[Gulf Goans] Lipincho Ghuspagondholl

Wed, 19 Oct 2005 20:45:19 -0700

Lipincho Ghuspagondholl 
Hea disamnim, konn-konn kitem-kitem mhonnit asat. Konnem “don panam” kelim, konn “saffron” nhesla, konn kruttpoti zala, konn Songh Porivarant vo RSS-ant rigla, konn “oddecho ponddit”, konn “murkh”. Konn “hoi” mhonnta zalear, dusro “na” mhonnta. Konn dusreanchea sangnn-eacher aplem ‘sup’ dhorta. Oxem ami kelem mhonn ani ‘kombeak panttlea ponda’ ani kallokhant dovorlo mhonn, fantem zainastana ravchem na.
Mhoje thodde mud’de asat, te hanv sokla ditam. Tankam konn tori, itihas aplea podrak dhorun, ani torkik totvam gheun, zobab ditolo mhonn hanv axen ravtam.

1. Ganvchi Bhas (Lingua da terra) xikpa pasot, Sollavea xekddeant (1576?) Saxttint (Salcete) Mixionaramnim ek ‘Collegio’ ghali. Tea vorsa 8 xikpi asle. Tannim aplea modem ani ganvchea loka thaim ganvchich bhas ulounchi mhonn tanchea Vhoddilan (Padre Visitador) tankam hukum’ ghalo. Titlench nhoi, vachunk ani borovnk ganvchea okxoramnim (caracteres do paiz) tannim xikchem mhonn formailem. (Oriente Conquistado, tomo 2, Conq.1 div. 2, par.9). Khoinchim okxoram tim? Tea kallar kitem tori konn boroitalo kai? Goeant, Mungllurant ani ontor’raxttrik mollar nam’na zoddlele, Dr. Pratap Naik mhonntat tea pormonnem, tim Devonagori okxoram aspak zai oxem dista. Dr.Pratap boroitat: “Konknni borovpachi survat Goeant Sollavea xekddeant ailolea Fransiskan ani Jezuit padrimnim keli. Tankam Romi lipi ietali. 1556 vorsa Pornnea Goeant Jezuitamnim Asientlo poilo chhap-khanno suru kelo. Hea chhapkh-anneant Konknni pustokam Devona-gori lipintlean chhapunk khille (fonts) nasle. Hea don mukhel karonnank lagun tannim Konknni khatir Romi lipi vaporli…”(‘PORMOLL’, Dezembr 2004, pan 30 ani “RENOVACAO”, November 1-30, 2004, page 14) Dr. Olivinho Gomes oxem mhonnta:“Zorui khobor mellta ki Pri Thomas Stephens-an devonagori okxoram borovn ttoxe koddovn haddche khatir tanchi magnni Purtugalak dhaddloli, torui tem tanchem magnnem follak ailem na.”(PORMOLL, Dezembr 2004, pan 23).

2. Sahiteo Akademin Konknni Bhaxek maneotai dilea ti Bhaxek ani nhoi tiche Lipiek. Hem borobor asa. Mhonntoch, khoinche-i lipien boroilele Konknnik maneotai mellunk zai. Bharoteo Sonvidhanan Hindi Raxttrbhas tharailea. Hindiche Lipiecho ul’lekh kela kai? Khoinche-i Lipientle Hindik Raxttrbhas mhonn man’tat kai?

3. Devonagori lipientle khille tankam mell’lele zalear, voir hanvem mhonnlam te porim, sollavea xekddeant thavn Devonagorint chhaplelim pustokam amkam ghoddie melltolim aslim. Punn tankam “ganvchi bhas” Romi lipien boroun gheupak kitle tras poddle tanchi khobor bes-bore toren “ORIENTE CONQUISTADO” hem pustok amkam sangta. Arvil’lea kallar Konknni Devonagorint boroupachi buniad konnem ghali tor? Mhojea motan, Kristanv somaza modem tori, hi buniad Mons. Dalgado hannem ghali. Tannim aplo “Diccionario Konkani-Portuguez” Devonagori Lipient manddun haddlo. Goeant tem sompeponn naslem dekhun, to Mumboint 1893 vorsa chhaplo. Teach pustokant, spoxttponnim, Konknnichi khori Lipi Devonagori mhonn te sangtat.

