|
|
|
Ank XII Vors 22 Decembr 2004 |
|
Gulab Puroskar Ani Tiatrist GULAB nemalleache pormpore pormonnem Gulab Puroskar 2003 bhettovpant aile. Konknni somazant, khella mollar, sahitik mollar ani khas korun Konknni tiatr mollar vaurteleank ut�tejon dinvchea hetun he Gulab puroskar Gulab-acho sthapnnar sompadpi sorgest Fr. Freddy J. Da Costa hannim sthapon kel�le. Amam� somestank puroskar zai, magir te puroskar amkam favo zatat kai na ti veglli gozal. Puroskar vo �award� asa thoim �controversy� astach. Toxem mhonnche poros �awards� ani �controversy� sangatan choltat mhonnllear odik borem zatlem. Hem soglem monant dovrun sat vorsam fattim ami jen�na Mumboint �Goan Review Awards� dil�le ten�na ami dor eka kullant (category) ek-ek puroskar bhettonvche bhettovn heranche-i son�man korun tankam puroskar bhettoil�le. Mhonnche konnakuch bhairaunk naxil�lim. Dhobitalao-cho Patkar vosro chikar bhorlolo ani George Menezes baban aplea bhaxonnant oxem mhonnllolem, �Ami sogott puroskarak axetat ani anvddetat. Amkam sogleank �awards� zai. Fuddle khepek puroskar ditna Faustbabak ho vosro pavchona dekhun tannem Khursa moidan �book� korunk taka hanv atanch suchoitam.� Sogleank puroskar diun legit �controversy� tor zal�lich. Tea uprant magir �Goan Review Awards� divpacho somorombh ghoddoun haddloch na. Sangchem mhollear he-ui khepek Gulab puroskar bhettoileat tatunt �controversy� zaunkuch zai hem sangchi goroz na. Puroskar mellttat ten�na konn tori jikhta ani konn tori harta. Amkam konnakuch har naka aslelean osli poristhiti utpon�n zata. Te pasot ami har mandun gheunk xikunk zai. Ani osli poristhiti zalear puroskarank boro ievkar mellum ieta. Eka masikan kolakarank ut�tejon divop ani tancho vavr mandun gheun ani vakhannun tankam puroskar bhettovop hi ek tokhnnai korpa sarki gozal. Punn tech borobor kolakar-amni Konknni porgottnneam sovem aplo-i husko dakhovop titlench gorjechem ani mhotvachem. Tiatristam kivam kolakaram modem porgottnneam vixim fikir asop gorjechem. Punn oxem ghoddtta-xem mhaka zalear nikhalus disona. Tiatristank vo Konknni kolakarank Gulab-a vixim kitli fikir asa zait? Hem vingllea dolleank sud�dam dista, ani �magnifying glass� gheun pollonvchi goroz na. He vixim adlea sompadpean aplea agrlekhamni khubdam udgar kaddlele vachpeanchea kanar poddleat astelech. Oslo ekdam agrlekh vachun hanvem tankam te vixim voddkile �ani tori astana he poristhitint tumi tiatristank puroskar kiteak bhettoitat kai� mhunn vichar-lelem ten�na tannim mhonnllelem, �Asum di. Tiatrist ken�na na ken�na apli chuk vollkho-tole.� Hanvui aiz tench mhunnon fuddem vetam zori tancho sobhav �optimistic� ani mhozo �pessimistic�. Konknni porgottnneank Konknni kolakar-ancho palov asop ani Konknni kolakarank Konknni porgottnneancho sohokar ani fikir asop gorjechem. Punn oxem ghoddona ti mat gozal dukhachi ani sontapachi. Soglech tiatrist vo kolakar porgottnnea vixim fikir naslele mhunn hanv mhunnonk sodina, karann bhov thodde kolakar �Konknni Porgottnneo ani Konknni Palk� ho sombondh kitlo mhotvacho tem somzotat ani porgottnneam sovem zababdaren vagtat. Punn kaim zann (vo chodd zann mhunnom?) Konknnint uzvaddak ieteleam potram kivam nemallim sovem tanchi fikir sodduch, punn