Baraya,
1. Bubuka
Tos lami urang teu madungdengkeun deui garapan Kusnet bab digitalisasi
Pustaka Sunda (PS). Sakumaha urang sadaya mafhum, garapan ieu diluluguan
utamana ku : MH (Mang Hasan: Harjasantana Purba, urang Garut asli, sanajan
nganggo "purba" oge; [EMAIL PROTECTED]); ki Adi/pituin anu nuju di Abu Dhabi
(Kang Rudy : [EMAIL PROTECTED]); sareng Kang Kumi (Kang Iskandar Adnan :
[EMAIL PROTECTED] , [EMAIL PROTECTED]) sareng pangrojong anu ageung ti Kang
Ganjar (salah saurang profesor anu haat aktif icikibung di milist).
Ieu tim anu ngagarapan PS kalawan pola gawe ngalangkungan alam maya teh
baheula mah disebutna : "The Dream Team". Duka naon sababna atawa tujuanana
pangna disebut kitu teh. Anu jelas, karya-karya ieu tim teh parantos
maparinan hiji "benchmark" gawe bareng ngagarapan pustaka Sunda dina wanda
alam internet. Sababaraha karya garapan tim diantarana: digitalisasi "Rossdi
jeung Misnem", oge anu teu acan rengse, majalah "Poestaka Soenda" tea. Insya
Alloh, sakumna anu gaduh akses ka internet, bil khusus urang Sunda, ka payun
tiasa ngakses buku-buku jeung rujukan pustaka Sunda baheula dina wangun
digital, diantarana: "Roesdi jeung Misnem" jeung majakah Sunda tahun 1920-an
: "Poestaka Soenda" anu ngandung peperenian kasundaan anu sanes lumayan
deui.
2. Neng Siti, anggota tambihan Tim PS
Saterasna, patali sareng garapan digitalisasi PS ieu, dina danget ieu
alhamdulillah urang tos gaduh tambihan anggota tim, nyaeta kersana Neng Siti
Kamilah ([EMAIL PROTECTED]), sarjana sastra Sunda anu sadidintenna aya
di lingkungan UNPAD. Neng Siti teh ayeuna parantos ngawitan ngagarap
digitalisasi PS anu salami ieu teu acan katoel. Hatur nuhun ka Kang Ganjar
anu parantos nyambungkeun Kusnet ka Neng Siti. Atuh Neng Siti ku anjeun
ayeuna parantos janten anggota Kusnet.
3. Bewara ti Neng Siti
Saterasna (deui wae), neng Siti nembe ngaharewos dina ym, punten, saurna,
pangbewarakeun ka milist, khususna ka anggota tim PS. eusina bewara teh kieu
:" punten bewarakeun ka baraya anu gaduh pancen kanggo ngedit naskah poesaka
Soenda..upami peryogi program kanggo ngedit eta naskah, mangga tepangan siti
wae, di UNPAD". Samemeh ka UNPAD, aya saena ngontak heula anjeunna
ngalangkungan alamat e-mailna.
4. Ngingetan
Kanggo ngemutkeun deui sareng uar pangajak wae ieu mah. Anggota "the dream
team" PS anu salami ieu parantos nembrakkeun kasanggupanana ngarapan
digitalisasi buku-buku pustaka atawa bacaan basa Sunda diruntuykeun di
handap. Aranjeunna teh nyaeta:
- Zamhur, [EMAIL PROTECTED] , Jakarta, Indonesia
- Iyan, [EMAIL PROTECTED] , Batam, Indonesia
- Panzi, [EMAIL PROTECTED] , Batam, Indonesia
- Durahman, [EMAIL PROTECTED] , Jakarta, Indonesia
- Irpan Rispandi, [EMAIL PROTECTED] , Jakarta, Indonesia
- Ikmal, [EMAIL PROTECTED] , Jakarta, Indonesia
- Muhamad Sulkan, [EMAIL PROTECTED] , Jakarta, Indonesia
- Taso Komiko, [EMAIL PROTECTED] , Bandung, Indonesia
- Eneng, [EMAIL PROTECTED] , Jakarta , Indonesia
- Dudi, [EMAIL PROTECTED] , Purwokerto, Indonesia
- Yogie, [EMAIL PROTECTED] , Bandung, Indonesia
- Siti Kamilah, [EMAIL PROTECTED] , Bandung, Indonesia
5. Pangajak + Panutup
Para wargi. Garapan digitalisasi teh sanes garapan enteng. Diperoyogikeun
tim anu seueur kalayan aktif. Kukituna, mangga ka dulur-dulur anu haat bade
ngabantosan ieu garapan PS, hubungan wae ka MH, Ki Adi atawa Kang Kumi.
Rupina sakitu wae iber ngeunaan digitalisasi PS. Keur katerangan hanca
garapan sareng proses ngagarapanana, mangga dihaturanan MH, Ki Adi atawa
Kang Kumi pikeun ngadadarkeunana.
baktos,
manAR
[Non-text portions of this message have been removed]
PENTING..!
attachment akan dihapus & tidak diteruskan kepada seluruh member.
dilarang beriklan. pelanggaran atas peraturan ini akan dikenai sanksi berupa
pencabutan membership.
terutama bagi pengguna ms outlook/outlook express, dihimbau untuk selalu
mengupdate antivirusnya.
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
