[Gulf Goans] Aitaracheo Kaskuleo: EK PAVTT VAREM LAGLEAR....

Lino B . Dourado Sat, 26 Mar 2005 12:36:05 -0800

www.goa-world.com presentation

Aitaracheo Kaskuleo:

Ek Pavtt Varem Laglear....

GILU: Kitloch vell zalo fon vaztta. Sarkoch zorgi (lazy) zala re tum? Receiver uklun fon konnacho to pollevnk zaina tujean? Kuznant gas-ir dudh dovorlelem asa tem tori polloun ghe ........(receiver uklun)..... Hello..... Konn uloita?

ILU: Hanv gho Filu....Happy Easter.

GILU: Wish you the same. Khup tempan mu gho. Koxim asat? Khoimchea mhoinnear pavla go tum?

ILU:Asat borim. Ho satvo chollta. Maichea 24vis tarik dilea

GILU: Kuidad boro toren ghe. Ho poilo gorb tugelo, delivery bore baxen zalear puro mhonn Deva thaim magtam.

ILU: Sasumai bori kalzi gheta mhoji, aplich dhuv zalelea porim.

GILU: Thoddeo astat boreo. Amchi sasu amchea ghorachea vhoddle sunnek borich sotaitali khoim. Borem zalem hanv ievnchea adinch one way ticket gheun gheli mhonn.

ILU: Rosarik wish korunk zai. Asa to lagim?

GILU: Kitloch vell fon vazta ani amcho kitem kai mhollear fonachea fuddeamnuch asa khoro ponn fon uklina. Gas-chullear dudh dovorlelem tem sodhun mhaka dhavun ievnchem poddlem. Boroch tapoun kaddlo ani dudhacher nodor dovorpak hangasorlo kuznant dhavndaun ghatlo.

ILU: Atam vhaddleleancherui tapsaneo ghalta gho tum? Poir shopping korunk ghelele kodden Magdu mevlelem ani tem sango tum ek koddok babysitter mhonn. Tujea fuddeant dovorlelea bhugeank tum favo ti xiddkavni dita ani bori xist (discipline) diun nittaier haddtta. Tachea dhuvek, tumgher dovorlele meren, ekdom mosti aslelem, xant zala khoim. Magdu, tujer khup khuxi asa.

GILU: Babysitting korpeani tache dhuvek nakarlelem (refused) asa, kiteak tem dusrea bhurgeam thaim ghorze bhair 'kismisanvam' kortalem mhonn. Khorem mhollear mhaka-i khuxi nasli. Aldonchea kumparichea utrak lagun toiar zalim mhojea fuddem dovorpak. Ponn taka ott (kondisanv) ghalun. Bhurgem mhojea fuddeant asta tea vellachi bazabdari mhoji. Ghoddie, dekhik hanv tapot, denkxet vo barik chimtto kaddit. Ghora kodden "aunty is shouting, beating" bhurgeanim kagall (complain) kelear, konnench mhojea thaim te babtin vichar korunk zavncho na mhonn hanv poilench nigut korun ghetam.

ILU: Tuje he koddok xistik lagun ofisanim kam' kortelo avoieo aplea bhurgeank tujea fuddean dovorunk soddtat.

GILU: Flat lhan aslelean hanv choddui bhurgeank ghenam, dekhunuch thoddim mhojer ragar zaleant. Ago uloitam, uloitam Johnachi khobor gheunk visorlim. Koso asa gho to?

ILU: Ratim komrant (benddan) dukhavoll ieta mhonn boball kori. Nigtoch farmasint 'pain killer' tablets haddunk ghela.

GILU: Choddui heo gullio boreo nhoi. Taka sang eucalit panam (eucalyptus) gheun ieo mhonn. Udkak boroch kotkotto kaddun eucalit panam xizoi ani ghorom-ghorom komra sakun udok votoi.

ILU: Bai, tum sangta tem sarkem asa. Hodd'ddean thonddi borta tedna il'lixi syrup ghe mhollear taka bhurgeam porim poratun, lag marun kulerin tachea tonddan lotunk zai. Tuka dista to mhaka aikotolo mhonn tuvem sanglam toxem korunk? Tumgher ievncho asa to. Taka maxe somzai

GILU: (Moskoreani mhonnttlem) Tuka aikona zalear, eucalitachim panam ghevn mhojea fuddeant dadhun di...........hello...hello

Filuchea mobile fonachem kard khobar zalem...Farmasint gelolo John ghorant ailo. John-an dusrem kard vikot haddlem ani mobile chalu kelo.