tim vachi sud�da nat.Tor hantun porgottnnea ani palka modhlo sombond koslo? Na mhunn fuddarak apli chal bodolpak legit tim raji nant. Hachi amche kodden khub udharonnam asat � �facts & figures�. Punn sot koddu ani amkam tem pottona. Tor kitem korum-ia? Adlea kallar Mumbointlim choddan chodd satollim tiatranchea jairatincheruch choltalim mhollear ojeap zavpachem kainch na. Sorgest Dr. Simon Fernandes hachea mornna uprant panch vorsam hanvem �The Goa Times� satolleachem karbhar choloila. Abril ani Mai mhoine soddle zalear tin-char tiatrancheo ak�khea panacher jairati astaleot ani hem satollem fokot tiatranchea ani angvonnanchea jairantincher choltalem. Tiatr matxe dhil zale ani angvonno pallpachem komi zal�lean hea satollean dolle dhampche poddle. Sangpachem mhollear satollim tiatrancher choltalim. Konknni-potram ani Konknni palk hancho sombondh ghott aslo. He osli poristhiti aiz Goeant asunk favo asli, jen�na Goeant aiz sinema zatat toxe charui kon�xeamni tiatr vo �Non-Stop Show� zatat. Punn oxem zal�lem disona, karonn amchea tiatristam modem to adlea tiatristancho somzut nam. Konknni potrank amcheo jairati poileo ascheo oxem chintpi adle tiatrist aiz nat. Konknni potrak kivam masikak dil�le jairati vorvim apleak nofa asa kai na hem chintop tanchea monant bilkul naslem. Sorgest Souza Ferrao hannem mhaka ekdam mhonnllam legit, �Ami Konknni potrank jairati divop amchem kortoveo. Ami tankam jairati dinant zalear anik konn ditlo?� Osle tiatristanche onnbhov amkam adim gavleat zalear atam vegllech toreche onnbhov mellttat. Tin ek vorsam fattim eklo kesetti kaddpi kantorist apli mulakhat ghetleli tea vorsa matr �The Goan Review�-acho suskridor zal�lo. Halinch eka tiatristak khobor sud�dam nasli aplea tiatra vixim omkeach nemalleacher �review� aila mhunn. Hache voilean spoxtt zata amchem potram-palkachem natem aichea kallar kitlem legun mozbut asa tem. Vorsam ietat, vorsam vetat, puroskar vantt�tat. Punn amchi vagnnuk vo �attitude� bodolna. Ten�na fokt ami �tiatrist ken�na tori apli chuk vollkhotole� mhunn axa dovrun �live in hope and die in despair� mhonnchem? Tori kaim chintpi tiatristui asat ani heam sabar kallea kupam modem te ek zolltti kitt zaun asat. Tanche kittichea lhan uzvaddan ek vhodd uzvadd zaum mhonn amchim prarthonam. Ti lhan kitt asa ti pallovn ami kallokhant poddom naie. �Porgottnneo ani Palk� hanche modlo sombond ghott korunk vavrum-ia. Porgottnnea udexim palk ani palka udexim porgottnneo chol�leo zalear amchea palkachea kolakarank puroskar divpak ami sorkarachea darar marchi goroz na. Kallokhak portun-portun xinnche bodlek ek vat pettoum-ia. Ani hench sorgest Fr. Freddy J. Da Costa ani Felicio Cardoso hannim korun amkam vatt dakhoilea te vattentlean cholum-ia. Poile svater Gulab jivo dovrunk vavrum-ia. Gulab aslearuch matr Gulab Puroskar asom ietat mhonn visrum naie. | ||
Xhapkhanno:
Plot 85, Phase II C,
Verna Industrial Estate,
Verna, Salcete, Goa
India
Tel. 91-0832-2782413, 2782416 & 2782431
E-mail: [EMAIL PROTECTED]
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [email protected]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
Yahoo! Groups Links
http://groups.yahoo.com/group/gulf-goans/
[EMAIL PROTECTED]
