[Gulf Goans] AITARACHEO KASKULEO: Ostorek, 'Speed Limi' Nam ? (Boroupi: Lino B. Dourado)

[LINO B. DOURADO - http://www.goa-world.com]

 http: www.goa-world.com presentation 
 
AITARACHEO KASKULEO:
                                          Ostorek, ‘Speed Limit’ Nam?

 
 
 
Dr. Anil Usganvkar, Miramar axil’lea eka khasgi hospitalant Medicine and Research and Policy hea ud’dear nokri kortalo. Sanjechea sat horar ghorant pavpi monis. Punn tea disa ratchea nnov meren pott’toch naslelean tachea potinink husko  zal’lo. Tinnem fon ubharlo ani huxir zavnchem karan vicharlem tedna….
 
“Shuman mhaje sundore, poilem aikun ge. Ghora ievnk bhair soril’lom hanv. Punn hospitalant kitleoch noveo malaria-cheo kexio pavil’lean mhaka ievnk zalem nam. Ani atam…..”
 
Fuddlem aikun ghenastana Shuman uloilem “Jiv ghevpi malaria pidda partean aili? Anik kiteak ievnchi nam? Ponnje Rajdhanint favo to drainage system kaido pali nastanam  concrete-achi bandavoll korunk porvongi ditat nhoi? Imaroteo ubharunk tankam bhailea kamdanramchi (migrant workers) goroz poddta. Ani he kamdar tanchea rajeant asleli pidda ghevn Goeant ietat. Aichea disalem vachlam tumi? Tem vachunk tumkam time tori khoim asa? Ghelea panch mhoinem Janer tem Mai pottim 963 Ponnjentuch malaria-cho khexo nond zaleat. Tatuntle 78 tok’ke bhaile kamdarank zalea. Zori tor hem oxem vhaddot vochot ravlem zalear tumi, pavsalo somplea uprantuch ghora pavtele.”
 
“Shuman, sarkem aikun genastanam modinch boddboddum naka.”
 
‘Borem dotor bab, sang aikotam tori.”
 
“Thoddea vella adim mottor ghevn ghora ievnk bhair soril’lom. Miramar-chem circle, pavsachea udkan buddil’lem asa.  Kala Academy lagsar pavsachea buddtek lagun mottori fuddem vocho naxil’lean thoimsoruch partean hospitalant ailom.” Dr. Anil-an Shrimati Shuman-ank somzaili

 
“Teddnache Mukhel Montri Parrikar-an International Film Festival of India (IFFI) Goeant haddil’lo mhunn tumi khos zal’le nhoi? IFFI prokolp (project) suru korchea adinch udkache vall ani vatto nitoll dourina zalear, pavsalea mousumant vaitt porinam’ amkam bhogcho poddtolo mhunn Goeamchea budvontanim Parrikarak mhotvache proxn manddun xiddkail’lo. Punn tannem tanchem bikulll aikum nastanam, apleachim bolsam borunk zai mhonn Canada sakun bud-dinar (consultant) Mr. Mott haka ek kotti 95 lak rupia divn haddil'lo to kiteak? Ponnjechi rajdanni poileach pavsachea udkan buddouncheak? So mhoineam bhitor IFFI prokolp ubo kel’lo mhonn poskoto koso ful’lolo Parrikar, atam khoim lipla?”
 
“Shuman, bhextench abuzz zavnchi goroz nam. Huxir suddam zalo zalear ghora ietloch hanv. Goa State Infrastructure Developnent Corporation (GSIDC) hancho Chief Executive Officer Shri A Ghale pormonnem pavs tamblo mhonnttoch udok suktelem. Thoddeach vellan hanv ghora pavtolom,” Dr. Anil bhorvonxo divn uloilo.
 
“Khoimcho nalahak haddun GSIDC hacho chief kela? Tache porim anik khitle monis Parrikaran bhorti kel’le asat kai? Pavs tamblea uprant sukal zata mhonn sangunk, ek lhan bhurgeak porian ginean asa.”
 
“Saibini khatir ogi rav nhi?”
 
 “Borem asa. Atam pavs zhoddchel’lo bond zala. Tumi kitem mhonnttat. Koxei-i toren ietle vo nam?” 
 

 
“Sundore, aiz oputt humaleani uloita mhu?”
 
“Pavsacho humvar (flood) aila te toren mhagele angaru-i humvar ail’le bhoxen zalam.” 
 
 “Hum!! Somzolom hanv. Aiz tugelo Sonvar. Punn ghora  pavunk khoimchoruch marg mekllo nam”
 
“Sarkech  bhurgeam porim uloitat mure tumi? Miramar sakun Dona Paula junction-ar vochat ani thoimsorlean Bambolim meren pavpachi by-pass vo bhitorlo dongri rosto dhorat ani nitt Moddganv–Ponnje Highway-cher dhevnnnim uttharun, sokoil chear rostear uzvea vatten Chimbelcho rosto ghevn Ribandar pavat”
 
“Aiz akasmat humedichim bhavnam?”
 
“Jirchea adim sagil’lea margan ghora pavat nhi?”
 

 
“Shuman, Miramar savn Ponnjentlean Ribandar pavunk sat kilometramchi vatt, punn tum mhaka sola tem sotra kilometracho marg chuchoila to, petrolik khitlem luksan? Ani itlem petrol mottorint asa mhunn khoim?”
 
“Sapuch imteaponnam korchim nhoi”
 
“Tuvem sangil’lea lambdik margan ailom zalear mhojeo don trip-ichem petrol unnem zatlem” 
 
”Orxim mageli dusri trip marpak tumchea lagim subeij petrol asta mhunn khoim?” 
 

      
Lino B. Dourado

http://www.goa-world.com/goa/poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado

		Yahoo! Sports 
Rekindle the Rivalries. Sign up for Fantasy Football





http://www.goa-world.com
http://www.live365.com/stations/61664 Live Konkani Music
http://www.mahableshwar.com/


Addresses:
Post message: gulf-goans@yahoogroups.com 
Subscribe: [EMAIL PROTECTED]  
Unsubscribe: [EMAIL PROTECTED]  
List owner: [EMAIL PROTECTED] 
URL to this page: 
http://www.yahoogroups.com/group/gulf-goans 





  
  





  
  
  YAHOO! GROUPS LINKS



   Visit your group "gulf-goans" on the web. 
   To unsubscribe from this group, send an email to: [EMAIL PROTECTED] 
   Your use of Yahoo! Groups is subject to the Yahoo! Terms of Service.