SOMPLELEAM TIATRISTANK
- John Gomes Kokoy
ROSARIO RODRIGUES - Goencho Shakespeare
Itihasacho ulek kortana, kitleach tiatristank sttej-nanvamni ollkho-
tanv. Don toranchim him nanvam astat: poilem apkhoxen apnnail'-lem
ani dusrem heramni dil'lem. ROSARIO babacho aspav dusrea vorgant asa.
Konn taka Adhunik khell-tiatrancho bapui, zalear her taka Goan
Shakespeare hea nanvan besboro ollkhotat.
Konknni machiek tachem iogdan khub vortem, hantunt il'loi dubhav na.
Ek pavtt, Xiroddeant tacho HINDUSTANI CHEDDVAM ho khell-tiatr
choltana, tea disachea kollovnni porgottpean oxem jahir kelem: "Ani
atam, Rosario Rodri-gues-Goan Shakespeare, aplo voznadik tiatr
khelloitolo." Ten'na thavn, tiatristancho bhavki ani tiatr pollovpi
taka heach nanvan ollkhunk lagle. Mumboichea Rang Bhavan-ant, tache
eke dakhovnnek Bhov Xrest Kardial Saib Valerian Gracias mukhel pavnne
axil'le ani tanchea hatantlean Rosario babak ek iadostik bhettoil'li
tacher GOAN SHAKESPEARE oxem korantil'lem.
Bannavle, Holy Trinity High School hantunt xiktana, aplea rikamea
vellar to khell boroitalo ani te aplea sangateank xikovnn, intruzak
ani paskank khelloitalo. Oxem tannem chear-panch vorsam khell xikoile
ani zomnicher gazoile. Khellank vixoi venchtana, to soma-jik
noxttancher: zoxem gottasfott, kirmi, jinsanvar toramni monxa-
kullache hal korop ani koxe porim te-te poristhintlean suttave zavop -
heam soglleam karastanacher tachi likhnni bhor ghaltali. Ek kolakar
koso, machier ubho ravlea-ruch lok taka hanstalo ani zaite pavtti to
lokam borobor apunnui hanstalo ani oxem zatoch, tachea vangdda tiatr-
pollennar odikuch pott futtosor hanstale. Nimannea vorsamni, to svong
kortana porot-porot machier disonaslo; punn zobor zalear, ek-don vo
tin pavtti bhumikent rongbhuincher proves kortalo. Oslea tolacho unch
gunn axil'lo fokanner to aslo!
Purtugezintlean mullavem xikxonn ghetlolea, Bab Rosario-n Licev-
hachem panchvem voros sompoil'lem ani G�y suttavem zalam ten'na,
Inglezintlean bodol-nni kel'li. M. Com., Ph. D. podvi ghetil'lo;
prodheapok, arth ani sorkari kor lagpeank sol'lo divpi, Rosario,
Julhache 24ver 1948 vorsa, Felipino ani Natividade Rodrigues hankam
zolmol'lo. Tachi ghrokarn, Carmin bai, ankvar-ponnar ghovachea
tiatramni nhestali � ten'nach tim mogan poddlelim ani 1979 vorsa logn
zal'lim. Zorui tika tiatramni kam' korunk khup avoddtalem, logn
zatoch ti machier disli na. Tanchea ekvottache dog put asat. Vhoddlo
Floyd (22 vorsancho) pordesant asta, zalear dusro Dylan 12vi xikta
ani solfamni gittar vazoita. Rosa-riocho bapui, boro gitkar,
songitkar, ani ek boreantlo boro gavpi axil'lo. `Fuddlo kosta ani
fattlo xikta' mhonnttat toxem � Rosariok tia-tristponnachem dennem,
bapai koddchean ailem dista.
