zatolo ani sorkarak marghay unni korunk zatolem oxem
dista. Anik ek karonn mhonnlear, atancho sorkar apunn razvott choloitana
gorib lok Bharotant unno zalo mhunn porgottunk sodta. Ho-i proxn amchea
monant asa.
Amkam sozmona tem mhonnlear goribanchea nanvan politics kiteak chalu
kortanv. Kongres sorkarak venchnnuke adim goribank dukhoilolim naka.
Tori astana, BPL fokot 32 vo 26 rupia dovorpak, ho koslo khell?
Bharotachem ak'khem lokx bhroxttachar nopoit korpacher aslem, Jan Lokpal
ani Lokayukta him Billam pas korun, bhroxttacharak na korunk Bharoti
nagrik anvddetalo; ponn hem sogllem portench zata-xem dista. Bharotacho
nagrik goribam khatir zhuzunk ubo zala. Gorib toxench Bharotachea
promannik nagrikachem kalliz odik gorib loka sovem oddonk laglam.
Konn gorib ani kitlo gorib hem sodun kaddunk titlem sompem nhoi zait.
Punn choddan chodd gorib xarant 32 rupia ani ganvant 26 rupiamni jiyeunk
kotthin. Goribam sovem sodanch onit zata. Ani BPL oxe toren tharailem
zalear tacher anik onit vaddtoli. Gorib tim sodanch gorib, sorkar diunk
yeujita teô sovloteô tankam azun pavonant. Bhovxik Vanttnnechi Pod'dot
(Public distribution system ) poili nittayer haddun, sorkara ani goribam
modem jem 'gap' asa tem nopoit korunk ek vhodd avhan.
Igorz sodanch goribam vatten asa mhunn porgott'tat. Punn BPL itlem unnem
sorkar tharaita mhunnpacho Bharotantle igorjecho tallo aikunk gorib ravtat.
http://www.v-ixtt.com/client/ogrlekh.asp
