[Gulf Goans] Aitaracheo Kaskuleo: Tsunami, Sogleankuch Thorthoraita

[Goa's Pride<www.goa-world.com>]

 http://www.goa-world.com presents:Aitaracheo Kaskuleo:  
Tsunami, Sogleankuch Thorthoraita 
 

 
Marsache 28ver, 2005 somdirachea pottantlo bhumkapicho  8.7 bollacho dhopko Richter Scale-cher pavun thoddeach goddie modem sonvsaracher thorthoro haddlo. Fatlea Dezembrache 26ver zalelim vaddolachim lharam (Tsunami) lokachea monant nigut (fresh) astana ani ek tosloch bollacho dhopko Indonesia, Samutra vatarantlea zumvear zalo. 
 
Inas, kan fulloun ani dolle TV-k chitkaun LIVE Telecast bhatmi aikotalo. Tachi potin Gilermina hatant madda (jireachi) feni bolt ani Bisleri soda gheun aili ani tachea khuxichea mezar dovorun porot bhitor vochunk kori. Ponn tichea-i kannar bhirankull bhuimkapachi bhatmi  poddtanch ti thoinch ubi ravli. Thoddo vell bhatmi aikolea uprant............
 
GIMINA: Mon'xeachim patkam chodda zaun Devak pasun rag ieta.
 
 INAS: Kaiche kai dhorm pisai uloun Devak guneavkari tharov naka. Devan rochlolo monisuch  sonvsarachem ghotton kortolo. Hanv oxem mhonnonk chuktta kai? Somdirant nuclear test kortat ani tacho porinam oso zata.
 
GIMINA: Na tor polle. Fattlea vorsa Natalamchea dusrea disa ani atam Paskamchi Porob zaun doriachea pottan bhuimkamp zalea.
 
INAS: Voilea contron room-antle, sonvsaracher nodor dovorpi borench festachem xekoun nidlele astele.
 
GIMINA:Ogi rav. Koslim mhonn heo moskoreo tujeo? Hanv ghombir uloitam ani tum sodam porim fonkanddam kortai. Ek sang, Tsunami lharam koxim nirman zatat?
 
INAS: Ho tujo ghov vidvan (scientist) nhoi, tori astana hanvem fatlea Tsunami voir kitem vachlelem tem sangtam. Tin mhoineam adim choddan chodd lok Tsunami mhonnttlelem noko aslo. Japani bhaxen Tsunami mhonnttat ani Inglezin tacho orth 'Harbour Wave''. Vhodd lharam jim dorantle bhuimkampintlean nirmann zatat ani mozbut zalolim him lharam eksarkea nettan khitle-i unch usllun dha pottim poros voir (ten times  from the level of sea), hozar kilomittor  odik pois dhanvun kiteacho-i ibadd korun uddoitat. 
 
GIMINA: Samutra vattar vo Indonesia des Goeam sakun kitloch hozar pois urta, ponn ghele Tsunami vaddollacho probhav Goencher legun zalo. Ponnje-Betim, St. Estevam, Kumbarjua kaim ponel ani nusteachim zallam ibadd zalelim ani Kankonna-Pallolem amchea kharvi bhavachea niste-bottimcher mar bosoilo ani kitlench lakamchem luskan zalem ani doria angnant ravtelim jivak bhievn dusrea pois surokxik suatancher davn marli. Zalear hem Tsunami-cho itlo nett koso zata? 
 
INAS: Tujea hea pronsnank zap divpak hanvem feni borich ghonttchi poddteli. Jitli udkachi kholai, titli hea vadollachi goti vo speed asta. Him lharam bhuimkampechea mazant thavn, soglea vattamnim dhavntat. Oslea lharank onnu (nuclear) bombanchem boll asa mhonnttat. Volcanic eruption hevui karannannk lagun vadollachim lharam nirmann zaum ieta.  
 
