Bertepatan dengan Kongres internasional adat dan
Bahasa Gorontalo, GP menurunkan berita berbahasa
Gorontalo.
Kongres Internasional Adat dan Bahasa Gorontalo.
Butoo ///
Adati Ma dili-dilito
Bolo Mopo'aito
Adati ma Hunti-huntingo
Bolo Mopodembingo
Adati Ma dutu-dutu
Bolo Mopohutu
Payu Lo Lipu ///
Bangusa Taalalo
Lipu Podulualo
Batanga Pomaya
Upango Potombulu
Nyawa Podungalo
Penu de moputi tulalo
Bo dila moputi baya
Momarenta Yilodia
To lipu Botia
Wonu tuhata lo'iya
Tau hi hidi-hidia
Wonu tala to lo'iya
Tau hi lahi-lahiya.
Hulondalo Utie Saa'atilio Mopolo'o Tilihula Lo Wali'i
/// jdl
Hulondalo Wolo Tilulahepa Lo Aadati Wau Bahasa ///sub
HULONDALO - Utie Saa'atilio mopolo'o tilihula lu
wali'i Hulondalo wolo tilulahepa lo aadati wau bahasa.
Wolo lohutu kongres I Internasional Bahasa wau aadati
lohulondalo bohulio, ma luali talo tuawa lo tilanggula
u mooli poti soombongiyalo to kampus u lo'o lu'o lo
gara'i, merah maron botie. Diila paralu mo'o heerani
limo lo hetuto tawuwualo u dila bo ta lonto Hulondalo,
ta londo lipu-lipuwaalo. Kongres olo botie,
lupotaaluwo pemakalah londo lipu lo tau deli. Kongres
u pohutualio duuhui (13-14) Mei pilohutulio to gedung
Serba Guna UNG, u hilu'olio li Wakil Gubernur Gusnar
Ismail.
Rektor UNG, Prof DR Ir H Nelson Pomalingo, M.Pd to
rapotilio lu'oowoli bahasa wau aadati tala tuawu lo
poohongi, mopola'o ilimu. Bahasa wau aadati ma looli
poohonhi mupola'io poongotota. Uyitolo sababulio
bahasa wau aadati lo Hulondalo paralu po'otuleteelu
wau popoliai'iolo alihu diila modu. O'olio'o botie
pilohutulioi to aayitu lu'a wo'eela kebangkitan
nasional, wau uti saa'atilio u mopo;o'o bahasa wau
aadati lo hulondalo. "Debo odelo ma otaawando
tohulondalo woluo bahasa daerah mohelu totolu,
de'uyito-yito bahasa lo Atinggola, Hulondalo wau
bahasa bune mealu suawawa," polele le Nelson.
Te Nelson olo lo tambaangu, wau bahasa wau aadati ma
tilumu'altu tilihuluando lo hihilawo, wanu po
pobaadingiyando wolo walanda, u masaatioa, bahasa lo
wolando ma hepuyuwo lo bahasa wuweewu debo odelo
eengeleti doisi, Perancis, debo bahasa lo wulando debo
tumu tumualo. Oo'odiye u paralau lu bahasa wuweewu.
Ngopohiiyama'o leeto, ta'na lo panitian Prof Dr H
Mansoe Pateda, lo,oowoali de'u tia lo duulude diila bo
hulandalu, debo woluo ta loatu lip. Lipuwaalo debo
adu'lo Bandung, Jakarta, Semarang, Solo, Moladu wau
Luwuk. Mobisaloo'to kongres botie pemakala londo lipu
lo tau deli, debo odulu ti Prof James Collins londo
Malaysia, ti Dr Roger Londo Walanda wau pemakalah
nasional debooluti Porf Daliman, Prof Eko Wardono,
Prof Hazah wau Hulondalo lo hihilawo debo adelu ti
Prof Nani Tuloli, Ti Prof Mansoer Pateda. Patuju lo
kongres botie bohulio linguistis alihu bahasa wau
aadati lo Hulondalo diila moodu, oluolio sosiologis
alihu tuango lipu lo Hulondalo diila moolito mo bahasa
lo hulondalo, otululio pedagogis alihu bahasa wau
aadati lo Hulondalo ma pongajarilio wau oopatolio,
alihu tutowbukua mohubode wolo u moposadia dana.
To aayito woleeto ti Wakil Gubernur te Gusnar Ismail
lo'oowoli de'i to dunia botie ma daadaata bahasa
yiloodu. Wonu ito diila hati-hati, bahasa lo hulondalo
moolu. "Uyitolo sababu lio dulolo ito mo mamalihara
wau moopohuna bahasa lo hulondalo," po sambe le
Gusnar. (gp)
BP Lohutu Atraksi ///JDL
HULONDALO- To tanggali (13/5) organisasi ta
tanggu-tanggulo Brigader Penolong (BP) lo UNG lohutu
demonstrasi u moturungi korban mondo huidu pangato ode
tibawa to rangkaian pameran pendidikan lo UNG.
Pembina BP Ferry Pakaya hemolele wonu woluo
tatilopotala to huidi tio paralu bantuwalo, wau cara
liyo mopolahe oliyo momake tali karawantel, wau wibing
li mongolio hepolihuto lingolio to bungolopa
mohuwalia, wau mola polihuto limongolio, alihu
timongolio amani molaleu totali karmantel wautuwao lio
mao alat u hepomake limongolio tanggula-tanggula
karbinet sikurupu mola pongawutio totali karmantel wau
lapatao timongolio mamolahu totali karmantel.
Wau tuwawuliomao boo pelampung u hepo manduli mongolio
tatopotala totamuhu. modaa deboliyomao odunga lo
banjir boodelo tanggutanggula HT, uwito tanggulio
pololimualo infromasi lo tanttangan bencana alam
deboliliomao bridegr penolong baleti u pake-pake moto
ihlas baleti to pertiwi. (gpinfo)
