OXEM MHAKA GHODDLAM
Vimantollar pavonk anik chear voram aslim, Mumboi Dhobitalao, Metro Cinema lagim hanv rosteache dusre votten vochonk SIGNAL bodolta kai mhunn poitalom. Tedna eka zanttea dadlean (65-70 vorsancho) mhoje pattir hat marun tum Goenkar baba? mhunn mhaka vichar kelo. Kiteak? mhunn hanvem portun vichar kortoch tannem mhaka upkar korun rosteache dusre votten vhor mhunn maglem.
Deva! Horxinch hanv taktint asam, ani hanvem azun kainch zagear ghalunk nam; amchea ganvchea kuddant (clubant) mhozo soglo vepar hanga thoim poddlolo aslo. Agent-an vellar pavonk sanglelem; atam duddu kitle urlele kai? Taxi korunk pavtole? Kai gaddien vechem poddttolem? Osleo chintnancheo ratti gheun hanv amchea kuddacho rosto choltalom ani tatunt ho.
Signal boldon hirvem ailem ani lokachi bhidd nettan vochonk lagli; dusrea ordan pavtoch hachea chopkeantlo suttttolom oxem chintta astana, tannem mhonnlem, baba tum khoim vochpacho? Vijaywaddi! monant rag haddun hanvem zabab dilo. Mhaka Sonapur Vienna hotelaxim soddxi? Atam te vatten vetam ani haka kitem nam mhonnom? Borem mhonnun hanvem tachea hatak dhorlo ani fuddli vatt ami cholonk lagle.
Tea zantteak cholonk mat borech tras zatale mhunn mhaka gomon ailem; panch- dha ghoddiank to thambtalo ani sovkas ullas soddttalo. Ekdam uncle, upkar korun matxe vegin kor mhunn taka agro kelo. Punn tannem kainch zap kaddinastana mhojea sangatak pavlam marlim. Tachea hotela sorxim pavta mhonnsor sumar vis-ponchvis minttam laglim. Hotela xim pautam tacho hat soddunk hanv kortalom, tedna tannem baba upkar kor ani mhaka mhojea kuddant pavoi mhunn maglem; mhojea hatak to ghott dorun aslo. Deva! Hem kitem?
Atam mhojem rogot matheak marpacho vell pavlo. Ek tor sanjechim sat voram vazlelim; ho mhojea sangatak naslo zalear hanv mhojea kuddant pautolom aslom. Mhojea khoddddear kitem poddlam tem ho khoim zanna? Hachean kuddant pasun vochunk zaina zalear, morta kiteak ektto hea hotelant? Osle ani anik sabar vaitt vichar mhojea monant uprasle; punn tonddak boll naslem hea zantteak sangonk. Polle uncle mhaka vell zata; hanv aiz Saudik vetam ani tin-chear voram modem mhaka vimantollar pavonk zai. xevottak hanvem taka ragacho uzo bhitor dhorun mhonnlem. Saudik veta? Zalear mhaka mhojea kuddant pavoi ani voch, mhunn porthun mhonnttoch, haka vhoron kuddant zalear kuddant soddtam, mhunn tachea kuddant vochpacheo xiddieo (stairs) ami choddunk lagle. Tea hotelache kaim moste chakor tachim naka zallea utramni khebaddam korunk lagle. Tannem aplea kuddaxim pavtam, mhoje lagim tea kuddachi chavi dili ani mhaka aplem kudd ugtem korunk sanglem. Borem uncle, atam vetam hanv, dararuch ravon hanvem mhonnlem. Punn tannem mhonnlem, Baba, tuvem mhaka mhojea hatak dhorun haddlo. Aiz kitlech dis zale hanv hanga asam, punn konnench mhojea hatak dhorlo nam. Tuka diunk mhojea lagim kainch nam. Punn tum aiz Saudik veta mhunn, hanv tujea pasot ek mis bhettoitam. Tuka vell asa zalear Hem aikon hanv sopnant asam oxem mhaka dislem. Tor ho ek padri! Ani Deva! Itlo vell suddam hanvem koslim vaitt chintnam monant haddlim? Tachea kuddant hanv bhitor sortoch tannem kuddant aslelem ek dhakttulem bag ugoddlem zatunt asleo sogleo vostu misak vapurpacheo. Sumar vis minttamni tachem tem dhakttulem mis somplem. Tachem besanv gheun hanv porthun mhojea kuddache vattek laglom.