Eka kallar, Mumboichea mixian-kar tiatristamni Goenchea khell/khell-
tiatramni nachpi kolakaran-cher bohixkar ghatlolo � punn Ro-sario
baban fanki tiatrist: Jessie, Fatima, Ophelia, Bab Peter, Mike Mehta,
Anil Kumar, Betty Ferns, Betty Naz, Antonette, Platilda, Jephsis
Hitler ani Jacinto Vaz hankam aplea khell-tiatramni nhesoilim. He
toren, tannem khell-tiatr ani tiatram modhem ek mell korun haddlo.
Patrank sobhtat tosle kopdde nhespak, tannench suvat dil'li. Ani
heach khatir, Konknni machiek tachem iogdan vortem zavn gelem.
Zomnivelea khellam modhem, tacho SATIRA khell unchlea panvddear urta;
zalear he asat tache thodde bhov gazlele khell-tiatr:- MENAKXI, EKECH
RATRI, AMI FATOR, SURIA, FRANK SINATRA, EKLEANUCH POILA, CHEDDVAM ANI CHEDDE, TEM, EKLOCH TUZO, FATTIM PAVLO, PATKINN, UZVADD PALOILO, MHAKA TOCH KELO, MHAKA TUZO HAT ZAI, FULAM ANI KOLLE, KALLIM KHOTAM, HANV VATT CHUKLOM, ANIK EOK MHOI-NOM, BHUK, MHOJE VONIENCHO TO, DOLLE UGDDUN POI, FUDDLEA VORSAK, TUM ASLO? SUKH KHOIM ASA? RATCHI RANNI,
MHAKA JIEUNK DIAT, EKA DOLLEACHO RAZA , TI,TUKA RAVTA?, MHOZO UZVADD, GHARA IEA, MHOJEM KITEM KORTA? TUKA KONN MHUNNOM? AMI NIDHLEAT, HE ROSTE MOGACHE, KANKNNAM, LOK KITEM MHONNTTOLO? BHUR-GEM, SOPNAM, AMCHEM GHOR, SUKHACHIM ZALIM DUKHAM, HANV PISO, FUTTBOL MINGUEL, HO SONVSAR AMCHO NHOI, SONVSAR OSO CHOLTA, BARA VORSAMNI ani ASHRAM.
Khattir poddlolo astana sud'dam, tache likhnneche DEZEM-BRACHI 25
TARIKH, SAT ANI ATT ani AMKAM SOGLLEANK ZAI he khell-tiatr tachea
pongddan da-khovnn haddleat. Ani nimanne kodden, apunn morchea don
dis adim, aplea chegad ixttank (Vital ani Maxcy) apovn haddun, tannem
aplo ordkutto tiatr CHIKLANTLIM SALLKAM purn korun machier haddunk
vinonti kel'li. Ani tacheam xisamni toxem kelem-i bi.
Rosario, kitem-i novem sodhun kaddpant sodanch poilo aslo.
-1972 vorsak thavn, dedd-dedd tasancheo don parti asleo teo tannem
ekuch tin horanchi kel'li.
-Ulovpacho Kant-ant portun vapor zatalo � tem tannem bond kelem.
-FATTIM PAVLO, UZVADD PA-LOVLO, HANGA TO IETOLO & GHARA IA dakholl kortana , tannem machier novlam kel'lim tanchi ozunui iad ieta.
ROSARIO RODRIGUES
Survek thavn, ek-sarkim sumar 18 vorsam, him kolakaram tachea
pongddant axil'lim, David, Vital, Bobby, Catus, Joaozinho, Seby,
Filu, Gracinda ani Milly. Tea uprant kaim khellgodde zoxe: Mario
Menezes, Antoneta de Calangute, Rosy Alvares, Prince Jacob ani her,
ailim-gelim; punn Vital ani Maxcy tache donui hat zaunk pavle.
Tachea tiatranche proiog G�y dhorun, Mumbai, Punne, Belganv ani
Golfant zaleat. Inglanddant, Ka-naddant ani heram Goenkar rabito
korun asat team desamni tacheo dakhovnneo khellovpak bhorpur magnnim
axil'lim, punn vimana-chea provasachi taka bhirant axil'lean, tannem
him magnnim nakarlim.
