Lapitacho zolm dis mhonntokoch Lapitan novem kolsanv ani khumis suimlelem tem nhessun Igorjek gelolo. Mis somplea uprant Camil tivachi nat, Delfina, taka bhettli. Kallem T-shirt ani kolsanv tichea angar aslem. Mhoineam adim Moddganvchea Gomant Vidya Niketan hallant Rose Ferns hachea non-stop-show-ak gavlelem tedna hollduvo rongacho vistid nhesslelem. Ani aiz kalim anglim? Konnui tori bhair poddla astolo hem somzun Lapitan taka zap keli.
"Kall sanjer." Tannem soroll zap dili.
"Vicharta mhonn ragar zainaka. Tumcho konn bhair poddla?"
Definan dolle pittpitaile ani mhottlem"Konnuch nhoi"
"Tum kalim anglim nhesslam mhonn vicharlem."
"What Lapit irm�o. This is fashion mure." Tem hanslem ani hansot bend halloit chollun thoimchem koddsorlem.
Lapitak vicharlelea farak loz zali.
Khas ixttam sangata, tillsani vellar aplo zolm dis somorpa khatir Lapitan baile lagchean shopping list ghetlem ani to Moddganv bazarak vochunk, bosir choddlo. Bosint taka kitleach vorsanim kollejintle dog mitr Vishnu ani Bonnie meule. Tankam pollevn Lapit khos zalo. Bonnie, kalem rongachem komis, kolsanv nhessun aslo. Lapitan tachea jetak pollelo ani hi atamchi kallea kopddeachi latest fashion zalea asteli oxem to chinti astana taka Vishnun saglem. Kazarak chear mhoinem uprant Bonniechi bail mottorachea obseagean sompli mhonn.
Aili poili ghozal kortam mhollear bos Moddganv pavli. Lapitan dongankui adeus kelo ani soukas chollun rosto par kelo. Lapit choukas chollpachem karan mhollear kaim dis fattim taka 'hernia'-chem operasanv kelelem. Ani hi ghozal fokot Lapitachi bail zanna asli.
Bazarant bhitor sorchea vatteruch Lapitachea ankvarponnichea prem pustokar nanv borounk chuklelem
"Hey Lapit, how are you man? Long time no see"
"I am fine Maggie, and what about you?"
"What re!! Today you look very handsome smart man...n"
"Thanks your compliments. By the way........."
"Ek sang re." Maggie moddench uloupak suru kelem "Kolejint astana tum soddanch sango kalim anghostram fokot konnui somplo zalear ghaltat."
"Ho kitlea vorsamcho prons aiz kiteak ailo gho?" Lapitan vicharlem
"Tujem sobit azul komis ekdom kallea rongachea kolsanvar match zata. Kolejint xiktana hanvem keddnach polleunk na tuvem kalem kolsanv vo kosloi kalo rong aslolo kopddo nheslolo . Kalim T-shirt vo polko (blouse)nhesslear tujea lapitponnachea vicharan tum cheddvank mhonntalo, "Tujo voilo bhag melo?" kai mhonn. Ani aiz, tum kalea rongachem kolsanv nhesslolo polleun mhaka-i toch vinchar korin dista. Tujea benda sokoilo part melo kitem?"
Lapit bhitorlea bhitor ghunghunlo " Haka koxe ghomlem kai mhaka 'hernia'-chem operasanv kelam mhonn?"
Lino B. Dourado 12/9/2004
http://www.goa-world.net/poems/lino
- Forwarded by www.goa-world.com
Do you Yahoo!?
Yahoo! Mail - 50x more storage than other providers!
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [EMAIL PROTECTED]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
| Yahoo! Groups Sponsor | |
|
|
Yahoo! Groups Links
- To visit your group on the web, go to:
http://groups.yahoo.com/group/gulf-goans/
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