Mis somplea uprant, apunn atam bospagari zalam mhunn mhaka tannem sanglem. Mumboi Chembur tachi ek bhoinn ani kaim soire-ixtt ravtale khoim. Ani Goeam tachea purvozanchem ghor-bhatt soglem ordem padd assa mhunn, tacho karbhar zagear ghalunk to Mumboi aple bhoinnik mellonk ailolo khoim. Dukhachi gozal mhollear tachea ghorcheamni taka lagim korunk nam. Hakach lagon to hea hotelant vosti korun aslo khoim!
Hanvem amchea ganvchea kuddant soglem zagear ghalun, kaim vellan vimantollar vochpachi vatt dhorli; mottorant boslom tedna kaim vichar mhojea monant aile. Hanv hea padrichea kuddant pavtam mhonnsor to ek Devacho charkor mhunn mhojea monant chintnam ailim nam. Urfattem, hanvem tache vixim mhojea monant naka zalelim chintam haddlim. Tea hotelachea chakrank pasun to ek padri mhunn khobor nasli kai? Devan taka muddom mhoje vatter ghatlolo kai? Ani hea padrichem nimnnem mis ani axirvad naslo tor mhoje sovem kitem zata aslem? 1991 vorsak mhojea jivitant ghoddleli gozal hi. Aiz hanv zaite pautti mhakach vichartam: zor hea padricho axirvad naslo tor hanv dusrea Goenkaram porim sonkoxttant buddttolom aslom? Kaim zonn nokreo suddam soddun gele. Punn hanv mat eke vegllech toren urlom. Duddu korunk mhaka ekar ek sondi melllli - hea padrichea magneamni kai? Tachem besanv ghetlem mhunn?
Ami amchem gaum-ghor soddun vetat tedna kitle zonn vochon aplea ganvchea vigarak-kurak-kopelanvak mellon tancho axirvad ghetat? Borem zalear mhojem, padd zalear? Aplea lagim aslelem nimnnem dan tannem mhaka bhettoilem ani mhojea jivitachi vatt heach axirvadan dusre votten vheli. Ghoddie aiz ho padri Devadhin zala zait. Punn mhojea jivitant, Saudi-Arabiachea upkhonddant, mhoje vatter fulam-follam bhorlim tim heach padrichea AXIRVADAK lagon mhunn hanv sot mandtam!
Noel Fernandes Athens, Greece
http://www.gulabonline.com/html/homepage.htm
This first of its kind Gulf-Goans e-newsletter is dedicated to Goans around the Globe. http://www.goa-world.com/ Team and founders are always the first to get you in the limelight - in the field of sports, politics, social, cultural, educational, other actitivity(ies) or to the benefit of Goans and Goa via its news services from professional journalists and supporters based in Gulf countries and worldwide. It is moderated by AlmeidaGaspar since 1994, and presented by Ulysses Menezes, owner of http://www.goa-world.com website. Any and all postings from Goans are welcomed - be it a Goan business enterprise, a Goan event/programme of cultural heritage, or of a personal nature. Thanks for the support to Goa and Goans. A movie for you to think for the day: http://www.forgivenessmovie.com/
Support the less fortunate: http://www.goa-world.com/goa/smtmem/
Upcoming Konkani Musical Show in Kuwait:
Comedian Philip's "TUM VHOIR AUM SOKOL" on 16th Sept. 2005.
Book early to avoid disappointment.
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [email protected]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
| Safat | Asian | 24 hour |
| Culture | Best wishes | Kuwait |
YAHOO! GROUPS LINKS
- Visit your group "gulf-goans" on the web.
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