Konknni Tiatrachi xotabdi somorombhtana, Goenche Konknni Akademin,
Abrilache 20ver 1993 vorsa, Moddganvchea Gomant Vid-ya Niketanant,
tacher visor poddo nezo toslea vavra khatir, tacho bhovman kel'lo ani
taka puroskar bhettoil'lo. Teach vorsant, ani teach mhoineant, 21 ani
22 tarkher, sumar 24 tiatrist ektthaim ievn, tachea adharak, to
piddest astana khorch bhagounk mhonn, don dobajik songit-khell Ponnje
ani Moddganvam machier haddlele.
Gelea vorsant, Julaiachea poilea satolleant, hanvem tankam bhett
dil'li. Ten'na tannim khup kall, pott-kankrache piddent koxtt
kaddil'le. Khattir asonui, te bore ani suddsuddit uloitale. Mhaka
ievkar ditana, "Welcome to you John Kokoy oxem to udgarlolo ani ek
tas amcheo tiatrancheo khobro chol'leleo. Anik il'lo vell sarunk
tacho agro axil'lo, punn mhaka dusri anik eka tiatristachi mulakhat
axil'lean, thoim anik bosunk zomlem na.
Rosarion aple jinnek dimbi moddli Agostache 5 tarkher 2003 vorsa,
apunn zolmol'lech svater, mhollear Mazilvaddeant-Bannavlle 57
vorsanche piraier pavtana. Agostache 7ver (Brestara disa) sanjechea
3.30 vorar, tanchem pr�t ghorant thavn Dangvaddeantle Bhag. Antoniche
Kopelant vhelem. Thoim mis bhettovn ani nimanne sonskar korun, Povitr
Tritveche Igorjeche modunddent tem nikhipilem. Hea vellar, muzg,
sobar tiatrist ani tiatr-pollennar hajir asle.
GULAB upkarant.
- John Gomes Kokoy
ROSARIO RODRIGUES - Goencho Shakespeare
Itihasacho ulek kortana, kitleach tiatristank sttej-nanvamni ollkho-
tanv. Don toranchim him nanvam astat: poilem apkhoxen apnnail'-lem
ani dusrem heramni dil'lem. ROSARIO babacho aspav dusrea vorgant asa.
Konn taka Adhunik khell-tiatrancho bapui, zalear her taka Goan
Shakespeare hea nanvan besboro ollkhotat.
Konknni machiek tachem iogdan khub vortem, hantunt il'loi dubhav na.
Ek pavtt, Xiroddeant tacho HINDUSTANI CHEDDVAM ho khell-tiatr
choltana, tea disachea kollovnni porgottpean oxem jahir kelem: "Ani
atam, Rosario Rodri-gues-Goan Shakespeare, aplo voznadik tiatr
khelloitolo." Ten'na thavn, tiatristancho bhavki ani tiatr pollovpi
taka heach nanvan ollkhunk lagle. Mumboichea Rang Bhavan-ant, tache
eke dakhovnnek Bhov Xrest Kardial Saib Valerian Gracias mukhel pavnne
axil'le ani tanchea hatantlean Rosario babak ek iadostik bhettoil'li
tacher GOAN SHAKESPEARE oxem korantil'lem.
Bannavle, Holy Trinity High School hantunt xiktana, aplea rikamea
vellar to khell boroitalo ani te aplea sangateank xikovnn, intruzak
ani paskank khelloitalo. Oxem tannem chear-panch vorsam khell xikoile
ani zomnicher gazoile. Khellank vixoi venchtana, to soma-jik
noxttancher: zoxem gottasfott, kirmi, jinsanvar toramni monxa-
kullache hal korop ani koxe porim te-te poristhintlean suttave zavop -
heam soglleam karastanacher tachi likhnni bhor ghaltali. Ek kolakar
koso, machier ubho ravlea-ruch lok taka hanstalo ani zaite pavtti to
lokam borobor apunnui hanstalo ani oxem zatoch, tachea vangdda tiatr-
pollennar odikuch pott futtosor hanstale. Nimannea vorsamni, to svong
kortana porot-porot machier disonaslo; punn zobor zalear, ek-don vo
tin pavtti bhumikent rongbhuincher proves kortalo. Oslea tolacho unch
gunn axil'lo fokanner to aslo!
