Rebun2 keneh di na poe ka-9 Duryodhana sumping ka kemah Bhisma, raray beureum pinuh ku emosi, teras nuduh Bhisma teu ngajalankan tugasna, tos ngantep Pasukan Kurawa ancur, bari teu usaha naon2; unggal poe Pasukan Kurawa kadeseh, para Pahlawan lan Senapati Kurawa unggal poe rebuan nu tos binasa.
Bhisma DewaBrata ngalahir aris, bari tetep teger, tapi katingal soantenna rada ngageter ku margi ngaraos hanjelu sareng sedih:" Hidep Suyudhana , tah eyang masrahkeun jiwa raga eyang pikeun kapentingan hidep; tapi naon sababna unggal poe hidep ngan nganyerikeun hate eyang wae ? Hidep saperti teu ngarti ka na kaayaan jeun kanyataan; Hidep teu bisa pisan ngabedakeeun mana nu bener mana nu salah; hate hidep saperti katutup ku halimun anu kacida kandelna. Supaya hidep ngarti; ieu perang teh byata2 jalan keur pangbalikan eyang; ngalaksanakeun kawajiban eyang nu pantes, Dharma Satriya. Eyang hamo bis ngalawan ka Srikandhi; lantaran eyang geus sumpah. Eyang ge teu wasa nelasn Putra2 Pandu; lantaran hate jeung nurani eyang teu ngidinan. Salain ti dua hal eta mah, eyang sanggup nelasan Pahlawan nu mana wae, nu maju nantang ka eyang. Najan sakabeh Pahlawan kudu ditelasan, bakal dilaksanakeun ku eyang. Tah ayeuna mah ti batan mikiran nu teu penting, hidep geura maju deui ka danalaga; sok jalankeun Dharma sabage Ksatriya." Saparatos nyarios kitu, Bhisma enggal masihan arahan ka Para Komandan Divisi sareng Pasukan Kurawa; di na nyanghareupan poe ieu poe kasalapan. Ku cariosan Bhisma nu leuleuy keudeeu, aris manis kitu, Suyudhana jadi sadar; enggal wae parentah2 ka Rai2na , utamana ka Dursasana:" Adi2 sakabeh; ayeeuna Kula percaya yen Bhisma enyaan bebela ka urang; ku sabab kitu urang sarerea oge kudu toh pati jiwa raga, di na ieu peperangan; tong ngingetkeun korban. Ngan kade ati2 Bhisma ulah sina pasanggrok jeun Srikandhi; bahaya. Inget anjing galak bisa maehan SINGA nu teu aya perlawanan." Perang poe ieu dimimitian ku Pasukan Abimanyu ngalawan Pasukan Setya Alambasa; sanajan Alambasa jangkung badag duakalieun Abimanyu; tapi Abimanyu estu teu gimir teu sing; malahan nyerang ka Alambasa hebat pisan; lami2 Alambasa teu kiat nahan serangan Abimanyu enggal ngacir kaluar palagan; atuh harita keneh pasukanana ujar ajer ku Abimanyu sareng pasukanana. Di na poe eta keneh SAatyaki ngalawanan Aswatama; Arjuna ngalawan Resi Drona. Si Medan sejenn Pandawa nu opat ( Yudhistira, Bima, Nakula, Sadewa ) nuju ngalawan Masa Denapati Kurawa Resi Bhisma. Tapi nyata2 Bhisma mandraguna pisan, Pandawa nu opat sadayana pada tatu sareng teras mundur; atuh Pasukan Pandawa harita keneh dibabd ku Resi BHisma. Ku margi kitu enggal wae Kresna ngingetkeun Arjuna; yen mun diantep; pasukan Pandawa bakal ancur. Atuh der wae Arjuna motong kareta Bhisma ngantunkeun Drona nu dilayanan ku Dristajumna. Perang Arjuna sareng Bhisma estu geget pisan; Bhisma ngaraos bingah pisan ningal ingkang putu sakitu gagahna; anjeunna teu ragu2 deui enggoning nyerang Arjuna; tapi Arjuna estu tarampil pisan; komo ditambah kusir jempolan Kresna mah. Estu sesah pisan Bhisma ngeunaan ka Arjuna. Sabalikna gondewa Bhisma sababaraha kali potong ku Arjuna; tapi ku ASrjuna teu disusul ku serangan sanesna diantep we eyang Bhisma sina nyandak gondewa sanesna. Katingal ku Kresna kajadian ieu; enggal Kresna ngalirenkeun karetana teras lungsurti na karetana bari pok ka Arjuna:"Partha; sampean perang teh siga nu keur ulin !" Teras Sri Kresna ngluarkeun Cakrana. Bhisma bareng mireng Krishna ngamang2 Cakra, enggal wae anjeunna ngalungkeun sagala alat perang; teras nyarios ka Krishna:"Yap kadieu Krishna; Kaula bungah pisan sampeyan datang. Sok sm[urnakeun Kaula; Kaula bungah nu aya." Demi Arjuna ningali kalakuan Krishna kitu, enggal ngudag teras Krishna dipangku dicandak deui ka na karetana; teras ngandika:"Eeee eh; raka Bhatara, eling Raka Beatara; kapan sampeyan tos sumpah moal ngagunakeun senjata sama sakali ? Naha bade dihapus eta sumpah teh ? Yeuh Sok cepeng deui kadali; Kaula bakal enya2 nelasan eyang Bhisma ayeuna mah. Tong ragu2 deui." Atuh Kresna teh enggal wae ngusiran deui karetana; demi arjuna teras nyerang Bhisma galak pisan ayeuna mah; Bhisma ripuh pisan nakisan panah ti Arjuna ugi ka sapuluh panah tos narancep di jasmani Bhisma; tapi untung panonpoe surup; perang poe ka 9 ditutup. HANCA
