Pois mollbar thambun-thambun zoglavnnem martalem ani pavsachi xirxiri zhoddtali tika polleat Senhor Sarto bolkavant bosun thoddeach horam adim ghoddleli ghoddni chintalo. Tachi mogachi sun ani dog natram Portugalak, tachea malgoddea putak sangat divnk Goenchea airportalean bhair sorlelim. Taka khub mog sune ani natramcho aslo.
Kaim mhoinem adim taka ghombir kallzacho attak ail�lo. Sun Viena, tachi khub poramus getali. Viena zolman ievnchea adim ticho bhapui somplolo. Tem, senhor Sarto-k aploch bapui zal�le porim mandtalem ani kuidad getalem. Voizan, Sartok koddok xiddkavni dileli. Tambddem mas (red meat) khavpachem sapuch bond kelelem. Ghorkarn Berta, tachi bolaiki samballunk vavurtali. Chukun pasun mas khavpak taka mona khortali. Ponn Viena, lip-choriam taka kednai-kednai mas ditalem. Sunecho mog ani moipass chinta astana Berta tachea sorxim ailem ani �..
BERTA: Arre pavsachi azolli marun hodd�ddean thonddi bhorteli. Bhitor sor ani TV-cher Olympik khell dhakoitat te tori polle.
SARTO: Bharat desak zoitachea nodren bhorvonso ani bhangaracheo medali mellpacheo axea asli tannim, Paes-Bhupathi tennis, Karnam Malleswari (weight ligfting), ani hockey team peddear zavn ritea hatani ghora portoleat. Urlele khoimsoruch zollkonant. Bondi vokddam (ban drugs) gheun dope test-ak Weight lifter Pratima Kumari fail zavn sthogit (suspend) keli. Bharatantle billion porja asun khella moidanar sarkech zero kiteak?
BERTA: Amchem raj chollovpi nigut aslele zalear hem oxem ghoddchem naslem. Veta thoim broxtochar (corruption) . Hanga thoim lutpakuch amche montri boballar astat. Favo teo sovlovti survatekuch dilelo zalear��
SARTO: Kosle sovleteanchi ghozal korta tum? Humkea pongoddak humkheoch sovloti astat. Favo tea timink ani khellkoddeak borem nutrition khanna astat. Tankam bori training ditatana borim jevnna ditat. Tanchio kuddichea voznachi vhaddai favo te toren dovorpak voiz dovorlele asat. Ponn amchea Bharotache khellgoddeank dal, bhaji-pallo khavoitat ani kriket khellunk kivam Olympikak gold-medali jikunk pattoitat. Torkari bolaikek khatat ani nhoi Olympik khellani bhag gheunk. Amkam Goenkarank polle gho. Pork, beef, mutton, chicken, bebeachim masam khaun Indian National Football League-in Bharatantle 29 Rajantle vichun kaddlelea bara pongoddam modem Goencheo 6 pongoddancho he mousaman (season 2004-2005) aspav asa. Dempo,
Salgaocar, Vasco, Churchill Brothers, Sporting Club ani Fransa-Pax SC Hem kiteak lagun?
BERTA: Masam khaun mhonntta tum? Zalear Olympikak ekloi Goenkar disona.
SARTO: Koxe dixtttole? Bharatache team selectors astat te pure vegetarian. Goenkarank poilech thavn niddukaichea nodren polletat. Orxim Goenkar masam kavpi. Dhal, bhaji-pallo kavn Olympikak pavtele distat tuka?
BERTA: Hem tujem chintop chukichem.
SARTO: Ghoddie zait. Ponn bhangarachi medal jikpacho bhorvonso asleli weight lifter Pratima Kumari mhonnta, apleak raxtri coacheani-Pal Singh Sadhu/Leonid Toranenko-June-July mhoineant training vellar fattichea kondeak (spinal cord) �anabolic steroid testosterone� injection dileant. Adgam-nadgam korpi coach asot tor hea fuddarak bhangarachi medal mellteli mhonn axea na. Bharotacho R. Singh Rathore hannem shooting khellant rupea podkachem zoit zhoddun porzoll�lo. Shooting-an torkari khaunk horkot na.
BERTA: Atam soddun di ti ghozal . Tum matxe bhitor ie. Pavsachem thondd varem choddui ugttea angar borem nhoi. Jevnnachi toeari kortam. Tea mhonnosor Varkechea cheddvak fon kor, kedov passun husketa tem tuka.
Jevnna mezar tela vinem torkariche don jinos soperan asle. Chopatteo asleo ponn mitta vinem. Senhor Sarto-k ghoddmuttachem (diabetes) bi duens aslem. Thoddexe uril�le dis sonvsarant bore toren jietolo zalear tannem oslech jevnnache jinos khavnche asle.
BERTA: Arre ogoch bosun jevtta?
SARTO: Natram nasun ghor kaunk ieta dista.
BERTA: Jinnechim panvlam vorta thoim vochunk zai nhi? Atam ghorant ami doganch. Tum zanai mhojo avddicho khell badminton mhonnon. Segit tin vorsam
SARTO: Jevonn ruchona.
BERTA: Hanv zanna, thodde dis tuka bhurgeanchi humxik lagteli. Jevtana tim tujea uttean ietalim. Tanchea thaim khellun tujo vell boro vetalo. Faleam savn racket ge ani mhojea sangata badminton khellunk ie.
SARTO: Kuddik xaktti asta ten�nach ho ghov-bhailen BED-minton khell khellunk zai. He toren bhaji-pallo kai-it zalear, tuka dista hea tujea ghovacho shuttlecock tujea court-an pavotxo mu?
Lino B. Dourado 29/8/2004
http://www.goa-world.net/poems
http://www.goa-world.net/poems/lino
A brief about Lino B. Dourado
http://groups.yahoo.com/group/gulf-goans/message/4184
(c) www.goa-world.com |
||
- Forwarded by www.goa-world.com
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [EMAIL PROTECTED]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
| Yahoo! Groups Sponsor | |
|
|
Yahoo! Groups Links
- To visit your group on the web, go to:
http://groups.yahoo.com/group/gulf-goans/
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