GIMINA: Arbi doria (Arabian sea) Agxikarank khup pois urta. Mhonnttoch ami surokxit asat mhollear zata?
 
INAS: Fatlea Dezembrant Tsunami-cho dhopko Mandovi nodhik laglolo. Mandvi ani Zuari nodhi Arbi somdirak melltat ani, amchem ghor pullak tekhun asa. Zuari pullachi oskotai Goenchea sorkarache political tsunami baxen, khoimchai vellar  kollsolun poddpachi bhoim asa. 
 
GIMINA: TV-chea bhatmidaran sanglam Tamil Nadu, Kerela ani dusre doria lagsor aslelea vattarantlea lokak tabortob surokxit zagear vechem mhonn. Doria lagsor aslolo Goemkar hi xiddkavnni gombhirponni ghetolo?
 
INAS: Doriachea bhuimkapean birankull zalelea vaddolanchim lharam doria kinarer pavunk sumar tin horam lagtat khoim. Atam, bhuimkamp zaun don horam sompleant. Amchea lokan apli surokxea ghevnk zai. Mhaka ugddas ieta mhojea Utodd'ddechea ixtt Lapittacho. Tannem aplea kuttumbak gheun Fonddem tikan kelam. Ho bhievkutto  ek dis mhaka sango porot Tsunami vaddolacho boball zalear Farmagudi  dongrar dhanv ghaltolo mhonn. Atam hea vellar ghoddie to thoim dongrar ghela astolo. Jitlo tum ucnh zagear ravta titlich tuji surokxea asta.
 
GIMINA: Hi Tsunami vattovpak mon'xea thaim kosloch upai na?
 
INAS: Polle mhoje baile. Tujo ek-ek prons mhollear mhojem jirem choddot veta. Hi ek soimik nisontonn ( natural calamity) Devanuch amkam nivarche. Bharotantle teach porim sonvsarache vidvan, Tsunami early warning system ek iontr kaddpachea boballar asat, ani tem toiar zaunk ek voros tori lagtelem khoim.
 
GIMINA: Ek voros? Tin mhoinem somptananch aichea Tsunami-n sonvsaracher thorthoro haddlo.
 
 
INAS: Keddnai-keddnai tuji urbechi tsunami challvolun mhojer akant haddtta tedna....?
 
GIMINA: Puro, puro, chodd uloilo tum. Gollea sokoll panch dynamite peg denvoileat tuvem. Tumi dadleani borench xekovchem ani tumgelo 'system' chollta toso korcho, hench tumchem kam'.
 
 

 
Lino B. Dourado                                              10/4/2005
http://www.goa-world.com/goa/poems/
 
      
 
 

The Death of the Holy Father http://frpat.com/jpii/jpiimenu.htm Gulf-Goans e-Newsletter http://www.goa-world.com/ The Goan Forum http://www.colaco.net/
 

�Maie mogan nomoskar, mozo noman. Maka khuxalkai bogta tumche sangata missachi bhett somorombunk.� (I offer you my greetings of love. I am happy to partake in this eucharistic celebration with you) - Pope John Paul's introductory speech in Konkani during his visit to Goa in February 1986.__________________________________________________Do You Yahoo!?Tired of spam?  Yahoo! Mail has the best spam protection around http://mail.yahoo.com 


http://www.goa-world.com
http://www.live365.com/stations/61664 Live Konkani Music
http://www.mahableshwar.com/


Addresses:
Post message: gulf-goans@yahoogroups.com 
Subscribe: [EMAIL PROTECTED]  
Unsubscribe: [EMAIL PROTECTED]  
List owner: [EMAIL PROTECTED] 
URL to this page: 
http://www.yahoogroups.com/group/gulf-goans 










Yahoo! Groups Links

To visit your group on the web, go to:http://groups.yahoo.com/group/gulf-goans/ 
To unsubscribe from this group, send an email to:[EMAIL PROTECTED] 
Your use of Yahoo! Groups is subject to the Yahoo! Terms of Service.