|
|
Jyanti ani Teo-chem logn, Ponn-an aslelea eke kolejint xiktana bandlelem. Jyanti Hindu ani Teo Kristi aslo. Zori tancho dhorm veg-veglo khoro, ponn tanchea kuttumbant, dhormachi, zat-khatichi forok mat nasli.
Xezareak aslelea Thelmachea ghorant bhitor sorunk, darar vo darachi gant'ti vazovpachi ghoroz Jyantik nasleli. Donui kuttumb, ekuch zalelea toren vagttale. Tinnem, getir aslelea box-antlo, "Gomantak Times" kaddlo ani vachit Thelmachea ghorant bhitor sorun, mottean aroddli.
"Vitt aili hea Goenchea rajkarnnachi. Pot dovdire protinidhini vaitt laili Goemchi. Amcho lok, kiteak mhonn nivddun kaddta kai tankam?"
Sokall fuddench salant karandai konnachi ti pollevpak Thelmacho ghorkar Tommy, kuddantlo bhair ailo ani salant pollelear Jyanti disaleam vachpachea boballacher, boball kori.
"Aichea disalear, rajinamo divn konnachi bhatmi zoran ailea tor?" .
"Rajinamo khoimcho? Goeant Raxtripoti Raj (President Rule) laglem.
"Kitem?", ojeapun ek dhanvti nodor paparacher Tommy-n marli.
"Kitle mhonn amche rajkarnni (politicians) ollxigechea rebddan jietelem? Bharatachea dusrea rajeam moddem Goeam unchlea zagear urta, ponn Goenchem montripodak zhogoddtelea fuddareani nanv piddear korun ghetlam".
"Adle Mukhi Montri Parrikaran, Ontoraxttrik Chollchirt Utsov (IFFI) Goeant haddun Goeamchem nanv sovnsarachea nokxar ghazoilelem", fattlea Novembr-Dezembrant, Ponnjent zalelea Chollchitr Utsovachi iad korun Tommy-n mhonnttlem.
"Ponn atam kitem? Sorkar moddpant, ghoddpant, rajinamo divpant, amdarank bepot'teaxir (kidnappings) korunk bhouch fuddem pavlam mhonn jogachea konxe-konxeani Goeamchem nanv lokvik zalam nhoi?".
"Vidhan Sobhent vixvas tharav pas korchea vellaruch ximbre, beiman amdar, gonitanim khelltat. Tuka poir mhonnttlelem hanvem. Ravonaslelea vellar venchnnukek tondd divnchem poddtelem ani Vidhan Sobhek osomik morn ietlem (unnatural death) ani Raxtripoti Raj Goeam lagu zatlem mhonn. Mhojem gonit sarkem zalem na?" Tommy-n, panch vorsancho kallbor ekui sorkar sodrer urona ani soddeak cholltele rajkarnnantli porostithi pollevn poir thedduch bhazarant mell'lle koden Jyantik, aplo husko porgoitalolo.
"Apsarvti amdarank thoddi tori loz asunk zai asli. Aple adhorx (moral) ani obhiman (dignity) ganank dovorleat tannim. Dongi (hypocrite) zaun aple dhei (principles) visorleat te. Adle amche vokhond rajkarnni sorgist Jack de Sequeira, Dayanand Bandodkar, P . P. Shirodkar ani her zaitea zannanim aple pokxa katir teag korun ani hanga thoim dudvam khatir makodd koche udki marinasta Goeamchi udorgott keli teach barrabor aplea pokxachem nanv rakhlem". Thoddi bhov adli rajkarnnantlem (politically) zanvi asleli Jyanti uloili.
