Churchill Alemao Kutt’tale pot-vechnnuk loddoytolo? BJP-che Porioton Montri ani Kuttalache amdar Mathany Saldanha ochkit sonvsarantle ghel’lean Kutt’tallachi zagall rikami zal’li. Venchnnuk Yoigan, pot-vechnnuk don Junank dovorlea. Goyantle sogllea raxttri pokxam modim aplo umedvar nivoddpak hal-chali zuru zatat. Sorgest Mathany Saldanha-chi potinn Alina BJP apli umedvar mhunn polleta. Tika vechnnuk poilim Montri Mondolant ghevunk xoktta. Kongresacho umedvar ajun final zaina. Pokxa mukkar don-tin nanvam asat oxem Kongresi Odheokx Subash Sirodkaran mahiti dilea. Ramakant Borkar UGDP-cha tiketticher ubo ravtolo. Goa Vikas Party hea vechnnukant aplo umedvar ghalteli ani chodd korun Nelly Rodrigues hika tikett ditle, oxem suttram koddlean somzata. Mottvachem mhonttlear Churchill Alemao Kongresintlo bhair sorun Kutt’tale vechnnuk lodunk sodta, oxem khaxea gopantlean gomun ailam. Jeddnam hea vixim vicharlear ten’na tannem sanglem, khub lokamni apleak Kutt’taleacha vechnnuki lodunk vinontti kelea. Apnnem tacher ajun vichar korunk nam. Soglle zann mhonntat apleak ani aplea familik lagun Kongres Goyam vechnnuk harli, zalear; hanv Kongresintlo bhair sortolom. Goa-world.com Khobram mezavelean