Purtugezintlean mullavem xikxonn ghetlolea, Bab Rosario-n Licev-
hachem panchvem voros sompoil'lem ani G�y suttavem zalam ten'na,
Inglezintlean bodol-nni kel'li. M. Com., Ph. D. podvi ghetil'lo;
prodheapok, arth ani sorkari kor lagpeank sol'lo divpi, Rosario,
Julhache 24ver 1948 vorsa, Felipino ani Natividade Rodrigues hankam
zolmol'lo. Tachi ghrokarn, Carmin bai, ankvar-ponnar ghovachea
tiatramni nhestali � ten'nach tim mogan poddlelim ani 1979 vorsa logn
zal'lim. Zorui tika tiatramni kam' korunk khup avoddtalem, logn
zatoch ti machier disli na. Tanchea ekvottache dog put asat. Vhoddlo
Floyd (22 vorsancho) pordesant asta, zalear dusro Dylan 12vi xikta
ani solfamni gittar vazoita. Rosa-riocho bapui, boro gitkar,
songitkar, ani ek boreantlo boro gavpi axil'lo. `Fuddlo kosta ani
fattlo xikta' mhonnttat toxem � Rosariok tia-tristponnachem dennem,
bapai koddchean ailem dista.
Eka kallar, Mumboichea mixian-kar tiatristamni Goenchea khell/khell-
tiatramni nachpi kolakaran-cher bohixkar ghatlolo � punn Ro-sario
baban fanki tiatrist: Jessie, Fatima, Ophelia, Bab Peter, Mike Mehta,
Anil Kumar, Betty Ferns, Betty Naz, Antonette, Platilda, Jephsis
Hitler ani Jacinto Vaz hankam aplea khell-tiatramni nhesoilim. He
toren, tannem khell-tiatr ani tiatram modhem ek mell korun haddlo.
Patrank sobhtat tosle kopdde nhespak, tannench suvat dil'li. Ani
heach khatir, Konknni machiek tachem iogdan vortem zavn gelem.
Zomnivelea khellam modhem, tacho SATIRA khell unchlea panvddear urta;
zalear he asat tache thodde bhov gazlele khell-tiatr:- MENAKXI, EKECH
RATRI, AMI FATOR, SURIA, FRANK SINATRA, EKLEANUCH POILA, CHEDDVAM ANI CHEDDE, TEM, EKLOCH TUZO, FATTIM PAVLO, PATKINN, UZVADD PALOILO, MHAKA TOCH KELO, MHAKA TUZO HAT ZAI, FULAM ANI KOLLE, KALLIM KHOTAM, HANV VATT CHUKLOM, ANIK EOK MHOI-NOM, BHUK, MHOJE VONIENCHO TO, DOLLE UGDDUN POI, FUDDLEA VORSAK, TUM ASLO? SUKH KHOIM ASA? RATCHI RANNI,
MHAKA JIEUNK DIAT, EKA DOLLEACHO RAZA , TI,TUKA RAVTA?, MHOZO UZVADD, GHARA IEA, MHOJEM KITEM KORTA? TUKA KONN MHUNNOM? AMI NIDHLEAT, HE ROSTE MOGACHE, KANKNNAM, LOK KITEM MHONNTTOLO? BHUR-GEM, SOPNAM, AMCHEM GHOR, SUKHACHIM ZALIM DUKHAM, HANV PISO, FUTTBOL MINGUEL, HO SONVSAR AMCHO NHOI, SONVSAR OSO CHOLTA, BARA VORSAMNI ani ASHRAM.
