SON’VARACHIM SUNGTTAM: XEM’BOR RUPIANCHO TIATR! - III - Jose Salvador Fernandes “…… …… …….” “Amge saxttikaram tiatram kaim somzonam.” Poilo. “Kitea mhunnta tum?” Dusro “Choylonam tunvem? Saxttikar yeylole tiatr choytai te?” Poilo. “Yeylole tiatr choylear kit’ zalem?” Dusro. “Tum-ui tintuntulo kit’ re?” Poilo. “Kiteantulo?” Dusro. “Tiatr choupiank kaim somznam tintuntulo?” Poilo. “Tiatr choupa anik kit’ somzom’ zayem?” Dusro. “Huncho tiatr hunch’ panvddear urta to tem tori tiatr chovpiak somzom zayem nu?” Poilo. “Somznastonam lok ho ani to tiatr bextto bor’ asa mhunnt’ mhunn disot’ tuka?” Dusro. “Saxttikaram ho ani to tiatr mhonn asa? Yeylolo tiatr te bor’ mhonntai. Kitea mhonn somznam mhaka.” Poilo. “As’dia, tiatr te tiatr. Loka bor’ lagole mhunntori zale.” Dusro. “Keslo-i tiatr dakoylear lok mandun ghet’ mhonn loka kitem-i dakovop mure?” Poilo. “Lok apnna tiatr choupa zaye mhonn khuxien yetai. Choylonam tunvem? Tiatra tikett xem’bor rupia zal’ tej’ dekun loka porva nam.” Dusro. “Dekunu mhonntam nhu hanvu…. amge saxttikarank tiatram kaim somzonam mhonnu?” Poilo. “Sarkem foddn sang mure.” Dusro. “Choy… aj tiatramni ami ‘story’ choytai teo, tum mhak’ sangu… fattlim kitu vors’ pasun choylea-i?” Poilo. “Zaitim vors’ zalim, choddxea tiatram ‘story’ teoch-teoch, teoch-teoch astai…. Oi… oi… tum sangot’ tem sarkem.” Dusro. “Ant’ (atam) kollem tuka? Itu ogot tuk’ hanv tench sangpa sodtalom!” Poilo. “Kit’ tem? Amge saxttikarank tiatramni tench-tench choyn mat punn ugmonn yeynam kai mhonnu?” Dusro. “Oi!” Poilo. “Magir tiatr boroytai te tench-tench dakoytai zalear, saxttikaramni ten-tench choich’ poddl’ nu re? Hintu loka keso guneanvu?” Dusro. “Saxttikaram tiatra gozali te bhaxen somznaim mhonn tum temch’ guneanv korpa sodnam!” Poilo. “Tum portun-portun saxttikaram tiatram somznam, tiatram somznam mhunnt’ to, saxttikaram somznam zalear ani konna bor’ somzot tori?” Dusro. “Ponnje zatai tea tiatram oitai tea lokak tiatram bor’ somzota!” Poilo. “Kitea mhunnt’ tum?” Dusro. “Ting’ tiatram oita tea lokak ek patt konn-ui tiatr borovpiage tiatr bor’ nam mhunn koll’ zaleari, to magir fuddl’ pavtt tennem neyelo kitlo-i bor’ tiatr haddl’ mhunn osnam-i!” Poilo. “Choy. Ponnj’ tiatram zat’ tea lokage mon kit’ tem, tum mhunnta texem vo ani kit’ tem amkam sarkem ‘hobor nam. Punn tum uloyta tejer muge mon matxe dusre bhaxen asa.” Dusro. “Sang tum, aikotam.” Poilo. “Choy, lok mouje ‘hatir tiatra oita. Temkam zayem tiatr choyn ‘time pass’ korpak. Sark’ mure?” Dusro. “Sang tum fuddem…” Poilo. “Mhunntri, tiatrist kit’ dakoytai tem choyn to lok ‘time pass’ korta. Tintu loka kit’ guneanv asa, tich ‘story’ port’-portun dakoyli ani neye dakoyl’ mhunnu?” Dusro. “ Loka nu zalear magir konna guneanv tori?” Poilo. “Tiatristancho!” Dusro. “Kitem? Tiatristancho? Kit’ kornu?” Poilo. “Are baba, tiatr boroytai temi dor patti neye tiatr ghen yetai tedonam, neye-neye kitem-i dakoupa nak’ aslolem?” Dusro. “Oi!” Poilo. “Magir temko neye kainch dakoupa nam zalear, lokan magir tench-tench choychea poddlo nam?” Dusro. “Oi, punn…” Poilo. “Rav… rav… poil’ hanv sangot’ tem aik. Az polle tum tiatr choyta te loka guneanv korta nu, to guneanv tunvem kes’-kesolo tiatr dakoytai tea borvpiam korpa zayo. Are baba, aj tiatr choychea yetai to lok tech panvddear urpaku, he tiatrist zababdar nhu? Te ‘interview’ ba dita astonam sangtai mure… “ami lokak hea tiatrantlean ho sondex, to sondex ditai mhunnu…. Punn tintu lokan ghevpa eso keso sondex asota? Hejer kednam chintilam tunvem?” Dusro. “….. …. ….” Poilo. “Aj tiatram he poristhite ‘hatir, tum zannam, kitu lokan tiatr choupa soddn dil’ tem? Faleam exem korn’ lok ilo-ilo korn tiatr ospa bond zal’ zaleari, tedon magir guneanv konna kortolo? Lokacho vo tiatr boroyn dakoytai tencho?” Dusro. “Tum uloyt’ tintu kit’ tori sot as’ re.” Poilo. “Sot mhunn nhu… punn poristhiti esh korn uloupa asa.” Dusro. “Bor’ ya mure? Chodd ogot zalo!” Poilo. “Ya… ek chav tori marn ya…” Dusro. … ani Poilo, Dusrea barobor tiatrachea osrea bhair aslo kentinant chav pivpa gelo. www.goa-world. com GULF-GOANS e-NEWSLETTER (since 1994) >>http://www.yahoogroups.com/group/gulf-goans/ http://www.colaco.net/ >>http://www.live365.com/index.live________________________________________________________________________________THOUGHT >> FOR THE DAY: If you're still looking for that one person who can change your >>life, >take a look in the mirror.