4. He vo te lipiek hinnsavop sarkem na. Konknni khatir Devonagori Lipi vaprop mhollear ek murkhponn mhonnpi amche modem konn ek zannkar uprasla khoim! Devonagori Lipi sodpi, sollavea xekddeantle Mixionar murkh asle kai? Mons. Dalgado tea murkhantlo eklo tor! Dalgado Koknnni Akademi -chea vevosthapokachi, he sombondim, kitem tori zap mellot kai?

5. Romi lipien itlim vorsam boroilam mhonnunuch, Manest Padri Morenok lipiencho boro onnbhov asa. Heach onnbhovantlean tannem aplem mot ugteponnim sobhemazar sanglam. Mhonntoch taka “don panam korpi” mhonn okmanaupachem? Mons. Dalgadon kitem-i Konknnint boroilam zalear tem Romi Lipienuch boroilam. Punn te Konknnichi sobhavik lipi Devonagorich mhonntat tem koxem? Tim-i bi “don panam”?

Vavraddeancho Ixtt -achea Julai 30velea ankar, Romi-Kon’nodd ekvott zala mhonn hanv chodd khoxi. He babtint, Sahiteo Akademixim vochpache asat hemvu-i vachun, mhaka chodd borem dislem. Khoinche Lipien boroilele Konknnik maneotai dilea tem Akademi thaim vicharpachem ani tea pormonnem ‘Suprim Korttant’ vochpachem. Vorsam zalim, uloupant ani borovpant hem hanv sangot ailam. Veginuch tannim hem panvol ukholchem mhonn hanv tanche kodde magtam. Unnim-xim 30 vorsam –ek pillgi – amchim bhurgim ani tornnattim Devonagorintli Konknni xikot aileant. Tanchea monar ho ghuspagondoll nirmann zala to somptolo!

 

Jaime Couto

 www.v-ixtt.com

 



This first of its kind Gulf-Goans e-newsletter is dedicated to Goans around the Globe. http://www.goa-world.com/ Team, moderated by Almeida Gaspar since 1994 & presented by Ulysses Menezes, owner of http://www.goa-world.com website.

Upcoming events in Kuwait:
* Colva Feast of Infant Jesus on 27th Oct. 2005 at Holy Family Cathedral celebrated by Colva United Centre (CUC)
* BBSC Fiesta 2005 - 3rd Nov. 2005 organized by Bombay Boys Sports Club.
* The Sentinels presents "COUTURE MANTRA 2005" - multidimensional Fashion Show & Theme Party on 10th Nov 2005 at Faker Eldeen Palace.
* Traditional Colva Nite on 24th Nov. 2005. Details Tel 2613680, 2648731
* Goan Heritage Program organized by Club.9 at Hilton Kuwait with "Pure Magic" & "Stepping Stones" on 8th Dec. 2005.

CLEAN GOA Initiative
http://www.goa-world.com/goa/clean/

'Speak Konkani, Save Konkani’ http://www.goa-world.com/goa/konkani
'Konkani uloi, Konkani samball' http://mangalorean.com/konkani/archive.php?ltype=Lesson

Yahoo! Music Unlimited - Access over 1 million songs. Try it free.

http://www.goa-world.com
http://www.live365.com/stations/61664 Live Konkani Music
http://www.mahableshwar.com/


Addresses:
Post message: [email protected]
Subscribe: [EMAIL PROTECTED] 
Unsubscribe: [EMAIL PROTECTED] 
List owner: [EMAIL PROTECTED]
URL to this page:
http://www.yahoogroups.com/group/gulf-goans




YAHOO! GROUPS LINKS



Reply via email to