Ngaramekeun oge ah. Karunya atuh euweuh nu mairan.
KA CAI JADI SALEUWI KADARAT JADI SALEBAK
HAYU ULAH LOBA SEURI ANGGUR URANG ARIIBAK
Nong Gerak <[EMAIL PROTECTED]> wrote:
Raja nu resep ngahiji jeung rahayatna
Sawah ngeplok hejo di padataran,
dilingkung pasir pinuh tatangkalan,
dibeulah kamalir nu ngahaja meunang nyieunan,
istuning nandakeun rahayat meunang kasenangan.
Nu tatanen sawah kebon jeung babalongan,
digarawe pinuh ku katengtreman,
teu sieun panen engke dicokotan,
kunu teu hak pagawe karajaan.
Nu di tonggoh atawa nu di lebak,
istuning kabagean marakbak,
euweuh sugan nu kawasa ka rahayat matak semplak,
sakabeh nu nyicingan eta tempat hirup rampak.
Rahayat sunda nu boga cecepengan,
hirup sauyunan sabab aya nu mayungan,
hirup akur asa sadulur sabab boga panutan,
hirup tengtrem lahir batin sabab boga puntangan.
Raja nu resep ngahiji jeung rahayatna,
resep babagi kasenangan jeung rahayatna,
milu ngarasa kasusah rahayatna,
teu ukur menta ti rahayatna.