"Aichem rajkaran (politics) fokot kodelicher dollo dorun chollta. Amdaranim, apleak nivddun kaddtelea motdorsonghachea lokachi seva korche boldek tanchi jinnuch dudvanche axek lobdoilea kai dista. United Goans Democratic Party (UGDP) tiketticher Jharkhand motdorsongan (constituencies) chear zageamcher umedvar nivddun aileat khoim. UGDP tiketticher nivddun ailele amdar Goeantuch tigonant zalear tuka dista Jharkhand-an te sarke tigtole mhonn? Vo Goeamche Vidhan Sobheche churchureanchi doxea kelea tech toren te thoimsorui korun ghetle kai?",
"Khorem mhollear Parrikaracho sorkar ekdom boro aslo ani panch vorsam sodrer astolo kai diso. To sodrer aso meren virodhi pokxachea vangddeank khainch luttunk mello naslem, ani heach khatir tachea sorkarak sodrevelo niklailo. Ponn, ani ek asa. Parrikarachei-i mendvank poddvechi chorbi choddleli ani naka tea suater bott lanvchem nhoi aslem thoim tannem aplo hatuch ghatlo. Suttke zhuzache chollvollichi VCD iskolant, kolejint xiktele vidhearteank dakhoun tanchea tornea gineanar goir-somoz khorcho ani fokot Goeant ekvottan cholltele donui dhorma moddem duspot korcho, ho tacho mukh hetu aslo ani...."
"Puro puro tumchem politik. Kedoi meren pottan pavonaslelo khobro uloitat. Tumi dogaim TV-ir vochun hi chorchea kiteak korinant? Konnui astolo tumchem aikupak. Gheait hi ghorom kofi ani heo chopateo khaeit". Thelma, tray-nt ghalun aslelim tin kofichim kopam ani chopatanchi plate mezar dovorun, Jyantiche tondda islean pollevn fuddem uloilem.
"Tumgelo Teo, koso asa go? Khub dis zale pollevnk nam taka", Jyanti boslelea stool laguinch asolea sofa tacher Thelma-n aple kule tenkhoitanam tika vicharlem.
"Tovui hea disanim ghorakodden politik game khellta", tinnem kofik ghontt ghetana khontt dakhoun mhonnttlem.
"Hea khepek Vidhan Sobheche venchnnukent dhavnni korpacho asa kitem?", moskoreanim Thelman prons kelo.
"Ago, amgelo ani tumgelo Tommy ekuch offisant nokri kortat. Nokri somplea uprant tumgelo soddanch vellar ghora pavta. Ponn amgelo hea disani khoim heddtta ti Isvorak khobor. Ani ojeap zaupachi ghoxtt mhollear, masam kaupi, soro pieupi monis hea disani apleak, fokot baji-palo, nistem, kharem, miskut, papad zai mhonn kestanvam korta. Okosmat tagelo jevnna-khannacho bodoll pollevn mhaka bhirant koxi laglea. Ghoddie, taka koslem tori duens bha zaunk na mugo? Heach katir hanv tumgher ailelim vicharunk..."
"Ha, ha, hoo ho", Pottar hat dorit Thelma hasunk laglem
"Tem, gombhir zaun uloita ani tum kitem kai mhollear hansta?", Tommy-n motte dolle korit aple bhailek vicharlem.
"Ago Jyanti, tujem 'karwachot' astam tedna tum dis bhor kaim kainastana upas-jinvar korta. He dis korezmache nhoi go? Thodde dadle korezmant soro, sigret soddtat. Zonvarachem mas kaunchem bond kortat. Tantuntlo tujo ekto ghov ghoddie asot. Hanvem aikolam Mazodd'ddeche igorjent sanjecho retir chollta mhonn. Babdo dev bhiranticho Teo, kamacho bhailea bhair thoim retirak vheta astolo. Amgeleak tem poddun ghelench na"?
"Ago, hoi mu go. Mhakai bi dhean na, Kosli mhonn dubhavi bail hanv? Ani hanvum-i mhakach mhonnttalim go. Hea disani amgelo, taplelea tovear chopateo kiteak bazina kai mhonn.
| |
| |
| |
| |
|
|
|
Pick of the Week:
Dear ex-Prime Minister
The Murder of Democracy in Goa
a TGF editorial
Celebrate Yahoo!'s 10th Birthday!
Yahoo! Netrospective: 100 Moments of the Web
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [email protected]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
| Yahoo! Groups Sponsor | |
|
|
Yahoo! Groups Links
- To visit your group on the web, go to:
http://groups.yahoo.com/group/gulf-goans/
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
