[Gulf Goans] Aitaracheo Kaskuleo: BHURGIM AMCHIM GHIRESKAI

Lino B Dourado Sun, 09 May 2004 03:00:24 -0700

http://www.goa-world.com http://www.live365.com/stations/61664 Live Konkani Music http://www.mahableshwar.com/ Addresses: Post message: [EMAIL PROTECTED] Subscribe: [EMAIL PROTECTED] Unsubscribe: [EMAIL PROTECTED] List owner: [EMAIL PROTECTED] URL to this page: http://www.yahoogroups.com/group/gulf-goans

My Groups | gulf-goans Main Page

www.goa-world.com/about_goa

��

�

Aitaracheo�Kaskuleo:

Bhurgim Amchim Ghireskai

�

Datta ani Pandurang (vach Pandu) dogui boreantle bore ixtt. Ankvar astam te nattkank, tiatrak, chollchitrank, bhouxik zagear sangatak astale. Thoddo xezari-lok tankam ghov-bail munit. Datta, Seema kodden logn zal�lo ani chear-panch vorsanim Pandurang Reema lagin logn kelem.

Panduchi bail Reema gorvist ani mijeaxi asli hea katir dogui bailam modem kednai-kednai tanv-tinv astalem, ponn ghov koddok axil�lean tanchim kestanvam xime bhair vochum naslim.(Odik mahiti mellunk vach: AK-Amgele tumgele Matxe-Matxe Korche http://groups.yahoo.com/group/gulf-goans/message/3635)

Ek dis Moddganv Nogorpolikechea jardina bazun axil�lea hotel Kamat-a lagsor dogui ixtt doddle. Pandu bhouch udas diso. Dattak forsan tannem hotel Kamtin velo, Baji puri order ditoch Pandurang uloilo.

�PANDU: Datta, tumi mhoje ixtt kitle tempavele. Mhoje gutt hanv sodanch tumchea mhorean dovortam. Lok mhaka vicharta��..

�DATTA: Tuje kodden itko duddu koso zala kai nhi?

��PANDU: Na, bhurgim kitlim asat kai mu.

DATTA:Duddu asa tea promann soirim-mitr lagim zatat, ani atam konn re bhurgim soddunk laglo?

��PANDU: Aiz donparam amchea pulis canteenan, tollsun dil�lem nistem horvem aslem mhonn jevon toyear korpeacher boroch ghorom zalom ani tachea angar hat kelo. To mhonnunk laglo tokrar korun mhojer kex nond kortam. Tea vellar taka vicharlem kex lodovpak tachea thaim kitli doulot asa? Tedna tannnem mhaka sanglem don krutt asat ani te don krutt tachim dog bhurgim. Oxem tannem mhottlea barrabor mhojea kansullar tapot vazoilea vorim dislem. Hea tachea utrani tannem mhaka bhurgim nant mhonn hinnsailo

�DATTA: Aik Pandu, tuvem doulot koxi kat kelea ho vichar mhaka naka. Tum ek mukhel hovoldar mhonn pulisen bhorti zal�lo. Uprant tuka boddti (promotions) mellun atam tum adhari pulis offisar hudd�ddear (post-ar) pavlo. Devan tuka bori nokri ani duddvani borla. Devachi ken�nai tori tuvem iad kelea re papia?

��PANDU: Hanv devlant vochun botta kodden devak iogdan (contributions) ditam.

DATTA: Tumi pulis hanga thoim haptto-commission ghevn duddu komoitat ani tantle thodde bhou iogdan kelem mhollear tumi devakui tumchea hixeobar dovortat kitem?

��PANDU: Tuvuim-i mhaka isulltar korta?

�DATTA: Ami lhanponnich savn bore mitr. Amcheo chuki ami tonddar sangot aileat. Tum ek dis mhaka sango tumche pulis vhoddilanchi gozal. Motlobponnan ektaileli ghirestkai kavpak tankam bhitorli khuxealkai ani suseag na. Kitleaxeach zannachim bhurgim drug addicts, opunngull, AIDS pidden khoxtovtat. Thoddeank bhurgim nant ani tantlo tum ektto

��PANDU: Datta, hem aikun ghevpak mhaka vell na. Khoxei toren bhurgeam zai.

�DATTA: Tum magtta te toren hanv bhurgim supply kortam dista tuka? Tuka oxe toren tollmollunk, Dev kitem-i tori sangunk sodta.

�PANDU: Sang, bhurgea katir hanvem kitem korchem?

�DATTA: Tujea�Devak kiteak bhettna?

��PANDU: Amkam hozaranchea hozar barik-motte dev asat. Konnank mu sangum?

�

�DATTA: Mhojo azo-ponzo Divchole ganvantle. Mhojo bappa sango amchem kuttumb ek mhalo aslo. Tea khatir amcho dev Chamunda Devi.

��PANDU: Somzolom, tum sangonk sodtai amchea devak soddcho ani tachea kodden magchem .

��DATTA: Kan divn aik. Kristanvachea Jesu Kristak ollkatai nhi? Tacho bapui Juze ek thovoi axil�lo. Heach khatir atam to mhojo dev zala.

��PANDU: Kitem? Ken�na savn tum Kristanv zalo re?

