Tumchea Upkaran Astana… “Tujea borpavollik vachpeam koddlean vakhan’nni favta ten’na tuji liknni yexvosxit zali mhunn somzuchem”,'Karmelin' pustokak Sahitya Akademi Puroskar favo zal’le ani mhoje ganv bhav Shri Damodar Mauzo (apurbayen ami ganvkar, taka, ‘bhahi’ mhonntat) hea vhodd lekhokan, tachea ghorant amchem khasgi bhettop zal’lem ten’na, utt’tejon ditole sobd tannem ucharlole te ajun meren mhoji Konknni liknni jivi dovorta. Iskolachea humbrear lhan savn borovpam korpacho mhozo ek chondd (hobby). Ten’nache Konknni sompadpi sorgest Pa. Lactancio Almeida, (V. Ixtt), sorgest Felicio Cardozo, (Sot) ani sorgest Evagrio Jorge (Uzvadd) hachea koddlean mhojea borpavollik prositat melltali. Pa. Almeidan, Pilarchea V. Ixtt offisan taka porxim mellpak, topalaleant ek chitt pattoiloli. Poilech pavtt mhojea avoychea hatak dorun Pilarcho dongurlo choddlolom tachi yad ajun mhaka asa. Ten'nanche kaim tornatte borovpeank Felicio Cardozo baban Romi Konknni borovpachem margdoxonn dilolem, tenvuim hanv visronk nam. Gõychim mavle thollam (web-sites) chalu zatoch sonvsarbhor ximpoddlolea Gõykarank Internet-a velean Konknni bhaxeanlean mhoji borpavoll pavti zaunk lagli. Survatek kovita uprant sabar vixeiyancher attaplole lekh, mottvi kotha ani atam dor Aitarak chukoinastana Aitaracheo Katkutleo hi sankoll chalu keli. Mhojea borea deknnar ani vachpeam koddlean upott tust mhaka favo zata. Tanchim nanvam divnk ghelear aicho dis pavchona. Tanche ani tumche upkar attoitam title thodde zait. Khub ixtt ani mitr (fans) hanvem zhoddun ghetle. Kaim sonsthani mhojem bhouman kelem. Tancho soglleancho hanv abari, hem mhojea kallza mere thavn sangtana thoddea mhojea ixttamni mhojea borovpachea bhandarachi vegllech toren turturi gaili. Aiz tumchea somor mhojea eka vachpean 2004 vorsan tachea kovite velean mhojem bhouman kelam tem vachunk ditana, tumcho molladik vell mhojea borovpa fatlean ditolean, tumkam dhinvastam. From: "ACC GENERAL - CYPRIANO" <cyprian...@alrabie.com> Add to Address Book To: goa...@goanet.org Subject: [Goanet]KHUXEALBHORIT ZOLMACHO DIS - ek kovita Date: Wed, 22 Sep 2004 16:13:20 +0300 Mogall Lino bab, Aiz 23 September tuzo zolmancho dis anink hea nimitan aum aiz sondhi ghetam ho mozo vers ghoddunk anink hea versantlean tuka aunddeonk mojea navan toxench soglea amchea Goanetters hanchea navan ek "KHUXEALBHORIT ZOLMANCHO DIS" . On behalf of me and all Goanetters I wish you Lino a very Happy Birthday and many happy returns of the day. KHUXEALBHORIT ZOLMANCHO DIS Lino dis tuzo aiz zolmancho Indiek Goeam Utorda gaum ho tumcho Neketr tum Konknichem, divo uzvaddacho Ossoch sodanch porzollot to raumcho Buroun 'aitaracheo kaskuleo' Goanettar khoxi korta jiu sogleancho Devan tuka sabar denneanim bhorcho Okondd tum khambo Konkni bhaxecho Urunk sodanch mozbut hoch hetu amcho Rakonn korta dekun amche Roman Konkni lipicho Aiz Goanettar vomptam ho kirkoll jhelo fulancho Dinvaxi kalzan bhoman korun tujea vauracho Oxinch buroupam dhiunk khup khup vorsam Devan tuka dovorcho Warm regards, Cypriano Fernandes(Riyadh, K.S.A.)