Giluchea bhurgeank khas ghorant bazleli Easter chocolate cake John-achea hatant diun Filu-n mhonnttlem. "Bhurgeank hi cake ditana mhojo beij di, ani ugddasan eucalitachi panam haddunk visronaka. Gilu-chea ghora samkararuch zhadd asa".

John scooter ghevn Gilu ravtelea bildinga sorxim pavlo. Gilu-cho xezari Shatish taka mevlo. Johnachea komorant dukhtelean, thoddim eucalitachim panam kaddun divncheak Shatishak poratlo. Festachea nanvan naka sokoilem domxunk tachea hatar ponas rupia ghalle.

Eucalit panam hatanuch dorun tannem Gilu-chea darar marlem. Paskamchim porbim diun Giluchea ghova-n taka ghorant ievkar dilo. Bhurgeamchea hatant cake dili. Gilu bhitor aslem tem salant ailem ani tachea hatan eucalitachim panam pollevn tothaklem.

"Hanvem, tuje bailechim fonkanddam kelelim", John-ank Paskamchim porbim ditana Gilun-n mhonnttlem ani fuddem uloilem. "Tujea komorant dukh aileli asa ani hea khatir Filu-k hanvem sanglelem eucalit panamchem udok xizoun tujea bendar ghalunk"

"Tannem mhaka panam ghevn.....", John-ank fuddem ulouncho bond korun Gilu-n apli ulovpachi girin porti chalu keli..

"Ti khobor asa mhaka. Tuji bail zanam hanv ek kodok babysitter mhonn. Mhojer bhovonso dovorun tuka mhojexim pattovla. Duensak lojunk zaina ani lojen ogi ravlo zalear fuddem mottear poddtelem mhonn bhirant asa. Ostori ghorbest zatoch dadlo voiz topasni korta tatun malis (malice) ani loz nasta. Hanv udok xizoita mhollear tujim aglim kaddun toiar rav...".............(trink...trink...salant sakun kuznant vhelolo cordless fon vazlo).

"Hello...Konn? Filu gho? Oi, oi pavla to. Huske naka tache pasot. Bhurgem konnachem-i tem zaum.

Tuka khobor asa mhoji zababdari khoxe toren palltam ti. Eucalit panam xizonk dovorleant. Tachea benddacho xekh kaddtam ani second production chalu korunk toiar kortam......

Lino B. Dourado

http://www.goa-world.com/goa/poems/

A Happy Easter to you all.

Mr & Mrs. Lino Dourado & Fly.

Gulf-Goans e-Newsletter since 1994

is archived at www.yahoogroups.com/group/gulf-goans/

PALLAM - entertaining, suspense presentation !

http://www.goanet.org/pipermail/goanet/2004-May/026415.html

http://www.mail-archive.com/[email protected]/msg12696.html

Honrado Goemcars

http://www.colaco.net/1/GreatGoans.htm

http://groups.yahoo.com/group/gulf-goans/message/5552

http://groups.yahoo.com/group/gulf-goans/message/5533

GOAN CULTURAL FEST 2005 IN AJMAN (U.A.E.)

http://groups.yahoo.com/group/gulf-goans/message/5404

Konkani Kovita: TUJEA PUTACHEA NANV

- Cajetan Godinho

http://groups.yahoo.com/group/gulf-goans/message/5553

KONKANI VCDs and CD Albums:

Email: [EMAIL PROTECTED]

To order, visit www.angelav.com

Upcoming Event in Kuwait: India Day - 1st April 2005 - Kuwait Entertainment City.

May Ball 2005 - 12th May 2005 - Safir Palace Hotel.

Share this LOVE movie www.TheLoveMovie.com

Goa's finest websites: http://www.colaco.net http://www.supergoa.com http://www.goa-world.com

EXPRESSIONS (Goa) http://www.goa-world.com/expressions/

Do you Yahoo!?
Yahoo! Sports - Sign up for Fantasy Baseball.

http://www.goa-world.com http://www.live365.com/stations/61664 Live Konkani Music http://www.mahableshwar.com/ Addresses: Post message: [email protected] Subscribe: [EMAIL PROTECTED] Unsubscribe: [EMAIL PROTECTED] List owner: [EMAIL PROTECTED] URL to this page: http://www.yahoogroups.com/group/gulf-goans

Yahoo! Groups Sponsor

Yahoo! Groups Links To visit your group on the web, go to: http://groups.yahoo.com/group/gulf-goans/ To unsubscribe from this group, send an email to: [EMAIL PROTECTED] Your use of Yahoo! Groups is subject to the Yahoo! Terms of Service.