|
PONNJE XHARACHI PORISTHITI | ||
|
- Fr. Tomas Lobo
Lipstick Aunty Tem polletoch te aunty chi mhaka iad zali. Bhurgeponnaili khobor: Lhanponnar jednam ami supurlim bhurgim koxim xallek vetaleanv tednam eke aunty chea ghora samkavelean pasar zataleanv. Hi aunty amcho bhurgeancho khup mog kortali. Ti amkam vatter thamboun kednam-i aplea ghora vhortali ani chokletti, ghorant kellim godd-godd khannam khavoitali. Amcho bhurgeancho mog-moipas tika axillean amkam ti kiss ditali. Ticho kiss mhonnlear ugddas urpa sarko karann tichea onttank ti borich dhattaien lipstick laitali ani zankam ticho kiss melltalo tanchea polleancher tichean onttancheo nixanneo xhapun ietaleot. He auntyik zaiteam nanvamnim lok pachartalo. Konn tika motti aunty mhonnttalo kiteak ti angan khup motti asli. Dusrim tika choklett aunty mhonn ollkhotalim kiteak ti bhurgeank chokletti vantttali. Kaim zannam tika lipstick aunty mhonn pachartalim kiteak tiche ontt ti binddam sollam itlea tambddea lipstick an rongoitali. Tea disa Ponnje aslolea Kampal vattharant bhitor sorlole kodden Parrikar baban IFFI-chea nanvan lepddailolea ani bhailean hokol koxi nettoilolea Ponnje xharachi poristithi polleun te bhurgeponnaile aunty chi mhaka khup iad zali. Goyche porjechea ani eke kherit bhaxen Ponnjechea xharant ravtolea lokachea dolleank panam ani kanank vaingim bandun Parrikar baban Goyant IFFI haddlo. Sompork sadhnancho durupeog korun ani virodeank sotavun tannem koxe-i bhoxen apleak zai toxem Goychem rajkaronn choloilem. IFFI cholounk mullavi banddavoll ubi korunk vellacho unnav aslo-hi bhes bori khobor aslolean tannem taktiken dorjea sokoilo ani ordokutto vavr korun IFFI-ik Goychim daram ugtim kelim. Kitem tori hea vavrantlean Goykarank boreponn ietolem-oxem zaiteamnim ast ballgun ailoleam oddchonneank sosnnikaien fuddo kelo. Punn jea vegan tannem Ponnje xhar vhoilea-vhoir nettoilolem titleach vegan poilech pavsalleachea lottan ollxik zaunk pavlem. Udok vochpache vadi bond kellean Ponnjent poilech pavtt bhuddtti ievpak lagli 24 kruttanim renovate kellem Kala Academy ghor poilech pavtt ponvunk laglem. Campal vattharant rudailolo ani chokchokit kello rosto udkacho vhall zaun tantunt zollari ani bebe aplim biraddam gheun sorvbhonvtim jietoleam lokanche hal kortat. Ponnje tem Dona Paula ghatloleo laittii pavsachea koddkoddean bikbikunk lagleot. Adli Medical College tem Kala Academy meren sinemachea xixt lokank cholunk rostear ghatloleo tiles vhoir sorun mottor-gaddio choloiteleank ho rosto bhoinkrut (dangerous) zaunk pavla. Hem sogllem polletoch Parrikaran IFFI chea nanvan Goychea lokak fottoilet mhonn sidh zata. IFFI somoiar zaiteamnim tachi tust keli. Khoincheach mukhel montrean korun dakhounk nam te bhoxen tannem Ponnje xhar kelam oxem zaiteanchem mhonnnnem aslem. Punn atam Goyche mukhel xharachi durdoivi poristithi polleun oxem dista ki Parrikar bab ani tacho sorkar khoincheai sorkarak sor korunk zainam IFFI-chem dhong gheun, fuddle sat venchnnuko loddunk tannim kruttamnim duddu komailo. Noich te broxttacharan burxelle ani matlele punn Goyche porje modem futti ani dusvas rigounk dhormad nettan tannim choloilo. Dhormachea nanvan RSS poromporavadi tachea fattbolla khal Goyche xant ani povitr bhumier uchambollaiecho ani vikottaiecho ner vistarunk ugtteponnim bhonvlet. Parrikarache sasaien sorkari khateamnim motteam zageancher RSS-achi vichar-dhara manteleank bhorun kaddlet ani akkhim sorkari khatinch tannim bhitorlean broxttacharache ani dhormvadache mellsannin duxit korun soddleant. BJP-chem. Khorem soimb ani Parrikarachim koleachim kortubam atam soglleank disun ailim. Bailean sogllem chokchokit korun bhitorlean vikh bhorun rajkarbhar choloillea ghatmareank fuddarak Goychem raj cholounk kosloch odhikar nam. Hea fuddem lipstick-acho ani mascar-cho make-up lavun Goykarank dipkavunk ani bhulovunk sodteanchea manddnniam vixim chotur ravop gorjechem. Dhormvadachea vikan ani broxttacharachea ghannin bhorlolea BJP pokxak kednach Goyant apli tokli suddam uklunk diunk favo nam. Goykaramni Bharotachea 58vea svotontrtaie disa somoiar nichev korcho ani Hea fuddem Goychem sudharop kortele nivoll monis ani sorkar vinchun kaddtele ani tanche koddsun nivoll rajkarbhar magun ghetole mhonn soglleam Goykaramnim Bharotachea 58 vea svotontraie disa nimtan nichev gheuncho ani to khoro zaunk gorjechim panvlam marchim.
- Forwarded by http://www.goa-world.com | ||
This first of its kind Gulf-Goans e-newsletter is dedicated to Goans around the Globe. http://www.goa-world.com/ Team, moderated by Almeida Gaspar since 1994, and presented by Ulysses Menezes, owner of http://www.goa-world.com website. Any and all postings from Goans are welcomed - be it a Goan business enterprise, a Goan event/programme of cultural heritage, or of a personal nature. Thanks for the support to Goa and Goans.
Support the less fortunate: http://www.goa-world.com/goa/smtmem/
Thought for the Day: Truth is the only safe ground to stand on.
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
http://www.goa-world.com
http://www.live365.com/stations/61664 Live Konkani Music
http://www.mahableshwar.com/
Addresses:
Post message: [email protected]
Subscribe: [EMAIL PROTECTED]
Unsubscribe: [EMAIL PROTECTED]
List owner: [EMAIL PROTECTED]
URL to this page:
http://www.yahoogroups.com/group/gulf-goans
| Gulf coast real estate | Gulf shore al real estate | Gulf shores condo |
| Gulf shores real estate | Asian manufacturer | Gulf coast condo |
YAHOO! GROUPS LINKS
- Visit your group "gulf-goans" on the web.
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
