Sadaya Puja lan Puji kanggo Gusti Nu Murbeng Alam,
Mudah mudahan samudaya kasalametan kanggo urang sadayana,
Tah ayeuna komentar sim kuring nu kaduana, sami sareng nu kahiji nyungkeun
agung cukup lumur hampura anu diteda , upami seratan sim kuring ngajaheutkeun
manah saderek sadayana.
Tah jadi Agama Sunda teh ngandung harti patokan ti Gusti jeung jalan menuju
Gusti nu mangrupakeun hasil guaran luluhur Sunda ti bumi Pasundan.
AA: Alhamdulillah Kang Ruswana pendalamanana tos dugi ka dieu, eta nu disebat
ku abdi wanoh teh kulan
Tah patokan Gusti eta ku luluhur Sunda geus prak dipigawe kalayan sanyatana
bakat ku nyaah ka anak-turunanna, diterapkeun dina raraga kumawula ka dirina,
ka luluhur jeung ka turunannna, ka papada kawula, ka alam-lingkunganna, oge
tangtu ka Gustina. Tah harita mah jigana can dingaranan da memang teu perlu,
nya disebut bae Agama (da ayana istilah agama Sunda atawa Agama Sunda Wiwitan,
Agama Jawa, Agama Kaharingan, jeung sajabana, eta mah kadieunakeun sanggeus
agama nu datang marake merek). Sanggeus datangna kayakinan/kapercaya an bangsa
deungeun nu ngajarkeun soal kumawula ka sasama mahluk, ka alam jeung ka Gusti
numutkeun adat jeung budaya bangsana, nu asalna ti kapercayaan Hindu disebut
bae agama Hindu, nu datang ti kapercayaan Budha disebut bae agama Budha, nu
datang ti Islam disebut Agama Islam, nu datang ti Kristen disebut bae agama
Kristen jeung sajabana, ari agama nu aslina teu meunang disebut agama, nya
disarebut bae kapercayaan (haaar !!???),
padahal kecap Aliran Kapercayaan atawa Kepercayaan terhadap Tuhan YME mah nya
ti taun 1973 sanggeus abus dina GBHN, samemehna disarebut Aliran Kebatinan
atawa Aliran Kerohanian atawa Aliran Kejiwaan, padahal kecap “batin” jeung
“rohani” mah asal tina basa Arab, sedeng nu diagem ajaran asli. Geuningan nyata
patukeur bajuna teh, nu ti luar ngahak nu pribumi, nu pituin kudu make basa
batur (“jati kasilih ku junti”). Geura urang bandingkeun contona ti mimiti
simkuring inget malah nepi ka kiwari ari nyebut pasta gigi teh sok nyebut odol,
kajeun merek naon bae (pepsoden, Ritaden, darkie, close-up jsb,) teu apal yen
odol teh hiji merk pasta gigi nu pangheulana sumebar di urang, sanggeus merk
odol teu kaluar deui, nya ngaran odol teh jadi ngaran “generik” pikeun pasta
gigi. Kitu oge welasan taun katukang ari nyebut tustel, kajeun merk naon bae
sok disarebut “kodak”, padahal kodak teh ngaran merk tustel nu baheula
ngamasarakat (populer), tapi
sanggeus merk kodak jebul deui, laun-laun jarang nyebut kodak nya tustel bae,
conto lain cai mineral kajeung merk naon bae sok sering disebut cai aqua..
AA: janten dingaranan teh kanggo ngabentenkeun sareat we nya ? Da intina mah
geuning sami wae ngagungkeun nu Ngawasa Alam.
Luluhur urang teu kacaritakeun nolak sumawonna nyerang ka eta bangsa jeung
agama nu datang ti bangsa deungeun, sabab luluhur urang geus make patokan Gusti
tea, yen mandang ka diri batur sacara kadirina pribadi moal nandasa ka batur da
urang ge embung ditandasa, moal nyerang ka batur dan urang oge embung diserang,
dina laku hirup jeung kahuripan tara garah geureuh ka batur sabab boga
pamadegan yen saha nu melak bakal metik hasilna. Nya akibatna agama-agama
deungeun jadi ngembang kalayan subur sabab teu diganggu, tapi sabalikna nu
tetep mikukuh jeung mituhu kana agama heubeul ti baheula tepi ka kiwari
ngalaman “dimarginalkeun/ diskriminasi” kadang nepi ka sok ditandasa sagala.
AA: ke punten di na palih dieu asana mah abdi kirang sapuk tah; kumaha waktos
lebet ka Sunda eta Agama teh ? Da panginten nu ngadagangkeun eta Agama teh
jelema saeutik, tapi tiasa ngalebetkeun daganganana kalayan laku, panginten
maranehanan ( nu asli ) mikir yen agama anyar teh meureun leuwih alus ? Da Moal
enya atuh dipaksa onaman, moal teu kalabur, di na daekeunana moal sareng
bathinna sanes ? Mangga galih langkung paos. Akhirna mang taun2 luluhur urang
teh beuki nyerep ka na eta Agama anyar teh, panginten sapagodos tea cek pamikir
abdi mah. Nya akhirna Agama karuhun teh tinggal sesa saeutik deui, panginten
eleh DAKWAH tea ieu mah. Ari masalah kaayeunakeun, panginten da tos jadi
mayoitas tea, ari agama heubeul janten minoritas, nya atuh kapaksa panginten,
namina ge minoritas, janten aya kateuadilan. Tah kiu panginten ari gemblengna
mah
