[Gulf Goans] Aitaracheo Kaskuleo: Cecil Pinto-ko Gussa Kiyon Ata Hai?

[www.goa-world.com]

www.goa-world.com/about_goa 
 


 
 
Aitaracheo Kaskuleo:  
Cecil Pinto-ko Gussa Kiyon Atai?  

 Rodney-k kamacho ghora pavunk matxo huxir zalolo. To ghorant bhitor sortanch tache bailen tachea hatantlem Inglish disalem ghetlem ani poileach panar nodor marit vachunk bosli. Motte dolle korun Rodney tikach pollevnk urlo. Mornachi kollovnni jahir korta tem pan (obituary page) poilem ustun vachpi, aiz netan mukhi khobranchem pan vachtta. Aichem vathoron cha mellpa xarkem naslelean to ogoch kuznant bhitor gelo ani tizan kelelem tem ghevn salant sofar boslo.
Rubina paper vachttana tachea mukhamolar ragachi savlli udetali. Kitem tori vaitt khobor tea potrar asa mhonn koltalem. Vachtalem tem pan portilem ani urleli khobor durea panar vachun zatoch Rodney-chea tonddak polleat uloilem
RUBINA: Mithakuch karxan na zalear mithacho koslo upeog?
RODNEY: Tujem nashneachem tizanank sarkem mith boslam
RUBINA: Xikxokank xisti (disciplines) aslear xikpi-i apxinch xikxokanchi dekh ghetolim. Ponn amche xikxok bexist vagnnunk (indiscipline behavior) chollunk lagle zalear amchea iskolanchea  bhurgeancho fuddar kitem?
RODNEY: Paper ghevn aichea disa khoimchea ganvant konn sompleat tem pan niamit (daily) vachteli bail okosmat iskolant xikoitele teacher-incher gullio soddunk lagli?
  RUBINA:  Vachunk na tuvem? Porvorim, Vidhya Probhodini High School-antlea Damodor Joshi xikxokan eke choli vidhearticher (female student) vonoibhong (molestation) ani be-vagnnunk (misbehavior) keli mhonn? Xikxok, bhurgeancho ek adhorx (ideal) ani margdorxok (guide) zavn, borem margdorxonn divnchea suater heach poile kholnaik (villain) koxe zaleat.
RODNEY: Tum itlem abalar kiteak zatai? Osleo kuchitrin (malicious) ghozaleo paper-ancher poilech pavtt aileat? Sot dollea mukhar haddchea suater paper-ancho dhondo chollovpi anikui tea khobrani arlem-losun ghalun khobro odik ruchik kortat. Tukach polle. Konnei-i tori tuka fonar hi ghozal sangli asteli, tea khatir poilem mornancho anus vachpi monis avchit aichi hot topic vachta.
RUBINA:  Oslea vaitt xilsvobhavachea (character) xikxokank soroll niklavpak zai. Xikxokam ani vidhearteam (student) modem avoi/put, bapui/dhuv oslem natem (relation) asunk zai. Amchim bhurgim iskolant gelim mhonntoch salamot (safe) asat oxem ghorakodden avoi-bapaink dixunk zai. Iskoll ek institution  ani nhoi den of prostitution 
RODNEY: Ago, hem bhaxonn mhaka dita tem, vonoibhongi (molester) hanvuch zalea toren korta tum. Falleamchea paper-ar vachunk toear rav. Tea sir-achem ani iskolachem navn vibaddchem mhonn konnem tori nhi-obait boglant ghatlam. Porvamchea paper-ar vach, tea xikxokak stholantor (transfer) vo sthogit (suspend) kela, ani oxe toren innocent monxeanchem xexonn (exploitation) zait votlem.
RUBINA: Tujea hatant konnacho e-mail re? Punevalacho (tancho ek put Pune computer engineering xiktta) zalear vegim di. Donparam tannem fon kelolo ani sango e-mail patoila mhonn.
RODNEY: Tacho e-mail begant asa. Cecil Pinto-n inter-netar  boroilolo lekh  mud�dom print korun tuka vachunk haddlolo. Kitem kai mhollear tuje akhaxvannicher bolltich kariavoll vitraili tuvem.
RUBINA:  To Cecil re? Ponjen "Advertising & Publicity" ani "Flowers by e-mail" Fullam dadta to? Mhoje bhoxen tacheim challvolem kitem?
RODNEY: Konn ekti bail Wendy Roberts mhottleli netar boroita. Tika khoim Goenchea lhan bhurgeancheam churchure distat . Bhovnddekaramchea bhoga khatir lhan bhurgeancho lingi goir vapudd kortat. Pulisek tokrar dili tor pulis berea kannar ghetat. Candolim vatharan vhidexi gore katicho ho ek dhondo choloita ani tachea ghorak dhadd (raid) ghalchea astat tedna to monis polun Engladak pavta��..
RUBINA:  To tori pollun gelo ponn ek Germanacho Jorg Hatty Ringmann oslea �paedophiles� bangodin Goenche pulisen sampdailolo. Tachi nit khorpak zai asli ponn amcho sorkar taka fulam har ghalun toddipar (deportation) korta khoim. Khai boro amcho Parrikaracho sorkar. Oxem Goem ugttem choll�lem zalear Goemchem nanv kiteak peddear zavnche nhi?
RODNEY: Goenchem RODNEY: Goenchem nanv pedder zavn xime bhair pavlam. Ak�kho sonvsar somzota Goenchim bhurgim hea bhangodin asat mhonn. Ponn tea bailek, Cecil-an ugtti zap divn sanglam tim bhurgim Goenchea dhortorechim nhoi. Kama katir ailelea lokachim (migrant workers) bhurgim tim. 
RUBINA:  Ponn ho dhondo  poriottonachea (tourism) nanvan Goenchea dhortorer chollta mhonntoch tourist-anchi nodor Goencher asteli. Tim bhurgim khoim thavn ietat tem tankam poddunk na.
RODNEY: Hakach lagun Cecil-an te Xrimati Wendy-k poratlam. Bhurgeamcher lingi goir vapudd (sexually exploitation) korteleachim nanvam divnk. Tankam niti fuddem ube korun Goenchem nanv peddear zalam tem bhorun kaddunk to vavurta. Ho motto husko fokt Cecilachoch nhoim. Ak�khe Goenchea porjen utthon ani Pordesant nokri kortele niz Goenkarani hacher nidhex marunk zai. Baga doria kinarer tem Mobor meren bhurgeancher ugtttepnim vonoibhong (molestation) zata tem bond, bonduch korunk zai.
RUBINA:  Goeant gelea 6 mhoineank 25 khun ani 17 bolatkar pulisent nond zaleat. Eka kallar bhangarachem Goem bhovnddekarancho sorg aslo atam tanchea patkanim infern zait vota. Amchim bhurgim hem soglem vachttat, polletat. Ho vaitt probhav amchea innocent bhurgeancher zatlo mhonn dor Goenkarak husko asunk  zai.
RODNEY: Tuji akhaxvanni aiz bond zatli vo na? 
RUBINA:  Borem, borem kortam. Tum zanam bore bhoxen. Mhaka tidok aili mhonntoch mhoji jib ogi ravona.
RODNEY: Ghorant boball kiteak? Tinttear voch��.Tintto mhollear boro ugddas ailo. Mhojeo tablets asat vo na?
 RUBINA:  Ekleak husko iskolachea bhurgeancho, ekleak husko kuddicho dhondo bhurgeancher choloitoleancho ani ekteak husko tablet-ancho.
RODNEY: Aiz tujo sobhav (mood) ragacho asa, ani jitle pavtti tuka rag ieta tedna challvolelem vathoron zagear haddunk mhaka boreoch xinko kaddcheo poddttat. Mhonntoch khoimchi tablet bori chollteli? Kaju, madd, rum, vodka�?
  