Khattir poddlolo astana sud'dam, tache likhnneche DEZEM-BRACHI 25
TARIKH, SAT ANI ATT ani AMKAM SOGLLEANK ZAI he khell-tiatr tachea
pongddan da-khovnn haddleat. Ani nimanne kodden, apunn morchea don
dis adim, aplea chegad ixttank (Vital ani Maxcy) apovn haddun, tannem
aplo ordkutto tiatr CHIKLANTLIM SALLKAM purn korun machier haddunk
vinonti kel'li. Ani tacheam xisamni toxem kelem-i bi.
Rosario, kitem-i novem sodhun kaddpant sodanch poilo aslo.
-1972 vorsak thavn, dedd-dedd tasancheo don parti asleo teo tannem
ekuch tin horanchi kel'li.
-Ulovpacho Kant-ant portun vapor zatalo � tem tannem bond kelem.
-FATTIM PAVLO, UZVADD PA-LOVLO, HANGA TO IETOLO & GHARA IA dakholl kortana , tannem machier novlam kel'lim tanchi ozunui iad ieta.
ROSARIO RODRIGUES
Survek thavn, ek-sarkim sumar 18 vorsam, him kolakaram tachea
pongddant axil'lim, David, Vital, Bobby, Catus, Joaozinho, Seby,
Filu, Gracinda ani Milly. Tea uprant kaim khellgodde zoxe: Mario
Menezes, Antoneta de Calangute, Rosy Alvares, Prince Jacob ani her,
ailim-gelim; punn Vital ani Maxcy tache donui hat zaunk pavle.
Tachea tiatranche proiog G�y dhorun, Mumbai, Punne, Belganv ani
Golfant zaleat. Inglanddant, Ka-naddant ani heram Goenkar rabito
korun asat team desamni tacheo dakhovnneo khellovpak bhorpur magnnim
axil'lim, punn vimana-chea provasachi taka bhirant axil'lean, tannem
him magnnim nakarlim.
Konknni Tiatrachi xotabdi somorombhtana, Goenche Konknni Akademin,
Abrilache 20ver 1993 vorsa, Moddganvchea Gomant Vid-ya Niketanant,
tacher visor poddo nezo toslea vavra khatir, tacho bhovman kel'lo ani
taka puroskar bhettoil'lo. Teach vorsant, ani teach mhoineant, 21 ani
22 tarkher, sumar 24 tiatrist ektthaim ievn, tachea adharak, to
piddest astana khorch bhagounk mhonn, don dobajik songit-khell Ponnje
ani Moddganvam machier haddlele.
Gelea vorsant, Julaiachea poilea satolleant, hanvem tankam bhett
dil'li. Ten'na tannim khup kall, pott-kankrache piddent koxtt
kaddil'le. Khattir asonui, te bore ani suddsuddit uloitale. Mhaka
ievkar ditana, "Welcome to you John Kokoy oxem to udgarlolo ani ek
tas amcheo tiatrancheo khobro chol'leleo. Anik il'lo vell sarunk
tacho agro axil'lo, punn mhaka dusri anik eka tiatristachi mulakhat
axil'lean, thoim anik bosunk zomlem na.
Rosarion aple jinnek dimbi moddli Agostache 5 tarkher 2003 vorsa,
apunn zolmol'lech svater, mhollear Mazilvaddeant-Bannavlle 57
vorsanche piraier pavtana. Agostache 7ver (Brestara disa) sanjechea
3.30 vorar, tanchem pr�t ghorant thavn Dangvaddeantle Bhag. Antoniche
Kopelant vhelem. Thoim mis bhettovn ani nimanne sonskar korun, Povitr
Tritveche Igorjeche modunddent tem nikhipilem. Hea vellar, muzg,
sobar tiatrist ani tiatr-pollennar hajir asle.
GULAB upkarant.
Gulf Goans e-Newsletter yahoogroups.com/group/gulf-goans/ Moderator Gaspar Almeida /Presented by Uly Menezes www.goa-world.com/goa/ since 1994. Thanks for the continued support of the www.goa-world.com/goa/ team.
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [email protected]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
Yahoo! Groups Links
http://groups.yahoo.com/group/gulf-goans/
[EMAIL PROTECTED]
