Baraya, Madungdengkeun Si Kabayan, ditinggal tina panempo mana wae, ceuk kuring mah kaci wae. Ceuk sakaol, Si Kabayan mere gambaran pamalesan, kaci we, apan bisa katitenan dina carita nu sumebar jeung kacatet di masayarakat. Naha enya mun urang napsirkeun Si Kabayan pamalesan, eta hartina urang can bisa asak mikir? Ah ceuk saha, asak teu asak mah masalah interpretasi. Urang teu boga hak ngahakiman kana pamadegan batur nu beda. Ari perkara interpretasi tea, pasti tiap jalma bakal beda-beda gumantung tina palebah mana nempona.
Upama rek ditafsirkeun carita Si Kabayan teh ngandung siloka pesekeun, nya kaci oge. Asana ieu perkara teu spesifik keur carita Si Kabayan. Tiap carita rakyat mana wae, jiga Si Kabayan di Tatar Sunda, Si Palui di Pulo Borneo, oge Pak Belalang di Pulo Andalas, jeung sajabana bisa wae ditafsirkeun ngandung siloka atikan atawa nilai moral. Pasualanana ayeuna, numutkeun kuring mah, urang KURANG BOGA RUJUKAN TAFSIR SI KABAYAN CEUK URANG SUNDA, malah boa lain KURANG BOGA tapi TEU BOGA, hehehe. Tah ku kituna, upama urang hayang mere citra yen SI KABAYAN TEH LAIN PAMALESAN tapi PAHLAWAN NU NYAMUNI, tarekahna taya deui, KUDU DIBANJIRAN IEU JAGAT KU TAFSIR SI KABAYAN NU POSITIF. Para pendekar Sunda kudu daraek nuliskeun pipikiranana. Ari kaayaan ayeuna jiga kumaha? Apan JURU TAFSIR PANTUN SUNDA oge Kang Mas Yakub Sumarjo. Hehehe. Salam, MH --- Iwan H <[EMAIL PROTECTED]> wrote: > Kuring satuju jeung kang Dien, yen carita si Kabayan > teh ngarupakeun hiji simbol atawa siloka, bahkan > numutkeun Achdiat Kartamihardja dina panganteur > buku "Si Kabayan, Manusia Lucu", carita Si Kabayan > teh ngarupakeun "kritik diri" masyarakat Sunda > sorangan, ngaliwatan si Kabayan urang Sunda geus bisa > nembongkeun yen dirina teh lain jelema anu atah > jiwana sabab ngan jiwa anu geus asak anu bisa > nyeungseurikeun diri sorangan. > Salian ti eta perlu diinget lamun urang geus bisa > seuri sanggeus ngadenge > carita si Kabayan, urang sok terus dititah mikir > mikirkeun naon anu > dicaritakeun, numutkeun Poerbatjaraka eta teh > ngarupakeun humor tingkat > tinggi, nyaeta humor anu nitah urang seuri tapi > saenggeusna nitah mikir. > Kolot urang baheula lamun mapatahan budak (mere > atikan) tara togmol tapi sok > disilokakeun jeung kaharti keur budak harita mah > (lamun keur budak ayeuna > mah moal pihartieun, hehehe...). Atikan anu aya dina > naskah kuno (misalna > Sanghyang Siksa Kandang Karesian) oge pinuh ku > siloka anu pada ahirna nitah > urang mikir. > Muga-muga bae urang kaasup jelema anu asak jiwana > anu geus bisa nyeungseurikeun diri sorangan (ceuk > basa ayeuna mah anu geus bisa mere nilai ka > sorangan), lain saukur bisa nyeungseurikeun batur > atawa saukur jadi jelema anu ngan saukur > diseungseurikeun ku batur. > Lamun urang nganggap si Kabayan saukur jelema bodor > jeung pamalesan wungkul, > hartina urang can bisa neuleuman naon anu dikandung > dina carita si Kabayan, > anu nerap saukur kalucuan jeung kamalesanna wungkul, > urang can bisa mikir > makna naon anu aya dibalik carita si Kabayan, > hartina urang masih keneh > karek bisa nyeungseurikeun batur can bisa > nyeungseurikeun diri pribadi, > saukur bisa nyarekan atawa nyalahkeun batur can bisa > nyalahkeun diri pribadi. ku kituna naha enya urang > sunda teh geus asak jiwana ? (hayu urang pikiran > deui). > Cag. > > hatur nuhun, > Iwan ===== Situs: http://www.urang-sunda.or.id/ [Pupuh17, Wawacan, Roesdi Misnem, Al-Quran, Koropak] __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com PENTING..! attachment akan dihapus & tidak diteruskan kepada seluruh member. dilarang beriklan. pelanggaran atas peraturan ini akan dikenai sanksi berupa pencabutan membership. terutama bagi pengguna ms outlook/outlook express, dihimbau untuk selalu mengupdate antivirusnya. Yahoo! Groups Links <*> To visit your group on the web, go to: http://groups.yahoo.com/group/kisunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