  Lino B. Dourado    22/8/2004
www.goa-world.com/poems/                 www.goa-world.com


A brief about Lino B. Dourado 
http://groups.yahoo.com/group/gulf-goans/message/4184

EXPRESSIONS - THE FLOWER SHOP (GOA)

 
Email: [EMAIL PROTECTED], [EMAIL PROTECTED]    
www.goa-world.com/expressions/    
World famous all over Goa!
 

 
 
- Forwarded by www.goa-world.com
 
		Do you Yahoo!?
Win 1 of 4,000 free domain names from Yahoo! Enter now.


http://www.goa-world.com
http://www.live365.com/stations/61664 Live Konkani Music
http://www.mahableshwar.com/


Addresses:
Post message: [EMAIL PROTECTED] 
Subscribe: [EMAIL PROTECTED]  
Unsubscribe: [EMAIL PROTECTED]  
List owner: [EMAIL PROTECTED] 
URL to this page: 
http://www.yahoogroups.com/group/gulf-goans 










Yahoo! Groups Sponsor


  ADVERTISEMENT 












Yahoo! Groups Links

To visit your group on the web, go to:http://groups.yahoo.com/group/gulf-goans/ 
To unsubscribe from this group, send an email to:[EMAIL PROTECTED] 
Your use of Yahoo! Groups is subject to the Yahoo! Terms of Service.