ಲಾವಣಿ ಶೈಲಿಯ ಪರಿಸರ ಗೀತೆ... ಕೇಳಿರಿ ಕೇಳಿರಿ ಊರಿನ ಜನರೇ ಸಾರುವ ನಮ್ಮೀ ಲಾವಣಿಯ, ನಾಡಿನ ಜನತೆಗೆ ಹಿತವನು ಹೇಳುವ ನಮ್ಮೀ ಸುಂದರ ಸವಿನುಡಿಯ||
ಕಾಡನು ಬೆಳೆಸಿ,ನಾಡನು ಉಳಿಸಿ ನಲಿಯುತ ಬದುಕಿರಿ ನೀವಣ್ಣ, ಮರ ಗಿಡ ಕಡಿದರೆ ಬಾಳೆ ಗೋಳು ಅರಿತು ಬದುಕಿರಿ ನೀವಣ್ಣ|| ಕೈಗಾರಿಕೆಗಳ ಮಲಿನ ತ್ಯಾಜ್ಯವು ನದಿಗೆ ಸೇರಿದೆ ನೋಡಣ್ಣ, ಅದೇ ನೀರನು ಸೇವಿಸೆ ದೇಹವು ರೋಗದ ಗೂಡು ಕೇಳಣ್ಣ|| ಕಾರ್ಖಾನೆಗಳ ಹೊಗೆ ಕೊಳವೆಯು ತಾ ಉಗುಳಿದೆ ವಿಷವ ನೋಡಣ್ಣ, ವಾಯುಮಾಲಿನ್ಯದಿ ಗಾಳಿಯೇ ವಿಷವು ಬದುಕೇ ದುರ್ಭರ ತಿಳಿಯಣ್ಣ|| ಪಟಾಕಿ,ಬಾಂಬು,ವಾಹನ ಸದ್ದು ಶಬ್ದ ಮಾಲಿನ್ಯ ಕೇಳಣ್ಣ, ಶಾಂತಿಯು ನಾಶ,ನೆಮ್ಮದಿ ಹಾಳು ಕಿವಿಯೇ ಕೇಳದು ನೋಡಣ್ಣ || ಅಶುದ್ಧ ಗಾಳಿಯು, ಕಲ್ಮಶ ನೀರು ಬಿಸಿ ಬಿಸಿ ಬಿಸಿಲು ಈಗಣ್ಣ, ಪರಿಸರ ನಾಶವೇ ಇದಕೆ ಕಾರಣ ಎಚ್ಚರಾಗಿರಿ ನೀವಣ್ಣ || ಭೂಮಿ ತಾಯಿಯ ಗರ್ಭವ ಸೀಳುತ ಅದಿರನು ತೆಗೆದಿರಿ ನೀವಣ್ಣ, ಗಣಿ ಮಾಲೀಕರ ಸ್ವಾರ್ಥ ದಾಹಕೆ ನೆಲವೇ ಬರಿದು ಕೇಳಣ್ಣ|| ಖಾಲಿ ಜಾಗದಿ ಗಿಡವನು ನೆಟ್ಟು ಪೋಷಿಸಿ ಬೆಳೆಸಿರಿ ನೀವಣ್ಣ, ನೆಲ ಜಲ ವಾಯು ಮಾಲಿನ್ಯ ತಡೆಯುತ ಬದುಕಿ ಬಾಳಿರಿ ನೀವಣ್ಣ|| ಪರಿಸರ ರಕ್ಷಣೆ ನಮ್ಮೆಲ್ಲರ ಹೊಣೆ ಅರಿತರೆ ಬಾಳು ಸೊಗಸಣ್ಣ , ನೆಲ ಜಲ ಅರಣ್ಯ ರಕ್ಷಿಸಿ ಉಳಿಸೆ ಬದುಕೇ ಹಸಿರು ಕೇಳಣ್ಣ|| (ಕೃಷ್ಣ ಡಿ.ಎಸ್.ಶಂಕರನಾರಾಯಣ) -- ----------- 1.ವಿಷಯ ಶಿಕ್ಷಕರ ವೇದಿಕೆಗೆ ಶಿಕ್ಷಕರನ್ನು ಸೇರಿಸಲು ಈ ಅರ್ಜಿಯನ್ನು ತುಂಬಿರಿ. -https://docs.google.com/forms/d/e/1FAIpQLSevqRdFngjbDtOF8YxgeXeL8xF62rdXuLpGJIhK6qzMaJ_Dcw/viewform 2. ಇಮೇಲ್ ಕಳುಹಿಸುವಾಗ ಗಮನಿಸಬೇಕಾದ ಕೆಲವು ಮಾರ್ಗಸೂಚಿಗಳನ್ನು ಇಲ್ಲಿ ನೋಡಿ. -http://karnatakaeducation.org.in/KOER/index.php/ವಿಷಯಶಿಕ್ಷಕರವೇದಿಕೆ_ಸದಸ್ಯರ_ಇಮೇಲ್_ಮಾರ್ಗಸೂಚಿ 3. ಐ.ಸಿ.ಟಿ ಸಾಕ್ಷರತೆ ಬಗೆಗೆ ಯಾವುದೇ ರೀತಿಯ ಪ್ರಶ್ನೆಗಳಿದ್ದಲ್ಲಿ ಈ ಪುಟಕ್ಕೆ ಭೇಟಿ ನೀಡಿ - http://karnatakaeducation.org.in/KOER/en/index.php/Portal:ICT_Literacy 4.ನೀವು ಸಾರ್ವಜನಿಕ ತಂತ್ರಾಂಶ ಬಳಸುತ್ತಿದ್ದೀರಾ ? ಸಾರ್ವಜನಿಕ ತಂತ್ರಾಂಶದ ಬಗ್ಗೆ ತಿಳಿಯಲು -http://karnatakaeducation.org.in/KOER/en/index.php/Public_Software ----------- --- You received this message because you are subscribed to the Google Groups "KannadaSTF - ಕನ್ನಡ ಭಾಷಾ ಶಿಕ್ಷಕರ ವೇದಿಕೆ" group. To unsubscribe from this group and stop receiving emails from it, send an email to kannadastf+unsubscr...@googlegroups.com. To post to this group, send an email to kannadastf@googlegroups.com. For more options, visit https://groups.google.com/d/optout.