�DATTA: Amcho Bharat�dhormatit (secular)�dhes. Mhonntoch khomcheai dhorman vengounk zata. Khall hanv ek barik carpenter axill�lom ani aiz Devak mukhar dourun hanvem vhodd dukan ghalun pondra noukor mhojea hatakala kam� kortat.

��PANDU: Hanv kitem korum? Khoimchea devak mellum?

DATTA: Tujem nanv Pandurang Borkar, mhonntoch Borkaramcho dev Shantadurga asta. Kavlem voch ani thoim tujim patkam rodd.

�PANDU: Itli devanchi zanvi tuka asli tor mhaka poilim kolit kiteak korunk na?

DATTA: Tumvem ho vichar adim keloch na. Tum fokt doulot ekttaupak urlo ani khori ghireskai bhurgim mhonn tum visorlo.

�PANDU: Tuvem mhoje dolle ugoddle re papia. Aiz savn devachi pujea korun visorchona. Bhavartan hanv magtolom.

�DATTA: Ani ek ghozal hanvem Kristanvachea bible-in vachleli. Jesu Krista kodden ek bail bhavartan mago aple dhuve velo devchar kadd mhonn. Krist-an ticho bhavart gott to pollelo ani tika sanglem ghora voch dhuv bori zali. Antrunnar add podil�lem cheddum ube aslem, devchar tichea velo gel�lo. Bhavartan magxi tor kitem-i zavnk xoktta. �

�Te dogui utthle. Poilech khepek Pandun Kamat hotelant bill farik kelem. Moddganv pulis stationar kam� kori mhonntoch thoimsorle pulisani hotelant poixe divn cha pieleat zalear aiz poilo Pandurang asa.

�Dattak aple motor saikolir bosoilo ani dogui Fonddem vochunk rosto dhorlo. Panduchea kallzan bolltich khuxealkai rigli. Uzvaddachem kirn fankarta ten�na soimb zagrut ani nitoll dista, �tech bhoxen Pandu mhelle kortumbantlo nitoll zanvk sodi. Taka devacho visvas laglo. Moddganv tem Fonddem pav meren vatter melltat titlea igorzacher, devlancher nodor marit votalo. Fonddem Santa Anna Saibinichea Igorje samkara rostear votna Panduragan igorjecher nodor ghatli ani mhollem. �Saibini mhoji doyea kor�. Te dogui igorjichea vaddeant ravpi.

�Ghorchea rostear bhitor sorlea mhonntoch poilem ghor Panduchem mellta. Tannem okosmat motor-saikolicho break marlo ani motor-saikoil vhorun aple ghora fuddem thamboili. Ghorachea bolkavant tachi bail Reema ani Datta-chi bail Seema hansun-hansun ghozalli kori tem pollevn tankam vichitr dislem. Dogui ixtt eka-mekachea tonddankuch pollevnk urle. Jeo baileo tonddar nodor ghalunk razi nasleo teo aiz hatak hat dorun khobro martat?

�Seeman Panduchea hatak ghott dorlo ani mhollem �parabens�. To somzunk na. Dusrea vatten Reema man sokoil ghalun lojist zal�lem.

�Seeman sangunk suru kelem. �Reemank donparam savn ullti ienvk lagli teo thamboch nant mhonn Nakesh tuition-a sakun ietna tache kodden mhaka rekad daddlo. Hanga iet tor, Reema jiv vachea na zavn bhuim poddil�lem aslem. Nakeshak sangun dotor Poi-ak apoilo. Ani tannem, tiche dis gheleat mhonn ghomoilem.�

��Hem khoimchea vellar ghomlem tiche dis ghele mhonn?� Pandun, pulis chouker opradeam thaim vichar ghaltat te toren Seema thaim vichar kelo.

�Sumar ek hor zatlem�

Pandurang Dattachea dolleank dolle lavn polloit ravlo. Dev doyea korpi mhonn taka sidh zalem. Tache dolle dukan bhorun aile. Dusman asleo baileo ixttini zaleo. Tannem Dattak ghott veng marli ani khuxechim dukham golloit ravlo.

�

Lino B. Dourado�� 9/5/2004� - Happy Mother's Day http://www.goa-world.net/poems http://www.goa-world.net/poems/lino

www.goa-world.com�� The countdown is on�.. AVC Kuwait presents the maiden venture of "Nana Patekar of the Konkani Stage" Donald Colaco�s Konkani drama titled �PALLAM� (Roots). The curtains will open on 14th May 2004 at the Hawally Auditorium, Kuwait at 3.30 p.m.� � www.goa-world.com/expressions/ www.goa-world.com - Forwarded by www.goa-world.com

Gulf-Goans e-Newsletter since 1994 is moderated by [EMAIL PROTECTED]@R @LMEID@, Associate goa-world.com & presented by Ulysses Menezes, Owner goa-world.com website. All postings archived at www.yahoogroups.com/group/gulf-goans/�

Do you Yahoo!?
Win a $20,000 Career Makeover at Yahoo! HotJobs
Yahoo! Groups Links To visit your group on the web, go to: http://groups.yahoo.com/group/gulf-goans/ To unsubscribe from this group, send an email to: [EMAIL PROTECTED] Your use of Yahoo! Groups is subject to the Yahoo! Terms of Service.

[Gulf Goans] Aitaracheo Kaskuleo: BHURGIM AMCHIM GHIRESKAI

Reply via email to